អ្នករកស៊ី អ្នកធ្វើការងាយបាក់ទឹកចិត្ត និងអស់សង្ឃឹមណាស់ព្រោះពួកគាត់សម្បូរបញ្ហាច្រើន ជាហេតុនាំឱ្យពួកគាត់ងាយធ្លាក់ចូលអន្ទាក់ការគិតអវិជ្ជមាន។ ជាពិសេសស្ថិតក្នុងស្ថានភាពលំបាកដូចជាសព្វថ្ងៃនេះ ការជំពាក់លុយគេ រកស៊ីខាត ធ្វើការគ្មានលទ្ធផល ហើយចំណូលមានកម្រិតទៀតនោះ ផ្លូវចិត្តពួកគាត់កាន់យ៉ាប់។ កុំពិបាកចិត្តច្រើន បើអ្នកមាន ២ទម្លាប់នេះ ចិត្តរបស់អ្នកនឹងមានថាមពលឡើងមកវិញជានិច្ច។ សូម្បីតែចំណូលក៏កើនឡើងដែរ។ ព្រោះផ្លូវចិត្តនឹងចំណូលមានការទាក់ទងជាមួយគ្នា។
១. សាកថាមពលផ្លូវចិត្តឡើងវិញ៖ ទម្លាប់មួយអ្នករកស៊ីនិងអ្នកធ្វើការគួរមានក្នុងជីវិតប្រចាំថ្ងៃនោះគឺទម្លាប់នៅម្នាក់ឯងដើម្បីសម្រួចការគិត បំបែកបញ្ហា ហើយទម្លាប់មួយនេះបង្កើនថាមពលផ្លូវចិត្តថែមទៀត។ ហៅថា ទម្លាប់សាកថ្មផ្លូវចិត្ត។ តាមលោក Sean Covey ជាអ្នកនិពន្ធ ជាម្ចាស់ក្រុមហ៊ុន Franklin Covey Education បានលើកឡើងថា ពេលផ្លូវចិត្តរបស់អ្នកអស់ថ្មនោះ អ្នកចាំបាច់ត្រូវរកពេលសម្រាប់ខ្លួនឯងដើម្បីបន្ធូរអារម្មណ៍បញ្ចូលអារម្មណ៍ល្អៗ មកវិញ ទើបអ្នកមានកម្លាំងចិត្តបន្តដំណើរទៅមុខទៀត។ បើអ្នកមិនធ្វើបែបនេះទេ អ្នកនឹងអស់សេចក្តីរីករាយនឹងជីវិតជាមិនខានទេ”។ ពេលជីវិតរបស់អ្នកអស់សង្ឃឹម អស់កម្លាំងចិត្ត ចំណូលរបស់អ្នកមិនកើនឡើងនោះទេ។
ហើយលោក Seam បានបន្តថា ទោះបីអ្នករកស៊ី និងធ្វើការគ្មានលទ្ធផលក៏ដោយ សូមអ្នករកកន្លែងមួយដើម្បីសម្ងំខ្លួនដើម្បីសម្រួលចិត្តវិញ្ញាណរបស់អ្នកឱ្យមានថាមពលឡើងវិញ។ ហើយអ្នកនឹងមានគំនិតល្អៗ ផុសចេញមក ដើម្បីធ្វើការមានលទ្ធផល។ ព្រោះលទ្ធផលជាចំណូល។ ការសម្ងំនៅម្នាក់ឯង នៅក្នុងបន្ទប់ទឹកក៏បាន នៅបន្ទប់គេងក៏បាន និងនៅព្រៃស្ងាត់ក៏បាន ហើយចូរអ្នកដង្ហើមមួយៗ តាមធម្មជាតិនោះ អ្នកនឹងឃើញថា ផ្លូវចិត្តរបស់អ្នកកាន់តែមានថាមពលឡើងវិញ ហើយចាំអ្នកទៅធ្វើការនិងរកស៊ីនឹងមានលទ្ធផលកើនចំណូលមិនខាននោះទេ។
២. ទម្លាប់ត្រៀមទុកមុននាំចិត្តរបស់អ្នកកាន់តែរីករាយ៖ មនុស្សភាគច្រើនទាំងអ្នកធ្វើការនិងអ្នករកស៊ីដែលខ្វះភាពរីករាយក្នុងជីវិតក្នុងអាជីកម្មព្រោះពួកគេមិនបានត្រៀមខ្លួនជាមុន។ ហើយធ្វើកិច្ចការអ្វីមួយ ចាប់ផ្តើមដោយសេចក្តីប្រញ៉ាប់ប្រញាល់លឿនៗ វាធ្វើឱ្យចិត្តរបស់ពួកគាត់ច្របូកច្របល់និងស្មុគស្មាញច្រើនឡើង។ តាមលោក Sean Covey បានលើកឡើងថា ការគិតទុកជាមុនមួយថ្ងៃ ជាទម្លាប់ស្រូបនៅសេចក្តីរីករាយក្នុងជីវិត ព្រោះវាជួយអ្នកឱ្យអ្នកចេះគ្រប់គ្រងលើជីវិតខ្លួនឯងបានល្អ។ (ហើយវាក៏ធ្វើឱ្យចេះគ្រប់គ្រងលើបញ្ហាដែរ)។
លោក Seam បានបន្តចុងក្រោយយ៉ាងមុតមាំថា មានហេតុផលពីរយ៉ាង ទម្លាប់ល្អចេះត្រៀមទុកជាមុនគឺថា ទី១. ពេលបច្ចុប្បន្ននេះជាពេលអ្នកធ្វើការសម្រេចចិត្តដែលមានការជាប់ទាក់ទងនឹងជោគវាសនាអនាគតរបស់អ្នក ដូច្នេះហើយ! អ្នកត្រូវចេះត្រៀមលក្ខណៈទុកជាមុន ដើម្បីការពារកំហុសឆ្គង ដោះបញ្ហាបានលឿន(បញ្ហាជាឱកាសជាចំណូលសម្រាប់អ្នករកស៊ីនិងអ្នកធ្វើការ)។ ទី២. បើអ្នកមិនហ៊ានធ្វើការសម្រេចចិត្តលើអនាគតដោយខ្លួនឯងទេ ច្បាស់ណាស់នឹងមានគេមកសម្រេចចិត្តដើម្បីអ្នកដឹកនាំជីវិតរបស់អ្នកជំនួសជាមិនខានឡើយ៕ អត្ថបទដោយ៖ ទ្រ សុភាព
អ្នកអាចទិញសៀវភៅ លំហូរចិត្ត ទិញតាមនេះ https://t.me/BusinessCambodiaBook