ក្រលៀនគឺជាសរីរាង្គដូចគ្រាប់សណ្ដែក ១គូ ដែលមានប្រយោជន៍ជាច្រើនក្នុងរាងកាយ និងមានមុខងារច្រើនទៀត។ ក្រលៀនងាយនឹងខូចប្រសិនណាយើងមានទម្លាប់អាក្រក់ដែលធ្វើឱ្យវាខូច ព្រោះកត្តារស់នៅមួយចំនួនធំបានធ្វើឱ្យវាខូចនិងប្រឈមជំងឺ។

ជាក់ស្ដែង បើយោងតាមរយៈលោកវេជ្ជបណ្ឌិត ហួត ចាន់ផូ ឯកទេសជំងឺទូទៅនិងតម្រងនោម និងជាសហស្ថាបនិក បន្ទប់ពិគ្រោះ និងព្យាបាលជំងឺទូទៅ ឡាវី ព្រមទាំងជាអនុប្រធានមន្ទីរពហុព្យាបាល និងសម្ភព ថ្មគោលសិរីមង្គលបានចែករំលែកឱ្យដឹងថា បច្ចុប្បន្ននៅកម្ពុជាបញ្ហាធំមួយគឺការទទួលទានភេសជ្ជៈកំប៉ុងផ្អែម ទាំងក្មេង ទាំងមនុស្សពេលវ័យ ដែលបានរួមចំណែកឱ្យកើតមានការលើសជាតិស្ករក្នុងឈាម បង្កជាជំងឺទឹកនោមផ្អែម​ និងអាចវិវត្តទៅជាខូចក្រលៀនបានលឿនផងដែរ ប្រសិនបើកើតឡើងដោយមិនដឹងខ្លួន មិនបានទទួលការព្យាបាលត្រឹមត្រូវ។ ជាការពិតណាស់ ទម្លាប់ទទួលទានគ្រឿងកំប៉ុងនេះបានធ្វើឱ្យសុខភាពរបស់ក្រលៀនមានបញ្ហាលឿនដូចលោកវេជ្ជបណ្ឌិតបានរៀបរាប់ពិតមែន។ តែក្រៅពីការទទួលទានភេសជ្ជៈផ្អែមៗនេះ ក៏នៅមានកត្តាជាច្រើនទៀត ដែលប៉ះពាល់សុខភាពរបស់ក្រលៀន មានដូចជាការប្រើប្រាស់ថ្នាំបំបាត់ការឈឺចាប់​ឬក៏ប្រភេទថ្នាំផ្សេងៗដែលគ្មានការណែនាំពីគ្រូពេទ្យជំនាញត្រឹមត្រូវគឺជាគ្រោះថ្នាក់ធំមួយផងដែរ ។ មួយវិញទៀតក្រៅពីការប្រើប្រាស់ថ្នាំនេះ បើយោងតាមរយៈវេជ្ជបណ្ឌិត ហួ ភារ៉ា ជំនាញថែទាំអ្នកជំងឺខ្សោយតម្រងនោម នៅមន្ទីរពេទ្យកាល់ម៉ែត្រ ក៏បានបន្ថែមថាមូលហេតុដែលបង្កឱ្យខូចតម្រងនោមឡើងមក អាចបង្កពីជំងឺlupls ដែលប្រភេទជំងឺនេះបានចេញជារោគសញ្ញាឱ្យដឹងមានដូចជា គឺជំងឺLupusគឺជាប្រភេទជំងឺកើតឡើង នៅពេលដែលប្រព័ន្ធការពាររាងកាយបានវាយប្រហារលើជាលិកានិងសរីរៈផ្សេងៗ ជំងឺនេះ អាចបង្កផលប៉ះពាល់ ដល់ សន្លាក់ឆ្អឹង ស្បែក តម្រងនោម កោសិកាគ្រាប់ឈាម ខួរក្បាល បេះដូង និងសួត។ ជំងឺនេះមានរោគសញ្ញាដូចជា អស់កម្លាំងខុសធម្មតា ឧស្សាហ៍ក្ដៅខ្លួន ឈឺតាមសន្លាក់ឆ្អឹង សន្លាក់មានភាពតឹងណែន និងហើម ងាយចេញស្នាមក្រហមលើស្បែក ជាពិសេសពេលប៉ះពន្លឺព្រះអាទិត្យ ចុងម្រាមដៃ និងជើង ងាយប្រែពណ៌ជាស ឬពណ៌ស្វាយ នៅពេលប៉ះភាពត្រជាក់ ពិបាកដកដង្ហើម មានឈឺទ្រូង ស្ងួតភ្នែក ឧស្សាហ៍ឈឺក្បាល វង្វេងស្មារតី ថយចុះការចងចាំ មានភាពស្លេកស្លាំង រមាស់ស្បែក ជំងឺនេះក៏អាចធ្វើឱ្យមានបញ្ហាតម្រងនោមមកដូចគ្នា។ មួយវិញទៀត បើយោងតាមរយៈប្រភព ក៏បានណែនាំឱ្យដឹងផងដែរទាក់ទងនឹងប្រភេទផ្លែឈើ ដែលមិនសូវជាល្អសម្រាប់សុខភាពតម្រងនោម​ជាពិសេសអ្នកមានជំងឺតម្រងនោមស្រាប់ គឺមានដូចជាផ្លែ ប័រ ផ្លែក្រូច ផ្លែឈើស្ងួត ផ្លែចេក ផ្លែគីវីជាដើម ព្រោះផ្លែឈើទាំងនេះមានជាតិសូដ្យូមច្រើនដែលញុំាច្រើនទៅអាចប៉ះពាល់ដល់សុខភាពរបស់តម្រងនោម៕

អត្ថបទដោយ៖ ធីតា