យោងតាមរយៈក្រសួងធនធានទឹក ចុះផ្សាយនាថ្ងៃទី១០ ខែ មីថុនា ឆ្នាំ ២០២៤នេះ បានជូនដំណឹងថា ស្ថានភាពវិវត្តនៃសីតុណ្ហភាពនៅលើផ្ទៃមហាសមុទ្រប៉ាស៊ីហ្វិក និងមហាសមុទ្រឥណ្ឌា ភាគខាងកើត និងតំបន់អេក្វាទ័រ ស្ថានភាពនេះបានធ្វើឱ្យ៖
កម្ពុជាយើង ចាប់ពីថ្ងៃទី១០ ដល់ថ្ងៃទី១១ ខែមិថុនា ឆ្នាំ២០២៤ នៅតាមតំបន់មាត់ សមុទ្រដូចជា ខេត្តកោះកុង ខេត្តព្រះសីហនុ ខេត្តកំពត ខេត្តកែប តំបន់ជួរភ្នំបូកគោ និងតំបន់ជួរភ្នំក្រវាញ បានបង្កភ្លៀងធ្លាក់ និងបន្តធ្លាក់ជាប់ៗគ្នារយ:ពេលពីរថ្ងៃ គ្របដណ្តប់ស្ទើរទូទាំងតំបន់ខាងលើ ជាមួយ គ្នានេះ បាតុភូតផ្គរ រន្ទះ និងខ្យល់បោកបក់ខ្លាំងកើតឡើងច្រើន។
រលកសមុទ្រមានកម្ពស់មធ្យមអប្បបរមា១,៥០ម៉ែត្រ និងកម្ពស់មធ្យមអតិបរមា២,៥០ម៉ែត្រ។ សូមសាធារណជនមេត្តាយកចិត្តទុកដាក់ប្រុងប្រយ័ត្នខ្ពស់ ពីស្ថានភាពធាតុអាកាសមានភ្លៀងធ្លាក់ខ្លាំង ខ្យល់បក់បោកខ្លាំង និងរលកសមុទ្រមានកម្ពស់ខ្ពស់ ដើម្បី ជៀសវាងពីគ្រោះថ្នាក់ផ្សេងៗ ដែលអាចកើតមានឡើងជាយថាហេតុ។
អាស្រ័យហេតុនេះយើង សូមបងប្អូនដែលរស់នៅតាមខេត្តដែលបានរៀបរាប់ខាងលើប្រុងប្រយ័ត្នឱ្យមែនទែន មុនចេញពីណាមកណា ត្រូវបង្កើនការប្រុងប្រយ័ត្នទាំងផ្លូវគោក និងផ្លូវទឹក៕
