ពេលមានអារម្មណ៍រីករាយ អ្នកគិត អ្នកធ្វើអ្វីក៏មានលទ្ធផលដែរ។ ប៉ុន្តែពេលអ្នកមិនមានអារម្មណ៍ល្អនោះ តើអ្នកគួរធ្វើបែបណា? តាមគេហទំព័រ powerofpositivity បានបញ្ជាក់ថា បើអ្នកមិនអាចគេងបានក្នុងមួយយប់៦ទៅ៨ម៉ោងទេ អ្នកកំពុងតែធ្វើបាបសុខភាពខ្លួនឯងទាំងកាយនិងចិត្តហើយ វាធ្វើឱ្យខួរក្បាលអ្នកគិតលើរឿងអវិជ្ជមានច្រើនដែរ។ បើអ្នកសម្រួលចិត្តឱ្យស្ងប់មុនចូលគេង វាធ្វើឱ្យចិត្តអ្នកស្ងប់ក្នុងការគេង សូម្បីតែការគិតក៏គិតវិជ្ជមានដែរ”។ នេះជាវិធីមួយនាំការគិតអ្នកវិជ្ជមាននោះ ចូលអ្នកនឹកគិតរឿងល្អៗ ពីអតីតកាល និងរឿងសប្បាយរីករាយដែលអ្នកធ្លាប់ជួប ហើយរឿងដែលអ្នកធ្លាប់ធ្វើឱ្យសម្រេចផងដែរ។
តាមគំនិតមួយទៀតតាមប្រសាសន៍របស់អ្នកឧកញ៉ាវេជ្ជបណ្ឌិត គួច ម៉េងលី ដែលចែករំលែកលើបណ្ដាញយូធូបរបស់លោកក៏បានលើកឡើងពីវិសាលភាពនៃការគិតវិជ្ជមានដែរថា “មនុស្សយើងមិនត្រូវមានភាពអវិជ្ជមានច្រើនក្នុងខ្លួននោះទេ ព្រោះអ្វីដែលយើងគិត វានឹងក្លាយជាការពិតក៏មានដែរ។ នៅពេលយើងឆ្ងល់ពីរឿងអសមត្ថភាព វានាំឱ្យយើងអសមត្ថភាព យើងគិតថា ខ្លួនធ្វើមិនកើតទេ វាមិនអាចទេ...ហើយយើងគឺធ្វើមិនបានមែន ព្រោះតែគំនិតអវិជ្ជមាននេះ។ ដូន្នេះ យើងគួរព្យាយាមគិតវិជ្ជមានឱ្យច្រើន គិតអ្វីឱ្យលូតលាស់ គិតអ្វីឱ្យស្រស់ថ្លា ហើយអារម្មណ៍អ្នកក៏ល្អ គំនិតហ្នឹងក៏ទាញអ្នកឱ្យសម្រេចគោលដៅ”។
សម្រាប់ចំណុចទីបីវិញនោះ ការរៀនមើលអ្វីៗ ក្នុងផ្លូវល្អជាការស្ថាបនាសេចក្តីសុខចូលក្នុងជីវិតរបស់អ្នកកាន់តែច្រើន។ នេះជាសម្តីលោក ម៉ារទីន សេលិកម៉ែន សូម្បីនៅក្នុងសៀវភៅ Learned Optimism របស់លោកក៏បានបញ្ជាក់បន្ថែមថា ពេលអ្នកងើបពីការដួល ការបរាជ័យ និងការឈឺចាប់អ្វីមួយ មិនមែនការជម្នះលើអារម្មណ៍ផ្លូវចិត្តនោះទេ ប៉ុន្តែជាការសម្លឹងមើលជីវិតជាថ្មីក្នុងផ្លូវវិជ្ជមានដោយគិតថា ការដួលក្នុងជីវិតនេះ គ្រាន់តែជាមួយរឿងមួយកើតឡើងមួយរយៈពេលខ្លី រួចក៏រលាយបាត់ទៅវិញហើយ។” អ្នកអាចគិតមើលថា តើបញ្ហារាប់រយចូលមកក្នុងជីវិតអ្នកនេះ មានបញ្ហាមួយណាជាការពិត? គឺគ្មានទេ វាតែងរសាតតាមខ្យល់រហូត។ ការគិតបែបនេះ នាំឱ្យរឿងល្អៗ ក៏ចូលមកក្នុងជីវិតអ្នក៕ អត្ថបទដោយ៖ ទ្រ សុភាព