សម្រស់ប្រែប្រួលតាមធម្មជាតិជារឿងធម្មតា មនុស្សចូលវ័យកាន់តែច្រើន ចាប់ផ្ដើមមានស្នាមជ្រួញ ស្នាមភ្លីលើមុខជារឿងដែលមិនអាចប្រកែកបាន អ្វីដែលជាបញ្ហាគឺអាយុទើបនៅក្មេងសោះតែស្នាមភ្លីជ្រួញនៅលើមុនច្រើនរាប់មិនអស់ទៅហើយ។ ស្នាមជ្រួញលើស្បែកមុខ វាបានក្លាយជាផលរំខានមួយធ្វើឱ្យសម្រស់ដ៏ស្រស់ក្មេងរបស់យើងក្លាយទៅជាចាស់ជាងវ័យ អាយុទើបជាងម្ភៃ មើលទៅដូចសាមប្លាយក៏មាន។

បើសិនមិនចង់ឱ្យសម្រស់ត្រូវចាស់ជាងវ័យលឿនទេ ជារឿងចាំបាច់បំផុតដែលត្រូវដឹងពីអ្វីដែលជាឫសគល់ធ្វើឱ្យមុខមានស្នាមជ្រួញលឿន ដើម្បីកម្ចាត់វាចោល។ ផ្សារភ្ជាប់ជាមួយគ្នានេះ តាមការចែករំលែករបស់វេជ្ជបណ្ឌិត ឯក ស៊ានរ៉ាឌីន ឯកទេសសើរស្បែកនិងកែសម្ផស្សដោយមិនបាច់វះកាត់ ប្រចាំការនៅមជ្ឈមណ្ឌលកែសម្ផស្ស មៀរ៉ា បានពន្យល់ថាជាទូទៅនៅពេលចូលដល់វ័យ៣០ទៅ៣៥ឆ្នាំឡើង ស្នាមនឹងចាប់ផ្ដើមមានស្នាមជ្រួញលើស្បែក ហើយមនុស្សមុនវ័យ៣០ឆ្នាំ ក៏អាចមានស្នាមជ្រួញផងដែរ​ អាស្រ័យលើកត្តាបរិយាកាសជុំវិញខ្លួន និងសុខភាពផ្លូវចិត្តរបស់មនុស្សម្នាក់ៗ។

វេជ្ជបណ្ឌិត ឯក ស៊ានរ៉ាឌីន បានឱ្យដឹងថា កត្តាធំៗធ្វើឱ្យស្បែកជ្រួញទីមួយនោះគឺកត្តាអាយុ នៅពេលដែលអាយុកាន់តែច្រើន ស្រទាប់ខូឡាជែនមានបាត់បង់ ហើយស្រទាប់ខ្លាញ់ក្រោមស្បែកដែលធ្វើឱ្យស្បែកតឹងណែនក៏ធ្លាក់ចុះដូចគ្នា ហេតុនេះទើបធ្វើឱ្យស្បែកចាប់ផ្ដើមជ្រួញ។ កត្តាជម្រុញផ្សេងទៀត គឺការប៉ះពាល់ពន្លឺព្រះអាទិត្យ ប៉ះពាល់កម្ដៅព្រះអាទិត្យកាន់តែច្រើនUVA,UVB ពីព្រះអាទិត្យធ្វើឱ្យខូចខូឡាជែនក្រោមស្បែក។ កត្តាជក់បារី និងទទួលទានជាតិអាល់កុលច្រើន(ស្រា) ក៏ជាផ្នែកមួយធ្វើឱ្យស្បែកចាស់ជាងវ័យលឿនផងដែរ។ រឿងសាមញ្ញដែលមនុស្សភាគច្រើនភ្លេចខ្លួន គឺការលេងទឹកមុខ ធ្វើជ្រួញចិញ្ចើម សើចច្រើន គេងផ្កាប់មុខ និងការរើសផលិតផលខុសធ្វើឱ្យស្បែកមុខស្ងួតក្លាយទៅជាជ្រួញលឿន។

បើមិនចង់ឱ្យមុខរបស់អ្នកចាស់ជាងវ័យ មានស្នាមជ្រួញពេញមុខទាំងក្មេង ជាពិសេសត្រង់កន្ទុយភ្នែក និងថ្ងាស់ កុំទាន់អាលភ័យ ចង់បានស្បែកក្មេងឡើងវិញមិនមានជារឿងពិបាកទេ។ វេជ្ជបណ្ឌិត ឯក ស៊ានរ៉ាឌីន បានចែកគន្លឹះ២ ដែលអាចអនុវត្តដោយខ្លួនឯងបាន ដើម្បីថែស្បែកឱ្យមានសុខភាពល្អ ក្មេងខ្ចីឡើងវិញ។

ការការពារដោយខ្លួន​ឯង៖

១ មុនពេលចេញក្រៅ ត្រូវការពារស្បែកដោយការលាបឡេការពារកម្តៅថ្ងៃ ផ្ដល់សំណើមដល់ស្បែក និងពាក់អាវជិតៗ ពាក់មួក ពាក់វែនតាដើម្បីទប់កម្ដៅថ្ងៃកុំឱ្យជះមកត្រូវស្បែកខ្លាំងពេក។ ម៉ោងដែលចេញក្រៅគួរតែការពារស្បែកខ្លាំងបំផុត គឺចន្លោះពីម៉ោង១០ទៅម៉ោង៣ថ្ងៃ និងចៀសវាងការក្រោមកម្ដៅថ្ងៃក្ដៅយូរពី២០នាទីទៅ១ម៉ោង UVA និងចាប់ផ្ដើមច្រៀបចូលស្រទាប់ស្បែកបំផ្លាញខូឡាជែន។

