ការរួទភេទជារឿងល្អសម្រាប់ដៃគូ និងជីវិតប្តីប្រពន្ធ។ មានសំណួរថា តើការរួមភេទច្រើនអាចបង្កផលប៉ះពាល់អ្វីខ្លះដល់សុខភាពទេ? យោងតាមការសិក្សាបានចេញផ្សាយនៅក្នុង Archives of Sexual Behavior បញ្ជាក់ថា ការរួមភេទរបស់មនុស្សម្នាក់ៗមានការប្រែប្រួលទៅតាមអាយុ និងសុខភាពរឹងមាំ ឬខ្សោយផងដែរ។ ការស្រាវជ្រាវបានប៉ាន់ប្រមាណចំនួនដងដែលមនុស្សពេញវ័យជាមធ្យម មានការរួមភេទ ៥៤ដងក្នុង១ឆ្នាំតែប៉ុណ្ណោះ។
តាម វេជ្ជបណ្ឌិត Rebecca C. Brightman, MD បានលើកឡើងមិនថាមនុស្សស្រី ឬក៏មនុស្សប្រុសនោះទេ កាលណាតែរួមភេទច្រើនអាចនឹងធ្វើឲ្យប៉ះពាល់ដល់តំបន់សម្ងាត់។ តួយ៉ាងចំពោះមនុស្សស្រីគ្រោះថ្នាក់ចម្បងនៃការរួមភេទខ្លាំងគឺការហើមខ្លាំងតំបន់ទ្វារមាស និង Labia ដែលជាផ្នត់នៃស្បែកនៅជុំវិញទ្វារមាសឡើងស្ងួត។ វេជ្ជបណ្ឌិតបានពន្យល់ថា "ជាមួយនឹងការភ្ញោចផ្លូវភេទច្រើនទ្វារមាស ប្រែជាមានឈាម ដែលនាំឲ្យមានការហើម និងឈឺចាប់ខ្លាំង"។
សម្រាប់បុរសវិញការរួមភេទយូរក៏អាចមានហានិភ័យដល់លិង្គដែរ។ កាលណាអ្នករួមភេទច្រើនលិង្គអាចឈឺ ហើម និងរមាស់ ហើយថែមទាំងពិបាកបត់ជើងតូចទៀតផង។ ហើយត្រូវចាំថា លិង្គធំមិនតែងតែល្អទេ ជាពិសេសប្រសិនបើអ្នករួមភេទច្រើន។ ខណៈពេលដែលលិង្គក្រាស់អាចធ្វើឱ្យដៃគូរបស់អ្នកមានអារម្មណ៍ ឈឺចាប់ និងមិនស្រួលផងដែរ។
វេជ្ជបណ្ឌិតបានបន្តថា ការរួមភេទច្រើនអាចបង្កើនហានិភ័យដល់ការឆ្លងមេរោគប្លោកនោម និងទ្វារមាសរបស់អ្នក ដោយសារតែតុល្យភាព pH របស់ទ្វារមាសត្រូវបានរំខាន។ ដើម្បីជួយការពារការឆ្លងមេរោគប្លោកនោម និងទ្វារមាសសូមសម្អាតប្លោកនោមរបស់អ្នក បន្ទាប់ពីរួមភេទជាមួយដៃគូរបស់អ្នក។ នេះជាការចែករំលែកនូវចំណេះដឹងថ្មីសម្រាប់ដៃគូដែលអាចទទួលបានគុណប្រយោជន៍ពីការរួមភេទតែប៉ុណ្ណោះ៕ អត្ថបទដោយ៖ ទ្រ សុភាព