១. របបអាហារមានតុល្យភាព៖ ជនជាតិជប៉ុនចូលចិត្តញ៉ាំអាហារដែលមានជាតិរុក្ខជាតិច្រើនមានបន្លែ សណ្តែកសៀង សារ៉ាយ ត្រី ស្រូវ ផ្លែឈើ និងតែបៃតង ហើយក៏មានខណៈសាច់ក្រហម និងអាហារកែច្នៃតិចខ្លាំងបំផុត។ហើយពួកគេញ៉ាំអាហារបែប Hara Hachi Bu (ញ៉ាំរហូតដល់ ៨០% ឆ្អែត ឈប់ញ៉ាំហើយ) ដើម្បីកាត់បន្ថយកាឡូរី និងការលើសទម្ងន់ខ្លះដែរ កុំឱ្យធាត់។ ព្រោះទម្លាប់នេះជួយកាត់បន្ថយជំងឺបេះដូង ទឹកនោមផ្អែម និងមហារីក។ ហើយពួកគេបញ្ចូលភេសជ្ជៈល្អៗ ក្នុងជីវិតប្រចាំថ្ងៃថែមទៀតគឺផឹកតែបៃតងជាប្រចាំដើម្បីទទួលសារធាតុប្រឆាំងអុកស៊ីតកម្ម (antioxidants)។

២. មានគោលបំណងក្នុងជីវិត (Ikigai)៖ នេះជាអ្វីដែលធ្វើឱ្យជនជាតិជប៉ុនភ្ញាក់ពីគេងរាល់ព្រឹក (reason for being) ដូចជាការងារ ចិញ្ចឹមកូនចៅ ថែសួន ឬចំណង់ចំណូលចិត្តផ្សេងទៀត។ តាមការស្រាវជ្រាវបានបង្ហាញថា អ្នកមាន ikigai ច្បាស់លាស់ ជាអ្នកមានអាយុវែងជាង និងសុខភាពផ្លូវចិត្តល្អជាង។

៣. សកម្មភាពរាល់ថ្ងៃ មិនមែនហាត់ប្រាណខ្លាំង (Natural Movement)៖ សម្រាប់ទម្លាប់ហាត់ប្រាណមានដូចជាការដើរ ជិះកង់ ថែសួន ឬធ្វើការផ្ទះជាប្រចាំ ជាជាងអង្គុយយូរ។ នៅកោះ Okinawa មនុស្សចាស់អង្គុយលើកម្រាលឥដ្ឋ ហើយក្រោកឡើងចុះញឹកញាប់ដែលជួយរក្សាភាពបត់បែន សាច់ដុំ និងសុខភាពឆ្អឹងពួកគេរឹងមាំដល់ចាស់។

៤. ទំនាក់ទំនងសង្គមរឹងមាំ (Moai និងគ្រួសារ)៖ ទី១.មានក្រុមមិត្តភក្តិ ឬសហគមន៍ (moai) ដែលជួយគ្នាទៅវិញទៅមក ទាំងផ្នែកអារម្មណ៍ និងហិរញ្ញវត្ថុ។ ទី២. វប្បធម៌គោរពមនុស្សចាស់ និងរួមគ្នាញ៉ាំអាហារ ជួយកាត់បន្ថយភាពឯកោ និងស្ត្រេស។

៦. របៀបរស់នៅ និងគោរពតាមធម្មជាតិ៖ ចូរមានទម្លាប់សម្រាក និងរីករាយជាមួយជីវិត ទើបអ្នកមិនស្ត្រេសខ្លាំង។ ជនជាតិជប៉ុនតែងគោរពរដូវកាលតាមធម្មជាតិ និងញ៉ាំអាហារស្រស់តាមរដូវ (វាជាផ្នែក Washoku)។

ដូចច្នេះ! ទម្លាប់ទាំងនេះមិនត្រូវការលុយច្រើន ឬឧបករណ៍ថ្លៃទេ តែត្រូវការធ្វើភាពជាប់លាប់ដើម្បីសុខភាពរឹងមាំ រស់នៅឆ្ងាយពីជំងឺ និងមានអាយុវែងបែបជនជាតិជប៉ុន៕ អត្ថបទដោយ៖ ទ្រ​សុភាព