ជំងឺ Down syndrome ឬហៅម៉្យាងទៀតថា ជំងឺTrisomy គឺជាប្រភេទជំងឺ ដែលលើស ចំនួន ក្រូម៉ូស្យូម។ ជាទូទៅ មនុស្សយើង មានក្រូម៉ូស្យូម ២៣គូ ឬស្មើនឹង៤៦ក្រូម៉ូស្យូម ប៉ុន្តែ ចំពោះទារកខ្លះ ការបំបែក ចំនួនក្រូម៉ូស្យូមទី២១ គឺមានចំនួនលើស ដែលជាហេតុ នាំឲ្យកើតជា ជំងឺDown syndrome នេះ ។ ជំងឺនេះ នឹងបណ្ដាលឲ្យ ក្មេងមានបញ្ហាខួរក្បាល និងការលូតលាស់ផ្នែករាងកាយ មានភាពខុសប្រក្រតី ។ហើយកាលដែរបងប្អូនស្រ្តីយកកូនមុនអាយុ៣៦គឺអាចជួយបង្ការកុំឱ្យកើតជំងឺនេះបាន។ យោងតាម គេហទំព័រ healthline. គេបានចែងចែក ជំងឺ Down syndrome ជា៣ប្រភេទផ្សេងៗគ្នា ៖

១. ជំងឺ Trysomy21 ៖ ជាប្រភេទជំងឺដែល ក្រូម៉ូស្យូមទី២១ បានបំបែកចំនួនលើស ខុសប្រក្រតី នៅគ្រប់កោសិកាទាំងអស់។

២. ជំងឺ Mosaicism៖ កើតឡើង នៅពេលដែល មានចំនួនលើស នៃក្រូម៉ូស្យូម នៅក្នុងកោសិកាមួយចំនួន ហើយរោគសញ្ញា ក៏មានចំនួនតិចជាង ជំងឺTrysomy21 ផងដែរ ។

៣. ជំងឺ Translocation៖ មានការលើស ចំនួនក្រូម៉ូស្យូម​​​ តែលើក្រូម៉ូស្យូមទី២១ ប៉ុន្តែ ចំនួនក្រូម៉ូស្យូមសរុបមានដូចធម្មតា គឺចំនួន៤៦ ។

រោគសញ្ញា ដែលកើតមាន ចំពោះផ្នែក រាងកាយ នៃជំងឺ down syndrome រួមមាន៖ មានមុខសំប៉ែត ក្បាល និងត្រចៀក មានទំហំតូចជាងធម្មតា កខ្លី ភ្នែកមានសភាពតូចជាងធម្មតា និងអណ្ដាតលៀនចេញក្រៅ -ល-។

រោគសញ្ញា នៃជំងឺ Down syndrome ដែលអាចកើតមាន លើផ្នែកស្មារតី និងខួរក្បាលរួមមាន៖ មានបញ្ហាក្នុងការស្ដាប់ និងការមើល និយាយមិនច្បាស់ ឧស្សាហ៍ទល់លាមក ភ្លេចភ្លាំងច្រើន អាចធាត់លើសទម្ងន់ ការដុះធ្មេញមានភាពយឺតយ៉ាវ ក្រគេង (គេងយប់ជ្រៅ) ឬគេងតែពេលថ្ងៃ និងអាចមានបញ្ហា លើក្រពេញទីរ៉ូអីត -ល- ។    

លោកអ្នកអាច ធ្វើការពិនិត្យ តាមដានសុខភាព កូនក្នុងផ្ទៃ ជាពិសេស ក្នុងត្រីមាសទី១ និងត្រីមាសទី២ ជាមួយគ្រូពេទ្យជំនាញ ដើម្បីឲ្យប្រាកដថា ទារកក្នុងផ្ទៃ មានសុខភាពល្អ​ និងមិនមានបញ្ហាផ្សេងៗ ដូចជា ជំងឺDown syndrome ជាដើម ។ ស្របពេល ជាមួយគ្នានេះ ការយកកូនមុនអាយុ៣៥ឆ្នាំ ចំពោះស្រ្តី និងត្រឹមអាយុ៤០ ចំពោះបុរស គឺជាជម្រើសមួយ ដ៏ល្អបំផុត សម្រាប់សុខភាព ទាំងស្ត្រីជាម្ដាយ និងកូននៅក្នុងផ្ទៃ គួរកត់សម្គាល់ដែរថាក៏ពុំគួរយកកូននៅវ័យក្មេងពេកដែរ ៕

អត្ថបទដោយ៖ ហួ​ ភារ៉ា

​