ជាធម្មតាការលេង និងហាត់ប្រាណនៅខាងក្រៅជួយបង្កើនសុខភាពផ្លូវកាយ និងសុខភាពផ្លូវចិត្តរបស់កុមារបានច្រើន។ ប៉ុន្តែ ប្រសិនបើសន្ទស្សន៍កម្ដៅកើនឡើងលើស ៩០ហ្វារិនហៃស្មើនឹង៣២អង្សាសេ អាចបង្កហានិភ័យដល់សុខភាពកុមារជាខ្លាំង។ នេះបើយោងតាម Healthy Children.org។
ពិតមែនហើយបើយោងតាមប្រភពដដែល បានបញ្ជាក់យ៉ាងច្បាស់ៗថា សីតុណ្ណភាពខ្ពស់ និងកំដៅខ្លាំងបណ្ដាលឱ្យកុមារងាយឈឺ ពីព្រោះវាបណ្ដាលមកពីខ្សោះជាតិទឹក ហត់នឿយ រមួលក្រពើ និងជំងឺដាច់សរសៃឈាម ដែលតម្រូវឱ្យមានការសង្គ្រោះបន្ទាន់ពីវេជ្ជបណ្ឌិតជំនាញ។
ជាការពិតណាស់បើយោងតាមប្រភព VNexpress មន្ទីរពេទ្យកុមារនៅទីក្រុមហូជីមិញ បានបង្ហើបថា ជារៀងរាល់ថ្ងៃមន្ទីរពេទ្យទទួលកុមារឈឺរាប់ពាន់នាក់ ដោយសារតែអាកាសធាតុក្ដៅប្រមាណ២០%។ នៅថ្ងៃទី២៦ ខែមេសានេះ សីតុណ្ហភាពនៅតែបន្តក្ដៅប្រហែល ៣៨អង្សាសេ ដែលបង្កឱ្យកុមារៗរងការប៉ះពាល់ដល់សុខភាព។
នៅក្នុងនោះដែរ អ្នកនាង Han អាយុ២៩ឆ្នាំ បាននិយាយាថា រូបនាងបាននាំកូនតូចមានអាយុ៥ឆ្នាំមកមន្ទីរពេទ្យតាំងពីម៉ោង៤ទៀបភ្លឺ ដើម្បីរងចាំពិនិត្យសុខភាពឱ្យកូនរបស់នាង។ ពីព្រោះថាកូនស្រីរបស់នាងមានអាការ គ្រុនក្ដៅ ក្អក និងហៀរសំបៅជាច្រើនថ្ងៃមកហើយញុំាថ្នាំមកបាត់ ក៏យកមកមន្ទីរពេទ្យដើម្បីធ្វើការពិនិត្យ។
គួរបញ្ជាក់ថា យោងតាមលោកវេជ្ជបណ្ឌិត Huynh Minh Tham ជានាយកដ្ឋានមន្ទីរពេទ្យកុមារនៅទីក្រុងហូជីមិញ បានមានប្រសាសន៍ថា ជារៀងរាល់ថ្ងៃកន្លែងនេះពិនិត្យអ្នកជំងឺកុមារទទួលបានកុមារចន្លោះពី ៤,០០០ទៅ៤,៤០០នាក់ កើនឡើងប្រហែល៣០០ទៅ៥០០នាក់បើធៀបទៅឆ្នាំមុន។ មិនតែប៉ុណ្ណោះ ជំងឺជាចម្បងភាគច្រើនគឺ ជំងឺផ្លូវដង្ហើម ការរំលាយអាហារ និងជំងឺស្បែកនៅក្នុងរដូវក្ដៅនេះ។
ដោយឡែកនៅនាយកដ្ឋានផ្លូវដង្ហើមនៃមន្ទីរពេទ្យកុមារ លោកវេជ្ជបណ្ឌិត Doan Thi Thanh Hong មានប្រសាសន៍ថា នៅក្នុងរយៈពេលប៉ុន្មានថ្ងៃនេះមានចំនួនកុមារដែលមានជំងឺផ្លូវដង្ហើមកើនឡើងប្រមាន២០% ដែលជំងឺភាគច្រើនទាក់ទងនឹងអាកាសធាតុក្តៅដូចជា រលាកសួត ហឺត និងរលាកក្រពះជាដើម។
វេជ្ជបណ្ឌិតបានផ្តល់អនុសាសន៍ថា អាកាសធាតុក្តៅធ្វើឱ្យកុមារងាយនឹងឆ្លងមេរោគផ្លូវដង្ហើមដូចជា pharyngitis, tonsillitis, រលាកផ្លូវដង្ហើមផ្នែកខាងលើ រលាកទងសួត និងរលាកសួត។ មួយវិញទៀត កុមារក៏ងាយនឹងផ្តាសាយដែរ ដោយសារការប្រែប្រួលនៃសីតុណ្ហភាពនៅក្នុងបន្ទប់ក្នុងផ្ទះ ក្រៅផ្ទះ និងដោយសារម៉ាស៊ីនត្រជាក់ជាដើម។ កុមារអាចមានបញ្ហារំលាយអាហារ ហើយកុមារអាចកើតជំងឺរលាកស្បែកក្នុងរដូវក្តៅដូចជា កន្ទួលកំដៅ រលាកស្បែកពេលត្រូវកំដៅថ្ងៃក៏លេចឡើងជាញឹកញាប់ចំពោះកុមារ។ ដូច្នេះសូមឪពុកម្ដាយត្រូវគ្នាត្រូវតែការពារកូនៗរបស់អ្នក បើមានអាការមិនស្រួល សូមប្រញាប់នាំកូនមកមន្ទីរពេទ្យជាបន្ទាន់។