២ ផ្ដល់សំណើមដល់ស្បែក ជាពិសេសអ្នកមានបញ្ហាស្បែកស្ងួត ចៀសវាងការជ្រើសរើសផលិតណាដែលកាត់ជាតិប្រេងរបស់ស្បែកបន្ថែម គួរប្រឹក្សាជាមួយអ្នកជំនាញជាមុន មុននឹងរើសផលិតផលប្រើ ព្រោះស្បែកកាន់តែស្ងួត ជ្រួញកាន់តែលឿន។

៣ បញ្ឈប់ការជក់បារី និងចៀសឱ្យឆ្ងាយពីកន្លែងដែលមានផ្សេងបារីច្រើន និងកាត់បន្ថយឬឈប់ផឹកជាតិអាល់កុលផងដែរ។ វេជ្ជបណ្ឌិត ឯក ស៊ានរ៉ាឌីន បានបញ្ជាក់ថា សម្រាប់មនុស្សស្រីបើផឹកជាតិអាល់កុល ជាប់គ្នា២សប្ដាហ៍ឡើង នោះស្បែកនឹងចាស់លឿនបំផុត។

៤ ញ៉ាំអាហារជំនួយ ជាប្រភេទអាហារដែលមានវីតាមីនC ច្រើនជំនួយស្បែក ភាគច្រើនមាននៅក្នុងបន្លែបៃតងនិងផ្លែឈើស្រស់។ ប្រសិនបើយកផ្លែឈើទៅគៀបឬក្រឡុកផឹក នឹងជំនួយស្បែកបានលឿនជាង ប៉ុន្តែគួរកុំជ្រើសយកផ្លែឈើណាដែលផ្អែមខ្លាំងពេក។

ការបំបាត់ជ្រួញតាមបែបវេជ្ជសាស្ត្រ៖

១ Topical retinoid ៖ ជាសេវាកម្មប្រើថ្នាំលាបដែលមានសារធាតុផ្សំជាខ្សែស្រឡាយនៃវីតាមីនអេ ហើយលាបឡេការពារកម្ដៅថ្ងៃពីលើ១ជាន់ទៀត។ សេវាកម្មចេញជួយបន្តឹងស្បែកបំបាត់ជ្រួញ បាត់ជាំ ធ្វើឱ្យភ្លឺថ្លា។

២ HIFU៖ ជាសេវាកម្មប្រើម៉ាស៊ីនបន្តឹងស្បែក ធ្វើឱ្យខូឡាជែនដែលងាប់ៗនៅក្រោមស្បែករលាស់ឡើងវិញបំបាត់ជ្រួញ។

៣ Botox មានប្រសិទ្ធិភាពចន្លោះ ៣ទៅ៤ខែអាស្រ័យតាមការថែរទាំរៀងៗខ្លួន។

៤ Filler អាចចាក់បាននៅកន្លែងដែលមានស្នាមចង្អូរខ្លាំង និង ផ្នែកផតនៃមុខ ប្រសិទ្ធភាពអាចបានដល់១ឆ្នាំ អាស្រ័យលើការថែរទាំដូចគ្នា។

៥ ការវះកាត់ប្រសិទ្ធភាពបាន ស្ទើរពេញ១ជីវិត។

សរុបមក យើងមិនអាចហាមឃាត់អាយុមិនឲ្យវិវត្តទៅមុខបានទេ តែយើងអាចទប់ស្កាត់ភាពជ្រៀវជ្រួញបាន ប្រសិនបើមានការប្រឹក្សាយោបល់ត្រឹមត្រូវ និងមានការព្យាបាលដែលសមស្រប។

គួរឱ្យដឹងដែរថា វេជ្ជបណ្ឌិត ឯក ស៊ានរ៉ាឌីន ឯកទេសសើរស្បែកនិងកែសម្ផស្សដោយមិនបាច់វះកាត់ ប្រចាំការនៅមជ្ឈមណ្ឌលកែសម្ផស្ស មៀរ៉ា (MIRA Esthetic Center) ដែលមានបទពិសោធន៍រយៈពេល៥ឆ្នាំ បានបញ្ចប់ការសិក្សាមកពី៤ប្រទេសកម្ពុជា ប្រទេសថៃ ប្រទេសសិង្ហបុរី និងប្រទេសចិន។ មជ្ឈមណ្ឌលកែសម្ផស្ស មៀរ៉ា ក៏មានសេវាកម្មបំបាត់ជ្រួញតាមបែបវេជ្ជសាស្ត្រដូចការរៀបរាប់ខាងលើផងដែរ។ ក្រៅពីនោះក៏មានសេវាកម្មថែរក្សាសម្រស់គ្រប់ផ្នែក ទាំងមិនបាច់វះកាត់ និងវះកាត់ ដោយក្រុមគ្រូពេទ្យជំនាញជាច្រើនរូប ប្រកបដោយវេជ្ជជីវៈ និងបច្ចេកទេសទំនើបស្ដង់ដារផងដែរ។ បងប្អូនដែលអាចទំនាក់ទំនងទៅកាន់មជ្ឈមណ្ឌលកែសម្ផស្ស មៀរ៉ា បានតាមរយៈលេខទូរស័ព្ទ៖ 015 / 085 29 29 27៕

អត្ថបទដោយ៖ Senghong