តាមសារព៌តមាន CNN បានចុះផ្សាយថា សហនាយកប្រតិបត្តិក្រុមហ៊ុន Samsung លោក Han Jong-Hee បានទទួលមរណភាពដោយសារបញ្ហាគាំងបេះដូងកាលពីថ្ងៃអង្គារនេះ។ នេះជាការយោងតាមអ្នកនាំពាក្យរបស់ក្រុមហ៊ុនបច្ចេកវិទ្យាយក្សកូរ៉េខាងត្បូងបានប្រាប់ផងដែរ។
ហើយអ្នកនាំពាក្យក្រុមហ៊ុន Samsung បានលើកឡើងថា លោក Han បានទទួលមរណៈភាពនៅមន្ទីពេទ្យកំពុងតែសម្រាកព្យាបាលដោយសារតែជំងឺគាំងបេះដូងនេះ។ ចំពោះអ្នកបន្តតំណែងពីលោក Han មិនទាន់សម្រេចនៅឡើយទេ។
លោក Han Jong-Hee ត្រូវបានគេតែងតាំងជាអនុប្រធានក្រុមហ៊ុន Samsung Electronics និងជាសហ CEO នៅឆ្នាំ២០២២ជាមួយគ្នាផងដែរ។ ហើយលោក Han ជាបុគ្គលម្នាក់បានលះបង់ជីវិតរបស់គាត់ជាង ៣៧ឆ្នាំដើម្បីក្រុមហ៊ុន Samsung ឱ្យក្លាយជាអ្នកដឹកនាំកំពូលក្នុងពិភពលោក។
ប៉ុន្តែគួរឱ្យស្តាយណាស់! ពេលនេះ លោក Han Jong-Hee ទទួលមរណភាពក្នុងអាយុ ៦៣ឆ្នាំ។ នេះជាដំណឹងមួយធ្វើឱ្យមនុស្សជុំវិញពិភពលោកមានការភ្ញាក់ផ្អើលផងដែរ។ សូមចូលរួមរំលែកទុក្ខយ៉ាងជ្រាលជ្រៅជាមួយគ្រួសារ និងមនុស្សជាទីស្រឡាញ់របស់គាត់ក្នុងគ្រាដ៏លំបាកធ្លាប់តស៊ូជាមួយគ្នា។