យោងតាមរយៈសារពត៌មាន BBCចុះផ្សាយនាថ្ងៃទី១៤ ខែ មីថុនា ឆ្នាំ ២០២៤ នេះបានឱ្យដឹងថា មានដំរីកម្រមួយ មានឈ្មោះថាChamchuri អាយុ ៣៦ឆ្នាំ បានបង្កើតបានកូនភ្លោះ នាថ្ងៃសុក្រសប្ដាហ៍មុន នៅប្រទេសថៃ។
យោងតាមរយៈប្រភពដដែលបានឱ្យដឹងថា ជាកំណើតរបស់សត្វដំរីអាចមានកូនភ្លោះមានករណីតិចណាស់ គឺមានតែ១ភាគរយប៉ុណ្ណោះលើផែនដីនេះ។ តាមការឱ្យេដឹងរបស់អ្នកដែលជួយគ្នាសម្រាលកូនដំរី មុនដំបូងគឺគេមិនបានដឹងថាដំរីនេះគឺមានកូនភ្លោះនោះទេ តែក្រោយពីសម្រាលកូនទី១មិនបានប៉ុន្មាន ដំរីChamchuriក៏សម្រាលកូនទី២របស់គេទៀត។
សរុបមកដំរី Chamchuri គឺគេពិតជាអស្ចារ្យណាស់ អាចផ្ដល់កំណើតកូនទាល់តែ២មកកាន់ផែនដីនេះ សម្រាប់កូនដំបូងរបស់គេគឺ ឈ្មោល មានទម្ងន់៦០គីឡូ ចំណែកកូនទី២របស់គេគឺញី មានទម្ងន់តិចជាងកូនទី១ គឺគេមានទម្ងន់ប្រមាណ៥០គីឡូ៕