ខ្ញុំដឹងថា សម្រាប់អ្នកមិនទាន់មានបទពិសោធន៍ទៅពិនិត្យសុខភាព ឬព្យាបាលជំងឺនៅក្រៅប្រទេស ពិតជាលំបាកក្នុងការស្វែងរកព័ត៌មាន សាកសួរតម្លៃ និងរៀបចំឯកសារផ្សេងៗ ហេតុនេះហើយទើបថ្ងៃនេះក្រុមការងារពាំនាំនូវព័ត៌មានលម្អិតអំពីមន្ទីរពេទ្យដ៏ល្បីនិងចំណាស់១នៅប្រទេសថៃ ព្រមទាំងប្រាប់ពីរបៀបរៀបចំទៅបែបណាឱ្យចំណេញ លើចំណេញ ខណៈតម្លៃក្នុងការពិនិត្យសុខភាពគឺស្ទើរតែមិនខុសពីនៅក្នុងប្រទេសយើងឡើយ។

នៅក្នុងបទសម្ភាសផ្ទាល់ រវាងក្រុមការងារHealthy Cambodia និងប្រធានផ្នែកអភិវឌ្ឍអាជីវកម្មនៃ ការិយាល័យតំណាងមន្ទីរពេទ្យ MedCreate, លោក រ័ត្ន សុចាន់ បានប្រាប់ឱ្យដឹងថា មន្ទីរពេទ្យប៉ៅឡូ គឺជាមន្ទីរពេទ្យយ៉ាងចំណាស់១នៅចំកណ្តាលទីក្រុងបាងកក ដែលមិនថាពលរដ្ឋថៃផ្ទាល់ ពលរដ្ឋខ្មែរ ឬក៏បរទេសចូលចិត្តទៅមន្ទីរពេទ្យនេះណាស់នៅពេលដែលពួកគេធ្លាប់បានចូលម្តងហើយ, មូលហេតុគឺសេវាកម្មល្អ គុណភាពល្អ មានឯកទេសធំៗនិងវេជ្ជបណ្ឌិតពូកែៗ​ រីឯតម្លៃវិញគឺសមរម្យខ្លាំងបំផុត បើធៀបនឹងតម្លៃនៅក្នុងប្រទេសកម្ពុជាគឺលើសខ្វះគ្នាតិចតួចប៉ុណ្ណោះ។

មន្ទីរពេទ្យប៉ៅឡូ គឺជាមន្ទីរពេទ្យដ៏ចំណាស់មួយចាប់ផ្តើមបង្កើតឡើងតាំងពីឆ្នាំ១៩៧២មកម្លេះ គិតមកដល់បច្ចុប្បន្ននេះមានអាយុកាល៥០ឆ្នាំហើយ។ ជាមួយនឹងការបម្រើសេវាកម្មសុខាភិបាល ៥០ឆ្នាំមកនេះ ប៉ៅឡូ បានក្លាយជាមន្ទីរពេទ្យឈានមុខគេបំផុតមួយក្នុងប្រទេសនិងថ្នាក់អន្តរជាតិក្នុងការផ្តល់សេវាសុខាភិបាលទាំងគុណភាព និងសុវត្ថិភាព។ គួរបញ្ជាក់ផងដែរថា មន្ទីរពេទ្យប៉ៅឡូ ក៏ជាសមាជិកនៅក្នុងគ្រុបមន្ទីរពេទ្យដ៏ល្បីបំផុតមួយមានការទទួលស្គាល់គុណភាពស្តង់ដារលក្ខណៈអន្តរជាតិ គឺBDMS។

ឯកទេសសំខាន់ៗដែលមន្ទីរពេទ្យប៉ៅឡូអាចផ្តល់ឱ្យបានរួមមានដូចជា ឯកទេសផ្នែកប្រព័ន្ធរំលាយអាហារ ក្រពះពោះវៀន, ឯកទេសរោគស្ដ្រី, ឯកទេសវះកាត់សន្លាក់ ឆ្អឹងគ្រប់ប្រភេទ​ និងឯកទេសជាច្រើនមុខទៀតផងដែរ។ ហើយប្រសិនបើបងប្អូន សួរថា ចុះបើចង់ទៅត្រូវធ្វើបែបណា? គួររៀបចំអ្វីខ្លះ? អស់លុយប្រហែលប៉ុន្មាន? អាចសួរតម្លៃសិន មិនទាន់ទៅបានអត់?

ចម្លើយគឺ...បានគ្រប់យ៉ាង។ លោក រ័ត្ន សុចាន់ បានប្រាប់មកក្រុមការងារថា ប្រសិនបើបងប្អូនប្រជាជនកម្ពុជាទាំងអស់ដែលមានបំណងពិនិត្យសុខភាព ព្យាបាលជំងឺ ចង់សិក្សាតម្លៃ សួរព័ត៌មានពេទ្យ ទោះមិនទាន់ទៅភ្លាមៗក៏ដោយ បងប្អូនអាចទំនាក់ទំនងទៅកាន់ ក្រុមការងារMedCreateបានភ្លាមៗ។ MedCreate គឺជាការិយាល័យតំណាងមន្ទីរពេទ្យក្រៅប្រទេសដូចជា ថៃ សិង្ហបុរី ឥណ្ឌាជាដើម ហេតុនេះរាល់ព័ត៌មានលម្អិតគ្រប់យ៉ាង រួមទាំងការរៀបចំឯកសារ សិក្សាតម្លៃ ស្នើរសុំការបញ្ចុះតម្លៃផ្សេងៗទាំងអស់ និយាយរួមគឺការរៀបចំចាប់តាំងពីនៅក្នុងប្រទេសកម្ពុជា ដល់ប្រទេសថៃ រហូតត្រលប់មកប្រទេសកម្ពុជាវិញ គឺMedCreate រៀបចំជូនមួយឆុតដោយឥតមានគិតថ្លៃអ្វីពីបងប្អូននោះទេ មិនមានការគិតកម្រៃជើងសារអ្វីដោយ ព្រោះMedCreate ប្រៀបដូចជាបុគ្គលិករបស់មន្ទីរពេទ្យក្រៅស្រុកដែលជាដៃគូទាំងអស់នោះឯង។

ដូចនេះប្រសិនបើបងប្អូនចង់ទៅពិនិត្យសុខភាព ឬព្យាបាលជាមួយពេទ្យឯកទេសជំនាញ មានវិជ្ជាជីវៈច្បាស់ មន្ទីរពេទ្យលំដាប់អន្តរជាតិ ព្រមទាំងមានការរៀបចំឯកសារ ការធ្វើដំណើរជូនពីដើមដល់ចប់ បងប្អូនអាចទំនាក់ទំនងទៅតាមរយៈMedCreateដោយឥតគិតថ្លៃ។ ទំនាក់ទំនងលេខទូរស័ព្ទ 070 993 988៕

អត្ថបទដោយ៖ កញ្ញា លីហួយ