១. បិទឧបករណ៍អេឡិចត្រូនិក៖ ពន្លឺពណ៌ខៀវចេញពីទូរស័ព្ទ និងថេប្លេតរបស់អ្នកជាកត្តារំខានដល់ការផលិតអ័រម៉ូន Melatonin ដែលគ្រប់គ្រងនាឡិកាលើជីវសាស្រ្តក្នុងការគេងរបស់អ្នក។ ទម្លាប់ប្រើប្រាស់ទូរស័ព្ទមុនពេលចូលគេងបង្កើនអារម្មណ៍សម្រាកមិនល្អប៉ុន្មានទេ ព្រោះវាអាចមានព័ត៌មានអវិជ្ជមាន។ អ្នកគួរតែបិទឧបករណ៍អេឡិចត្រូនិកយ៉ាងហោចណាស់មួយម៉ោងមុនពេលចូលគេង ដើម្បីឱ្យអារម្មណ៍ស្ងប់។

២.កត់ត្រាក្តីព្រួយបារម្ភ៖ ពេល​អ្នក​កំណត់​ពេល​ដើម្បី​ជួប​មិត្តភ័ក្ដិ កម្មវិធី និងម៉ោងធ្វើការបានច្បាស់នោះ អ្នកនឹងគ្មានក្តីកង្វល់ចិត្តច្រើនពេលចូលគេងនោះទេ។ ចូរអ្នកចំណាយពេល ១៥នាទីជារៀងរាល់ថ្ងៃ សរសេរពីកង្វល់ និងដំណោះស្រាយរបស់អ្នក វាធ្វើឱ្យអ្នកដឹងថា ស្អែកខ្លួនបានធ្វើកិច្ចការអ្វីខ្លះ? និងបានត្រៀមខ្លួនទុកជាមុនផងដែរ។ វាធ្វើឱ្យអារម្មណ៍របស់អ្នកគេងលក់ស្រួលជាងមុន ហើយអារម្មណ៍ឆាប់ស្ងប់ចិត្តផងដែរ។​

៣. សម្រាកមុនពេលចូលគេង៖ យ៉ាងហោចណាស់ ៣០នាទីមុនពេលចូលគេង អ្នកគួរតែធ្វើរឿងណាមួយឱ្យចិត្តអ្នកបានសម្រាកបានលំហែកាយដូចជាការស្តាប់តន្ត្រី អានសៀវភៅនិងសមាធិជាដើម។ ការរក្សាទម្លាប់បែបនេះឱ្យបានទៀងទាត់ជួយបន្ធូរអារម្មណ៍ និងបង្កើតចង្វាក់ជីវសាស្រ្តក្នុងខួរក្បាលឱ្យស្ងប់មុនអ្នកចូលគេង។

៤. បង្កើតបរិយាកាសបន្ទប់គេង៖ បន្ទប់គេងដែលមានសីតុណ្ហភាពត្រជាក់ ងងឹត ស្ងប់ស្ងាត់ និងជាបន្ទប់ដែលរៀបចំបានស្អាតមានរបៀបរៀបរយ អាចជះផលល្អជួយអនុញ្ញាតឱ្យរាងកាយ និងខួរក្បាលសម្រាកបានលឿន កាត់បន្ថយបញ្ហាតានតឹងអំឡុងពេលមុនចូលគេង។

អត្ថបទដោយ៖ ទ្រ សុភាព