ថ្មីនេះថ្ងៃទី១៩ ខែ មេសា ឆ្នាំ២០២៣ ក្រសួងអប់រំ យុវជន និងកីឡា បានកំណត់សម័យ ប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ច្បាស់លាស់ក្នុងឆ្នាំ២០២២-២០២៣ នឹងធ្វើឡើងនៅថ្ងៃទី ៦វិច្ឆិកា និងបានចេញសេចក្តីណែនាំមួយចំនួនទៅកាន់នាយក នាយិកាគ្រឹះស្ថាន និងប្រធានមន្ទីរអប់រំរាជធានី-ខេត្ត ដើម្បីត្រៀមលក្ខណៈឱ្យការប្រឡងប្រព្រឹត្តទៅដោយរលូន។
រដ្ឋមន្រ្តីក្រសួងអប់រំ យុវជន និងកីឡា បណ្ឌិតសភាចារ្យ ហង់ជួន ណារ៉ុន បានចេញសេចក្តីណែនាំចុះថ្ងៃទី ១១ ខែមេសា សេចក្តីណែនាំបន្តថា ចំពោះការទទួលពាក្យសុំចុះឈ្មោះប្រឡងសញ្ញាបត្រមធ្យមសិក្សាទុតិយភូមិ នឹងធ្វើឡើងនៅតាមវិទ្យាល័យ ដោយចាប់ពីថ្ងៃទី ០១ខែឧសភាដល់ថ្ងៃទី ៣១ខែឧសភា ឆ្នាំ ២០២៣។ ចំណែកសម័យប្រឡងត្រូវបានកំណត់យកថ្ងៃទី ០៦ ខែវិច្ឆិកា ឆ្នាំ២០២៣ ។
អត្ថបទដោយ៖ ប៉ែត ធីតា