ផ្លែប័រ(Avocado) គឺជាផ្លែឈើដែលមានអត្ថប្រយោជន៍ជួយសុខភាពច្រើនបំផុត ផ្លែប័រត្រូវបានគេនិយមក្នុងការញុំា ជាប្រចាំថ្ងៃ អ្នកខ្លះបន្ថែមក្នុងរបបអាហារ ឬក៏យកធ្វើជាភេសជ្ជៈសម្រាប់ផឹកជាដើម។ ក៏ព្រោះក្នុងផ្លែប័រសម្បូរដោយ វីតាមីន សារធាតុរ៉ែ សារធាតុចិញ្ចឹមជាច្រើន ជួយដល់រាងកាយច្រើនណាស់។

ទោះជាយ៉ាងនេះក្ដី ផ្លែប័រក៏បានផ្ដល់ជាគ្រោះថ្នាក់មកដល់សុខភាពរបស់អ្នកញុំាវិញដូចគ្នា​​ ក្នុងករណីញុំាច្រើនលើសកំណត់​ ញុំាជាប្រចាំថ្ងៃនេះបើយោងតាមរយៈប្រភព stylecraze-com។

១.ផ្លែប័របង្កអាឡែហ្សី៖ មនុស្សដែលមានបញ្ហាអាឡែហ្សី ជាមួយផ្លែប័រគួរតែចៀចវាងក្នុងការញុំាផ្លែប័រព្រោះអាចបង្កជាបញ្ហាគ្រោះថ្នាក់ដល់អ្នកមានដូចជា ឈឺក្បាល វិលមុខ រមាស់ស្បែក ក្រហមស្បែក ហើមកជាដើម ដូច្នេះគួរតែប្រយ័ត្ន ក្នុងកាញុំាផ្លែប័រ។

២.ប៉ះពាល់ថ្លើម៖ ផ្លែប័រមានសមាសធាតុពីរហៅថា estragole និង anethole ដែលអាចបង្កការខូចខាតដល់ថ្លើមរបស់អ្នក ដូច្នេះត្រូវប្រយ័ត្ន ក្នុងការញុំាផ្លែប័រ ព្រោះប្រសិនណាញុំាច្រើន នាំឱ្យខូចខាតដល់សុខភាពរបស់ថ្លើម។ ទោះជាយ៉ាងនេះក្ដី ផ្លែប័រគ្រាន់តែជាចំណែកមួយនៃការបង្កគ្រោះថ្នាក់ដល់ថ្លើម តែ ជាតិអាល់កុលទេគឺអាចនឹងគ្រោះថ្នាក់ដល់ថ្លើមខ្លាំង។ តើអ្នកដឹងទេ នៅពេលអ្នកផឹកស្រាលើសកំណត់ចូលរាងកាយ ថ្លើមមាននាទីធ្វើអ្វីខ្លះ? គឺមាននាទីប្រឹងបំបែកសារធាតុគីមីរបស់ជាតិអាល់កុល ប្រឹងរហូតទាល់តែកោសិការបស់ថ្លើមចាប់ផ្ដើមខូចខាតបន្តិចម្ដងៗ ក៏បង្កជាការរលាក(ករណីផឹកស្រាលើសកំណត់រុំារ៉ៃយូរឆ្នាំ) កាលណាថ្លើមរលាកយូរទៅក៏បង្កជាជំងឺក្រិនថ្លើមឡើងមក ហើយជំងឺនេះអាចបណ្ដាលឱ្យអ្នកស្លាប់បាត់បង់ជីវិតបាន។ ដូច្នេះសូមអ្នកប្រយ័ត្នជាមួយជាតិអាល់កុល ផឹកច្រើនថ្លើមមិនអាចទប់ទល់់ឈ្នះទេ។ តាមរយៈគោលការណ៍របបអាហារកំណត់ អ្នកអាចផឹកស្រាបាន តែក្នុងកម្រិតមធ្យមបានហើយកុំលើសកំណត់បុរសត្រឹម២កែវស្រ្តី១កែវ។

៣.បញ្ហាក្រពះ៖ សម្រាប់អ្នកមានបញ្ហាក្រពះ គឺគួរតែចៀសឆ្ងាញពីការញុំាផ្លែប័រ ក៏ព្រោះតែញុំាហើយអាចនិងធ្វើឱ្យអ្នកមានអារម្មណ៍មិនស្រួល អាចចេញជាអាការដូចជា ហើមពោះ ចុកឆ្អល់ឡើងមកជាដើម។

អត្ថបទដោយ៖ ប៉ែត ធីតា