គ្រប់ការជោគជ័យទាំងអស់ជឿថា ក្រោយពីភាពជោគជ័យនេះ សម្បូរដោយភាពបរាជ័យ ជូរចត់ បាក់ទឹកចិត្ត និងឧបសគ្គ រាប់គដូចភ្នំអ៊ីចឹង។ តែការតស៊ូលើវិថីជីវិត មិនចុះចាញ់ ប្រឹងជម្នះ ជួបបញ្ហាអ្វីដោះ និងមិនកេចវេស មិនរត់កេច មិនបោះបង់ការតស៊ូ ច្បាស់ជាថ្ងៃមួយជោគជ័យធំមួយនឹងធ្លាក់មកលើមិនចខាន។

ជាក់ស្ដែងគ្រប់គ្នា ប្រាកដជាស្គាល់ច្បាស់ពីផលិតផល ថែសម្រស់របស់ក្រុមហ៊ុន windy Cambodia  តែក្នុងថ្ងៃនេះ ផងដែរ ក្រុមការងារចាបបៃតង មិនទាន់លើកយកអត្ថប្រយោជន៍ឬក៏ផលិតផលថែរក្សាសម្រស់មកននិយាយនោះទេ តែនិងលើកយកប្រវត្តិជូរចត់ទឹកភ្នែក របស់ម្ចាស់ប្រេន១រូបនេះ មកចែករលែកឱ្យបងប្អូនទាំងអស់គ្នាបានដឹងថាទម្រាំ តែមានថ្ងៃនេះ តើគាត់បានឆ្លងកាត់ភាពបរាជ័យ បែបណាខ្លះ?

តាមរយៈកិច្ចសម្ភាសន៍របស់ក្រុមការងារចាបបៃតងជាមួយម្ចាស់ប្រេនល្បីរូប​របស់ផលិតផល windy cambodiaទាក់ទងនឹងប្រវត្តិ តស៊ូជូរចត់របស់គាត់ ដែលបានឆ្លងកាត់ ទាំងទឹកភ្នែករាប់មិនអស់រួមទាំងទទួលបានរឿងអយុទ្ធធម៌ជាច្រើនលើជីវិត១នេះ រហូតក្លាយជាម្ចាស់ប្រេងផលិតផលថែរក្សាសម្រស់ល្បី១រូប។​ បងស្រីមានរៀបរាប់ថា គាត់គឺជាកូនទោលក្នុងគ្រួសារ មានស្រុកកំណើតអ្នកខេត្តបាត់ដំបង។ ជីវិតធ្លាប់តែរស់នៅស្រួល ប្រែក្លាយជាធ្លាក់ដល់បាត ព្រោះតែ ឪពុកម្ដាយបានលែងលះគ្នា។ ចាប់តាំងពីពេលនោះមក ជីវិតគាត់ចាប់ផ្ដើមលំបាក ហើយត្រូវចេញពីស្រុក​ដើម្បីរកការងារធ្វើ។ គាត់បានធ្វើជាអ្នកលក់មី  ដំបូងឡើយគ្មានទេ សូម្បីរបស់ចាន ឆ្នាំសម្រាប់លក់ដូរ គាតបានជួលចាន ឆ្នាំ អ្នកលក់ដូចគ្នា មកលក់បន្ត តែមុខរបបមួយនេះក៏ទទួលបានការគាំទ្រយ៉ាងច្រើន។ ក្រោយពីងើបពីភាពលំបាកបានខ្លះ ឧបសគ្គ ១ធំមួយក៏កើតឡើង គាត់បានធ្លាក់ខ្លួនជំពាក់បំណុលរហូត១មុឺនដុល្លាជាងព្រោះ តែខ្ចីលុយឱ្យមិត្តភក្តិ ហើយត្រូវគេបោក ដែលគាត់ជាអ្នកត្រូវរ៉ាប់រងសងជំនួសគេទាំងអស់។ អ្នកទាំងអស់គ្នាសាកគិតទៅមើល ក្មេងស្រ្តីកំព្រា អាយុ២០ឆ្នាំជាងត្រូវជំពាក់បំណុល។  ក្រោយពីធ្លាក់ខ្លួនជំពាក់បំណុលគេ គាត់បានឈប់ពីមុខរបបលក់មី ទៅធ្វើការឱ្យគេម្ដង ក្នុងថ្ងៃមួយគាត់ក៏មានជនជាតិថៃមួយសួរគាត់ ថាសង់លក់ផលិតផល សាប៊ូ​អត់? ទាំងដែលពេលនោះគាត់គ្មានលុយក្នុងខ្លួនសោះ ដេកគិតចុះគិតឡើង គាត់ក៏ទៅខ្ជីលុយអ្នកគ្រប់គ្រងនៅកន្លែងការងារគាត់២០ដុល្លា ចំនួនលុយនេះ​ហើយជាដើមដំណើត នៃមុខរបបរបស់គាត់រហូតមានថ្ងៃនេះ។ ក្រោយពីចូលប្រឡូកក្នុងការលក់ផលិតផលរួចមកឧបសគ្គ ក៏ចាប់ផ្ដើនឲមកើតមានទៀត គាតអ្នកដែលជួយឱ្យគាត់លក់ផលិតនោះ បានបោកលុយគាត់អស់ ដែលធ្វើឱ្យគាត់ត្រូវខាតបន្ដ។​ ក្រោយពីចាប់ផ្ដើមសារថ្មីម្ដងទៀត គឺដោយសារលុយ២០០ដុល្លា បានមកពីអ្នកជិតខាងលក់ខ្សែរកឱ្យគាត់ខ្ចីដើម្បីបន្ដការរកស៊ី ។ ក្រោយពីបានលក់របស់របបពេញតូប ថ្ងៃមួយគាត់ត្រូវគេដាក់ថ្នាំប្រមូលយអីវ៉ានខ្ទេចគ្មានសល់ សល់តែទូរស័ព្ទ១គ្រឿងគត់ដែលចោរយកមិនបាន។