ចំពោះលក្ខណៈសម្គាល់របស់ក្មេងដែលមានជំងឺ Down syndrome នេះគឺពួកគេមានទម្រង់មុខ ក្បាល ក ច្រមុះ និងត្រចៀក ស្រដៀលៗគ្នាតែម្តង។ 

ជំងឺ Down syndrome ឬក៏យើងតែងតែហៅថា ជំងឺខ្សោយបញ្ញានេះ គឺជាជំងឺហ្សែង ដែលកើតឡើងដោយសារតែលើសចំនួនក្រូម៉ូសូមនៅក្នុងរាង។ ធម្មតារាងកាយរបស់មនុស្សយើងមានក្រូម៉ូសូមចំនួន២៣គូ ដែលស្មើរហ្នឹង៤៦ក្រូម៉ូសូម។ ប៉ុន្តែដោយឡែកចំពោះទារកដែលមានជំងឺ Down syndrome នេះគឺមានក្រូម៉ូសូមរបស់ដល់ទៅ៤៧។ បញ្ជាក់បងប្អូន ជំងឺ Down syndrome និងជំងឺ អូទីហ្សឹម គឺជាជំងឺ២ផ្សេងគ្នា អត់ដូចគ្នាទេ។

ចំពោះមូលហេតុធំៗមួយចំនួនដែលអាចធ្វើឱ្យទារកក្នុងផ្ទៃ ប្រឈមជាមួយការកើតជំងឺ Down syndrome នេះខ្ពស់ 

ទី១ ចំពោះម្តាយមានផ្ទៃពោះនៅអាយុលើសពី៣៥ឆ្នាំឡើងទៅ គឺអាចធ្វើឱ្យកូនក្នុងផ្ទៃរបស់យើងប្រឈមមុខជាមួយការមានជំងឺ Down syndrome នេះតាំងពីក្នុងផ្ទៃមកតែម្តង។ ដោយសារតែអ្នកជំនាញ គេបានសិក្សារកឃើញថា ស្រ្តីដែលមានអាយុកាន់តែច្រើន ហើយកាន់តែជិតដល់វ័យអស់រដូវ សុខភាពបរស់ពួកគាត់កាន់តែខ្សោយ ជាពិសេសទាក់ទងជាមួយស៊ុតញី ហើយនិងសុខភាពស្បូនហ្នឹងតែម្តង។ ចឹងហើយស្រីៗយើងគឺបើយល់ល្អគួរណាស់តែយកកូនឱ្យហើយ មុនអាយុ៣៥ឆ្នាំ។

ទី២ វាអាចដោយសារកត្តាហ្សែន ព្រោះប្រសិនបើឪពុកម្តាយ ឬគ្រួសារធ្លាប់មានប្រវត្តិកើតជំងឺ Down syndrome នេះ កូនចៅជំនាន់ក្រោយក៏អាចប្រឈមជាមួយការកើតជំងឺនេះពីកំណើតទៅដូចគ្នា។

ហើយចំពោះក្មេងដែលមានជំងឺ Down syndrome នេះគឺធ្វើឱ្យគាត់ខ្សោយបញ្ញា ខ្សោយការគិត បើនិយាយឱ្យស្រួលស្តាប់ជំងឺនេះប្រៀបដូចជាជំងឺពិពារខួរក្បាល ពិការបញ្ញាអ៊ីចឹង។

ដូច្នេះហើយ ចំពោះម៉ាក់ៗអ្នកដែលកំពុងពពោះ ប្រសិនបើចង់ដឹងថា កូនក្នុងផ្ទៃរបស់យើងមានជំងឺ Down syndrome នេះឬក៏អត់ នៅពេលដែលម៉ាក់ៗពពោះចន្លោះចាប់ពី ១១ទៅ១៣សប្តាហ៍ ម៉ាក់ៗគួរណាត់ជាមួយគ្រូពេទ្យដើម្បីអេកូមើលកម្រាស់ទឹកក្រោយករបស់ទារក និងមួយទៀតគ្រូពេទ្យនិងធ្វើតេស្តឈាម ឬក៏អាចធ្វើតេស្តតាមរយៈការបូមទឹកភ្លោះយកទៅពិសោធន៍ ដើម្បីស្វែងរកជំងឺ Down syndromeនេះ។

ទាក់ទងជាមួយជំងឺ Down syndrome នេះផងដែរគឺអត់មានវិធីនៅក្នុងការការពារថាធ្វើម៉េចកុំឱ្យនោះទេ។ មានតែម្យ៉ាងគត់ក្នុងនាមជាប៉ានិងម៉ាក់មុនពេលសម្រចចិត្តយកកូន គឺគួរតែពិនិត្យសុខភាពខ្លួនឯងឱ្យច្បាស់លាស់ ហើយបើយល់ល្អ គឺគួរតែយកកូនឱ្យហើយមុនអាយុ៤៥ឆ្នាំ មួយវិញទៀត អំឡុងពេលពពោះម៉ាក់ៗគឺត្រូវតែតាមដានសុខភាពកូនឱ្យជាប់ ពិនិត្យជារៀងរាល់ខែ ទាំងអស់នេះហើយជាអ្វីដែលប៉ាម៉ាក់អាចធ្វើបាន៕

អត្ថបទដោយ៖ គន្ធា