អ្នកប្រហែលមានទម្លាប់ញ៉ាំអាហារបណ្តើរ ធ្វើការបណ្តើរ អាចមើលទូរទស្សន៍ និយាយទូរសព្ទ ហើយអ្នកក៏មិនបានចាប់អារម្មណ៍នឹងទង្វើទាំងអស់នេះសោះ។ សួរអ្នកថា អាហារថ្ងៃត្រង់នេះ មានរសជាតិបែបណា? អ្នកបែបជាភ្លេចបាត់ទៅហើយ ការហូបអាហារបែបនេះ មិនត្រឹមត្រូវតាមក្បួនទេ វាក៏មិនជួយដល់រាងកាយដែរ៖
សន្និសីទសារព័ត៌មាន ពិពរ័ណ៍មុខរបរឆ្នាំ២០២២ "គំនិតរកស៊ីថ្មីបំផុតនៅប្រទេសកម្ពុជា”
ហើយលោកស្រីវេជ្ជបណ្ឌិត Uma Naidoo ជាអ្នកចិត្តវិទូផ្នែកអាហារូបត្ថម្ភបានបញ្ជាក់ថា យើងគួរតែចំណាយពេលខ្លះ ស្តាប់រាងកាយ និងចិត្តរបស់អ្នកនាពេលយើងហូបអាហារម្តងៗ ដោយមានសតិស្មារតី។ ព្រោះការធ្វើទង្វើបែបនេះ វាជួយដល់អារម្មណ៍ និងខួរក្បាលមានថាមពល។ ខាងក្រោមនេះជាវិធីមួយចំនួនក្នុងការអនុវត្តការញ៉ាំអាហារមានស្មារតីជាប្រចាំថ្ងៃឱ្យត្រូវក្បួន៖
១. ការដឹងពីសកម្មភាពទំពារ៖ នៅពេលយើងទំពារអាហារម្តងៗ យើងត្រូវយកចិត្តទុកដាក់លើសម្លេងនៃអាហារក្នុងម៉ាត់ ដើម្បីក្រេបរសជាតិ និងក្លិនពីអាហារ វាមានអត្ថប្រយោជន៍ដល់រាងកាយ និងអារម្មណ៍រីករាយពេលបានក្រេបរសជាតិផង។ ត្រូវនឹងសុភាសិតអ៊ីស្រាអែលថា ចូរហូបអហារដោយផ្តោតអារម្មណ៍ អ្នកនឹងទទួលបានគុណភាពរាងកាយរឹងមាំ។
២. ស្គាល់សញ្ញានៃរាងកាយ៖ យើងទាំងអស់គ្នាច្បាស់ជាធ្លាប់បានជួបប្រទះនូវអារម្មណ៍ស្រែកថ្ងូរពីការឃ្លានអាហារហើយមើលទៅ នេះជាសញ្ញាពីរាងកាយយើងត្រូវអាហារ អាចមកពីអារម្មណ៍យើងមានភាពតានតឹង ឬថប់បារម្ភជាដើម។ អាហារដែលយើងគួរតែហូបនោះ មានបន្លែស្រស់ៗ និងផ្លែឈើជាប្រភេទអាហារសម្រន់ជាការល្អបំផុត។
៣. កុំញ៉ាំតាមអារម្មណ៍លឿនពេក៖ កាត់បន្ថយការញ៉ាំដើម្បីឱ្យរាងកាយ និងខួរក្បាលរបស់អ្នកគិតបានល្អ គឺអ្នកកុំញ៉ាំអាហារតាមអារម្មណ៍លឿនពេក។ ការញ៉ាំលឿនតាមឃ្លាន វាធ្វើឱ្យអ្នកមានអារម្មណ៍ថា ឆាប់ឆ្អែតលឿន និងរសជាតិពីការញ៉ាំអាហារក៏គ្មានគុណភាពដែរ។ ហើយសូម្បីតែខួរក្បាលក៏មិនអាចចាប់រសជាតិពីអាហារបានដូចគ្នា។
៤. ចូរផ្តោតអារម្មណ៍លើអាហារ៖ តាមលោកស្រីវេជ្ជបណ្ឌិត Naidoo បានស្នើសុំថា ពេលអ្នកហូបអាហារអ្វីមួយ សុំអ្នកយកសតិស្មារតី និងអារម្មណ៍ដាក់ចូលរសជាតិក្នុងការហូបអាហារកំពុងតែញ៉ាំនេះ។ ហើយអ្នកគួរតែហូបអាហារត្រឹមតែ ៨០%នៃក្រពះរបស់អ្នក ដើម្បីការពារភាពធាត់ និងអារម្មណ៍ស្រួលខ្លួន។
៥. សកម្មភាព៖ លោកស្រីវេជ្ជបណ្ឌិត Naidoo បានបន្ថែមថា ការចំណាយពេលខ្លះ ហាត់ប្រាណនាពេលព្រឹករបស់អ្នកដូចជា ការហាត់យូហ្គា លំហាត់ប្រាណរត់ ឬដើរ និងព្យាយាមធ្វើសមាធិជាដើម សុទ្ធតែជួយប្រប្រព័ន្ធរំលាយអាហារឱ្យបានលឿនជាងមុន៕ អត្ថបទដោយ៖ ទ្រ សុភាព
Startup Expo 2022 ពិព័រណ៍មុខរបរ ២០២២
