នាថ្ងៃទី១៩ ខែសីហា ឆ្នាំ២០២១នេះ រាជរដ្ឋាភិបាលបានចេញសេចក្ដីណែនាំថា រាជរដ្ឋាភិបាលបានសម្រេចបិទបញ្ចប់ “យុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩”ដោយអនុវត្តចាប់ពីថ្ងៃទី២០ ខែសីហា ឆ្នាំ២០២១នេះតទៅ។
គួរបញ្ជាក់ថា កាលកន្លងមកនេះ រាជរដ្ឋាភិបាលបានប្រកាសដាក់ការអនុវត្តនូវ "យុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ នៅទូទាំងប្រទេស" រយៈពេល ២១ ថ្ងៃចាប់តាំងពីថ្ងៃទី២៩ ខែកក្កដា ដល់ថ្ងៃទី១៩ ខែសីហា ឆ្នាំ២០២១។ ប៉ុន្តែ រាជរដ្ឋាភិបាល បានពិនិត្យមើលឃើញថា ស្ថានភាពនៃការឆ្លងរាលដាលនៃជំងឺកូវីដ-១៩ ក្នុងសហគមន៍នៅតាមបណ្តារាជធានី-ខេត្តនីមួយៗ មានលក្ខណៈខុសៗគ្នា។ ដូចនេះ រាជរដ្ឋាភិបាល ក៏បានសម្រេចបិទបញ្ចប់ការអនុវត្តយុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩- នៅទូទាំងប្រទេស តាមកាលបរិច្ឆេទកំណត់នៅថ្ងៃទី២០ ខែសីហា ឆ្នាំ២០២១នេះ។
ជាចុងក្រោយ បើយោងតាមសេចក្ដីណែនាំរបស់រាជរដ្ឋាភិបាល ក៏បានបញ្ជាក់យ៉ាងដូច្នេះថា បណ្តាគណៈអភិបាលរាជធានី-ខេត្តនីមួយៗត្រូវបន្តការអនុវត្តការរឹតបន្តឹងវិធានការសុខាភិបាល, វិធានការរដ្ឋបាល និងវិធានការច្បាប់ ដោយផ្អែកតាមសភាពការណ៍វិវត្តជាក់ស្តែងនៃជំងឺនេះក្នុងភូមិសាស្ត្ររាជធានី-ខេត្តដែលស្ថិតក្រោមសមត្ថកិច្ចរបស់ខ្លួន។
សូមអានសេចក្ដីណែនាំលម្អិតបន្ថែម៖
