មនុស្សភាគច្រើនមានជំងឺព្រោះតែខ្វះកត្តាមួយគឺខ្វះលំហាត់ប្រាណនោះឯង។ ពេលអ្នកឈឺហើយពេទ្យនឹងប្រាប់អ្នកថា ឈឺបែបនេះ អ្នកគួរតែចំណាយពេលវេលាខ្លះ ដើម្បីហាត់ប្រាណពង្រឹងរាងកាយ។ ការធ្វើលំហាត់ប្រាណជាផ្នែកមួយនៃជីវិតដែលអ្នកមិនខ្វះបានទេ វាជួយពង្រឹងរាងកាយការពារជំងឺច្រើនមុនដូចជា៖
១. ការពារជំងឺធាត់៖ អ្នកធាត់ភាគច្រើនមានបញ្ហាបេះដូង លើសឈាម និងបាក់ទឹកចិត្តព្រោះតែគ្មានលំហាត់ប្រាណនេះឯង។ តាមលោកវេជ្ជបណ្ឌិត Doug Mc. Guff មានប្រសាសន៍ថា ការសម្រកគីឡូ យើងត្រូវប្រើប្រាស់រាងកាយមួយនេះឱ្យដូចជាម៉ាស៊ីនដុតជាតិខ្លាញ់។ ការធ្វើលំហាត់ប្រាណទម្ងន់ (Gym) ជួយឱ្យយើងសម្រកជាតិខ្លាញ់បានលឿន”។ បញ្ហាធាត់លែងមានហើយគ្រាន់តែចំណាយពេលបន្តិចហាត់ប្រាណនោះ។
២. ការពារជំងឺទឹកនោមផ្អែម៖ តាមលោកវេជ្ជបណ្ឌិត Kathryn A. Boling ជាអ្នកផ្តល់សេវាថែទាំបឋមនៅ Mercy Personal Physicians មានប្រសាសន៍ថា៖ "បើមានអ្នកជំងឺលើសជាតិស្ករក្នុងឈាមនោះ ខ្ញុំសុំឱ្យអ្នកជំងឺដើរ បន្ទាប់ពីហូបអាហាររួច។ ពីព្រោះ ដើម្បីឱ្យសាច់ដុំរបស់អ្នកជំងឺមានដំណើរការបញ្ចុះជាតិស្ករក្នុងឈាមផងដែរ”។ ពេលអ្នកមិនទាន់កើតជំងឺទឹកនោមផ្អែម ការធ្វើលំហាត់ប្រាណជួយឱ្យរាងកាយអ្នកប្រើប្រាស់ជាតិស្ករដែលអ្នកបានស្រូបដើម្បីប្រើប្រាស់ក្លាយជាថាមពលឡើងវិញ។ អ្នកឃើញទេ! ការធ្វើលំហាត់ប្រាណអ្នកកម្រទឹកនោមផ្អែមណាស់។
៣. ការពារជំងឺថប់បារម្ភ៖ ការធ្វើលំហាត់ប្រាណ ក៏ជាថ្នាំព្យាបាលបែបធម្មជាតិដល់ជំងឺថប់បារម្ភឱ្យមានប្រសិទ្ធភាព។ វាបំបាត់អារម្មណ៍ភាពតានតឹង ជួយបង្កើនថាមពលរាងកាយ និងផ្លូវចិត្តរឹងមាំ មកពីវាបានបញ្ចេញអរម៉ូន endorphins ។ តាម healthline បានចុះផ្សាយថា ការមានបញ្ហាអារម្មណ៍ដូចជាជំងឺថប់បារម្ភនេះ អ្នកគួរតែធ្វើលំហាត់ប្រាណ អានសៀវភៅ ស្តាប់តន្រ្តី និងសមាធិ ដើម្បីសម្រួលដល់ផ្លូវដង្ហើមមានដំណើរការល្អឡើងវិញ។
៤. ជាតិអាកុលបំផ្លាញ់ខួរក្បាល៖ យើងមកដឹងពីផលប៉ះពាល់បន្តិចជាមួយជាតិអាកុលដល់ខួរក្បាល។ តាមការស្រាវជ្រាវពីលោក John L loyd (ចន អិលឡូយ ) ហើយ John mitchinson (ចនម៉ាក់ឃីនសុន) ជាជំនាញផ្នែកខួរក្បាលបាននិយាយថា “ពេលអ្នកផឹកស្រា ឬជាតិអាកុលនេះ កម្រិតខ្លាំង រយៈពេលយូរ វាធ្វើឱ្យកោសិកាខួរក្បាលមានការលូតលាស់យឺតៗ ឬធ្វើឱ្យងាប់កោសិកាខួរក្បាលថែមទៀត។” នេះហើយធ្វើឱ្យការគិតរបស់អ្នកមិនសូវបានល្អប៉ុន្មានទេ ហើយអារម្មណ៍អ្នកនៅតែស្មុកស្មាញដដែល បន្ទាបពីស្រាងស្រា៕ អត្ថបទដោយ៖ ទ្រ សុភាព