បើអ្នកមានកិច្ចការងារច្រើនត្រូវបំពេញមិនអស់រហូតមានអារម្មណ៍តានតឹង និងស្រ្តេសខ្លាំង សុំអ្នកបញ្ឈប់សកម្មភាពនេះដើម្បីរកពេលវេលាសម្រាកលំហែកាយ និងរកកិច្ចកាណាឱ្យអ្នកសប្បាយចិត្តដូចជាទៅស្ទួតត្រី ទៅមើលទេសភាពធម្មជាតិ និងអង្គុយអានសៀវភៅជាដើម។ ការធ្វើរបៀបនេះ ជួយកាត់បន្ថយបញ្ហាផ្លូវចិត្តបានល្អណាស់។ តើអ្នកទេថា សូម្បីលោក Bill Gates មានលុយចាយអស់មួយជីវិតនេះ ក៏មានស្រ្តេស និងទុក្ខកង្វល់ដែរ។ គាត់ចូលចិត្តធ្វើទម្លាប់១នេះជាវិធីរំលាយស្រ្តេស ឱ្យចិត្តគាត់រីករាយ ថែមទាំងកុំឱ្យគិតច្រើនទៀតផង។

លោក Bill Gates បានចូលនិវត្តន៍ពីក្រុមហ៊ុន Microsoft ហើយកំពុងផ្តោតលើគំនិតផ្តួចផ្តើមលើរឿងសប្បុរសធម៌ដល់ពិភពលោកច្រើន។ ពេលគេសួរលោក Bill Gates អំពីម៉ោងធ្វើការដ៏វែងថាតើគាត់ធ្លាប់ជួបប្រទះភាពតានតឹង ឬអស់កម្លាំងដែរឬទេ? គាត់បានឆ្លើយថា មានតិចតួចដែរ បើគាត់ស្រ្តេសពីការងារមកដល់ផ្ទះគាត់មានទម្លាប់១ គាត់ចូលចិតតធ្វើជាងគេនោះ គឺពេលគាត់ហូបបាយរួចអ្វីដែលគាត់ចូលចិត្តធ្វើជំនួសអ្នកបម្រើនោះ គឺគាត់លាងចានដោយខ្លួនឯងជាប្រចាំថ្ងៃ។ លោកបានលើកឡើងថា “ខ្ញុំរីករាយនឹងការលាងចាន វាជួយឱ្យខ្ញុំក្នុងការបន្ធូរអារម្មណ៍ និងបញ្ចេអារម្មណ៍ស្មុគស្មាញពីក្នុងចិត្ត”។ មកពីសង្គមយើងសព្វថ្ងៃនេះ ធ្វើឱ្យចិត្តយើងរត់លឿន ការលាងចានរបស់លោក Bill Gates ធ្វើឱ្យអារម្មណ៍ផ្លូវចិត្តរបស់លោកដំណើរការធម្មតាសន្សឹមៗ កាត់បន្ថយស្រ្តេសបានល្អ។ យុទ្ធសាស្រ្តចុងក្រោយកាត់ស្រ្តេសរបស់លោក Bill Gates ដើម្បីធ្វើឱ្យចិត្តស្ងប់មុនចូលគេងគឺសមាធិ និងការអានសៀវភៅ។

មានមេរៀនមួយទៀតធ្វើឱ្យលោក Gates ជួបបញ្ហា ឬបរាជ័យអ្វីមួយ កុំឱ្យមានអារម្មណ៍ស្រ្តេសនិងពិបាកចិត្តបំផុត គាត់បានជំនួសដោយរៀនសូត្រពីការបរាជ័យ ដើម្បីពង្រឹងផ្លូវចិត្ត។ សម្រាប់លោក Bill Gates បានឆ្លងកាត់កំហុសច្រើនណាស់ ដើម្បីជំនួសឱ្យការអង្គុយកើតទុក្ខ គាត់ត្រូវតែរៀនពីកំហុសទាំងអស់នេះ ធ្វើជាមេរៀនកែប្រែកំហុសឆ្គង កុំឱ្យវាកើតម្តងទៀត។ លោក Bill Gates បាននិយាយថា “យើងគួរតែអបអរភាពជោគជ័យ ប៉ុន្តែពេលបរាជ័យ យើងត្រូវរៀនពីវា ធ្វើជាមេរៀនដ៏មានតម្លៃ ក្នុងការដំណើរទៅមុខទៀត”៕ អត្ថបទដោយ៖ ទ្រ សុភាព