១. កាយមាំ ជំងឺរត់ចេញ៖ បើអ្នកចង់រស់នៅមានអាយុវែងជាដំបូងអ្នកត្រូវថែសុខភាពរាងកាយឱ្យមាំសិន។ តើគួរធ្វើបែបណា? តាមវេជ្ជបណ្ឌិត Shigeaki Hinohara បានផ្តល់ចម្លើយថា ហូបកុំឱ្យឆ្អែតពេក ត្រឹមតែ៨០%នៃក្រពះបានហើយ(ហូបតាមចិត្តចង់នាំឱ្យអ្នកធាត់ មានជំងឺ)។ ហើយបន្តធ្វើលំហាត់ប្រាណដើម្បីពង្រឺងមុខងាររាងកាយឱ្យមាំ”។ ពេលអ្នកធ្វើលំហាត់ប្រាណ អ្នកបានជម្រុះជំងឺលើសឈាម ជម្រុះជាតិខ្លាញ់ និងជម្រុះស្រ្តេសបាត់បានយ៉ាងងាយ។ នេះជាលទ្ធផលនាំឱ្យអ្នកមានសុខភាពរាងកាយមាំព្រោះតែការធ្វលំហាត់ប្រាណនេះឯង។

២. កុំរស់នៅអតីត និងអនាគត ឱ្យអាយុខ្លី៖ មនុស្សដែលមានបញ្ហាផ្លូវចិត្តច្រើន តែងតែខ្វល់ពីអតីតកាល និងអនាគតច្រើនពេក វាធ្វើឱ្យគាត់គ្មានសតិរស់នៅពេលបច្ចុប្បន្ន។ តាមលោកវេជ្ជបណ្ឌិត Hinohara បានផ្តល់យោបល់ថា អ្នកត្រូវរស់នៅជាមួយការសប្បាយចិត្តក្នុងបច្ចុប្បន្ននេះ ពេលឥឡូវនេះ ដើម្បីធ្វើបែបនេះបាន អ្នកកុំប្រកាន់គំនិតនេះក្នុងភាពមានះខ្លាំងពេក កុំសន្យំរឿងអវិជ្ជមាន កុំភ្លេចថែរក្សាចិត្តផងដែរ គឺអ្នកត្រឹមតែរស់នៅដោយសតិបញ្ញា នៅក្នុងភាពជាកណ្តាល។” វាពិតជាមានអត្ថន័យអស្ចារ្យខ្លាំងណាស់ សម្រាប់លោកវេជ្ជបណ្ឌិតចង់មានន័យថា អ្នកត្រូវប្រឹងឱ្យអស់ពីសមត្ថភាព និងសម្រួលចិត្តដោយចិត្តនៅកណ្តាលក្នុងបច្ចុប្បន្នកាលពេលនេះ ធ្វើឱ្យចិត្តរបស់អ្នកគ្មានសម្ពាធនោះទេ។

៣. អំពើល្អជួយឱ្យអ្នកអាយុវែង៖ អំពើល្អជាក្តីស្រឡាញ់មួយមានអត្ថន័យក្នុងជីវិតណាស់។ លោកវេជ្ជបណ្ឌិត Hinohara មានអាយុវែងក៏ព្រោះគាត់ធ្វើអំពើល្អច្រើន គឺជួយជីវិតមនុស្សរាប់រាប់ម៉ឺននាក់ឯណោះ។ គាត់មួយថ្ងៃធ្វើការ ១៨ ម៉ោង ការងារដែលគាត់មានក្តីស្រឡាញ់ធ្វើឱ្យគាត់សប្បាយចិត្តបំផុតគឺព្រួពេទ្យ។ គាត់បាននិយាយថា អ្នកត្រូវធ្វើអំពើល្អ កុំអង្គុយទំនេរពេក។ បើអ្នកចង់ឱ្យជីវិតនេះរីករាយ អ្នកត្រូវមានកិច្ចការជួយអ្នកដទៃ៕ អត្ថបទដោយ៖ ទ្រ សុភាព

អ្នកអាចទិញសៀវភៅ វិថីគ្រាប់ពូជ ទិញតាមនេះ https://t.me/BusinessCambodiaBook