កាលពីពេលថ្មីនេះតារាសម្ដែងស្រី កញ្ញា ស៊ីន យូប៊ីន ​បានបង្ករភាពចាប់អារម្មណ៍ជាខ្លាំង ជាពិសេសពីសំណាក់អ្នកគាំទ្រ បន្ទាប់ពីកញ្ញាបានបង្ហាញខ្លួននៅលើកម្រាលព្រំក្រហមនៅឯមហោស្រពភាពយន្ត Cannes ឆ្នាំ២០២៣ ដែលជាព្រឹត្តិការណ៍លំដាប់ពិភពលោកមួយនៅទីក្រុងកាន ប្រទេសបារាំង ខណៈកញ្ញាគឺជានារីខ្មែរដំបូង​គេ​ដែល​បាន​ចូល​រួម​ព្រឹត្តិការណ៍ដ៏ធំមួយ​នេះ។

ស្របពេលដែលតារានៅជុំវិញពិភពលោកតែងតែមានបំណងចង់ដើរនៅលើកម្រាលព្រំក្រហម នៅឯមហោស្រពភាពយន្តនៃទីក្រុងកាន កញ្ញា ស៊ីន យូប៊ីន គឺជាមនុស្សម្នាក់ដែលត្រូវបានអញ្ជើញចូលរួមក្នុងកម្មវិធីនេះ។ ហើយអ្វីដែលគួរឲ្យកោតសរសើរជាងនេះទៅទៀតនោះកញ្ញាបានវត្ថុតំណាងឲ្យជាតិចំនួនយកមកច្នៃចេញជាសម្លៀកបំពាក់ដែលមើលទៅពិតជាលេចធ្លោរខ្លាំងមែនទែន។

ជាក់ស្ដែងយោងតាមការបង្ហោះរៀបរាប់ដោយផ្ទាល់ពីកញ្ញា ស៊ីន យូប៊ីន នៅលើបណ្ដាញសង្គមហ្វេសប៊ុកដោយមានអត្ថន័យយ៉ាងដូច្នេះថា៖ «នាគរាជតំណាងអោយ ដើមកំណើតជនជាតិខ្មែរដែលមានប្រវត្តិនិងមានពូជពង្សជាអំបូរនាគដែលមានរឿងព្រេងនិទានតំណាលតៗគ្នាថាព្រះថោងបានរៀបអភិសេកនិងព្រះនាងនាគនិងបានបង្កើតរជ្ជកាលទី១នៃរាជវង្សនិងព្រះរាជាណាចក្រខ្មែរដំបូងគេបង្អស់ដោយមានឈ្មោះថានរគគោកធ្លកប្រហែល៦០០ឆ្នាំមុនគ.ស មកម្លេះនិងបានបង្កើតបុត្រាបុត្រីបន្តររាជវង្សានុវង្សជាអង្វែងរៀងមករហូតមកដល់បច្ចុប្បន្នកាលនេះហេតុដូចនេះហើយទើបកូនខ្មែរជំនាន់ក្រោយៗនិយមប្រើរូបចម្លាក់ដាក់ធ្វើជាបង្កាន់ដៃនៅប្រាសាទស្ទើរគ្រប់រចនាបទទាំងអស់ដែលតំណាងអោយភាពខ្លាំងខ្លាមានរិទ្ធចេស្តាបារមីនិងបង្ហាញនៅភាពសុខដមរមនា សម្បូសប្បាយ ត្រជាក់ត្រជុំជាក់ស្តែងនៅមុខប្រាសាទអង្គរវត្តនិងប្រាសាទបាយ័នជាភសត្តុតាងស្រាប់ ។

ទង់ជាតិកម្ពុជាដែលមានរូបប្រាសាទអង្គរវត្តនៅចំកណ្តាលកំពុងបក់បោករេ រាំតាមខ្យល់អាកាសកំពុងបង្ហាញនិងផ្សព្វផ្សាយអោយបរទេសស្គាល់ខ្មែរកាន់តែច្បាស់។ ផ្ការរំដួលនៅត្រង់ត្រចៀកជាផ្ការតំណាងជាតិខ្មែរ។ ផ្ការំដួលមានឆ្លាក់ជាប់នៅសិលានៃប្រាសាទដែលបញ្ចាក់ប្រាប់ថាជាតិខ្មែររឹងដូចថ្មរគ្មានថ្ងៃសាបសូន្យនិងកំពុងតែជៈក្លិនក្រអូបសុះសាយពេញសកលលោកអោយកាន់តែស្គាល់និងស្ងប់ស្ញែងជាតិខ្មែរខ្លាំងឡើងៗ។

ស្លាបបក្សីនៅកន្ទុយរ៉ូបតំណាងអោយសន្តិភាពរបស់កម្ពុជាក្នុងសម័យតេជោ ដូចពាក្យមួយឃ្លារបស់ប្រមុខរាជរដ្ឋាភិបាលបានមានប្រសាសន៍គឺ សន្តិភាពដើម្បីទាំងអស់គ្នា ទាំងអស់គ្នាដើម្បីសន្តិភាព»។

គួរជម្រាបផងដែរថា​ មហោស្រពភាពយន្តទីក្រុង Cannes ត្រូវបានប្រារព្ធឡើងជារៀងរាល់ឆ្នាំនៅទីក្រុង Cannes ប្រទេសបារាំង ចាប់តាំងពីឆ្នាំ១៩៤៦ ដោយគោលបំណងនៃកម្មវិធីនេះគឺដើម្បីជួបជាមួយសិល្បករ តារាសម្តែង ផលិតករជុំវិញពិភពលោក ដើម្បីអាចផ្លាស់ប្តូរគ្នា ខណៈសំបុត្រចំបុត្រចូលរួមកម្មវិធីនេះ មានតម្លៃចាប់ពី ៦ពាន់ដុល្លាររហូតដល់ ២៥ពាន់ដុល្លារក្នុងមួយនាក់ ៕

អត្ថបទដោយ៖ ស្រីណុច