មនុស្សយើងធាត់មានបញ្ហាធំៗ ដល់អាយុជីវិត។ មានបញ្ហាដូចជា លើសឈាម គាំងបេះដូង និងបញ្ហាផ្លូវចិត្ត។ ការសម្រកគីឡូជារឿងល្អបំផុតសម្រាប់ពង្រឹងរាងកាយ។ ពិសេសការញ៉ាំអាហារ ជាការកំណត់សុខភាពអ្នកខ្លាំងបំផុត។ ថ្ងៃនេះ យើងមកដឹងពីអារហារចំនួន ៥ សម្រកជាតិខ្លាញ់ពីក្បាលពោះបានលឿន៖

១. រុក្ខជាតិ polyphenols ៖ សម្រាប់រុក្ខជាតិនេះ ជាប្រភេទដ៏សំបូរបែបបំផុតនៃសារធាតុមេតាបូលីតបន្សំក្នុងរុក្ខជាតិ និងមានការពាក់ព័ន្ធនៅក្នុងបន្លែស្លឹក ផ្លែឈើ ផ្លែប៊ឺរី តែ និងភេសជ្ជៈផ្សេងទៀត ដើម្បីលើកកំពស់សុខភាព សម្រកជាតិខ្លាញ់ក្បាលផងដែរ។ យើងគួរតែញ៉ាំវាឱ្យបានច្រើន ជួយរក្សាកម្រិតជាតិខ្លាញ់ក្នុងសរសៃឈាមឱ្យស្ថិតក្រោមការគ្រប់គ្រងឥទ្ធិពលសារធាតុ polyphenols ។

២. អាហារចិញ្ចឹមកម្ចាត់ខ្លាញ់៖ អាហារមានជាតិសរសៃ ក៏ជួយសម្រកជាតិខ្លាញ់ដែរ មានដូចជាខ្ទឹមបារាំង ខ្ទឹមស ចេក ស្រូវសាលី និងគ្រាប់ធញ្ញជាតិជាដើម។ ហើយពពួកអាហារទាំងអស់នេះ ក៏ចិញ្ចឹមរាងកាយរឹងមាំ វាមានសារធាតុប្រូតេអុី និងវីតាមីន។

៣. ខ្លាញ់សុខភាពល្អ៖ យើងបានបែងចែកខ្លាញ់ជាពីរប្រភេទ ខ្លាញ់ល្អ និងខ្លាញ់អាក្រក់។ ពេលអ្នកញ៉ាំខ្លាញ់ល្អជួយកម្ចាត់ខ្លាញ់អាក្រក់ចេញ មានដូចជាផ្លែបឺរ ប្រេងអូលីវ និងខ្លាញ់ត្រី ញ៉ាំក្នុងកម្រិតមួយ ត្រូវបានគេបង្ហាញថា ជួយកាត់បន្ថយជាតិខ្លាញ់ក្បាលពោះ។

៤. ទឹកប៉េងប៉ោះ ៖ បើអ្នកចង់សម្រកគីឡូ គួរហូប​ទឹកប៉េងប៉ោះ វាមានសារធាតុវីតាមីន និងសារធាតុចិញ្ចឹមជាច្រើនដែលមានអត្ថប្រយោជន៍ដល់រាងកាយ និងកាត់បន្ថយការហើមសាច់ ហើយជួយធ្វើឱ្យរាងអ្នកកាន់តែស្អាត។

៥. ក្រូចឆ្មារ៖ ទឹកក្រូចឆ្មារ គឺជាប្រភពវីតាមីនសេដ៏ច្រើនខ្លាំងបំផុត ដែលអាចជួយឱ្យស្បែករបស់អ្នកមានភាពស្រស់ថ្លា។ វីធីញ៉ាំទឹកក្រូចឆ្មារគឺ៖ ទឹកក្ដៅឧណ្ហៗមួយកែវ ដាក់ទឹកឃ្មុំ១ស្លាបព្រាកាហ្វេ និងទឹកក្រូចឆ្មារយករសជាតិជូរល្មមតាមចំណង់ចិត្ត ហើយញ៉ាំទឹកក្រូចឆ្មារនេះ នៅពេលព្រឹកពោះទទេ គឺជួយបណ្ដេញជាតិពុល ជាតិកខ្វក់ ជួយលាងសម្អាតក្រពះ សម្លាប់បាក់តេរី ជាពិសេស គឺសារធាតុទឹកក្ដៅនិងទឹកក្រូចឆ្មារ អាចជួយដុតរំលាយជាតិខ្លាញ់នៅត្រង់ក្បាលពោះបានល្អបំផុត។

យើងឃើញថា អ្នកដែលគិតតែពីហូប គ្មានលំហាត់ប្រាណ មិនយូរទេ គេច្បាស់ជាធាត់ ហើយមានវេជ្ជបណ្ឌិតជារួមគ្នាជាសកលបញ្ជាក់ថា ការស្រកសម្រកគីឡូនេះ ត្រូវមានការព្យាយាម ភាពអត់ធ្មត់់ និងការ​តមអាហារ ដែលយើងចូលចិត្តពីមុន (អាហារមិនល្អ)។ ហើយការហាត់ប្រាណឱ្យមានលទ្ធផលល្អ គឺស្ថិតនៅលើការតាំងចិត្តក្នុងការហាត់ជាប្រចាំថ្ងៃ៕ ប្រភពដោយ៖ Express

អត្ថបទដោយ៖ ទ្រ សុភាព