ក្រលៀនគឺជាសរីរាង្គមួយប្រភេទរាប់ថាសំខាន់បំផុត១ក្នុងរាងកាយរបស់មនុស្សយើង ក៏ប៉ុន្ដែមមនុស្សជាច្រើន មិនបានយកចិត្តទុកដាក់ក្នុងការថែរក្សាប៉ុន្មាននោះទេ។ ដូច្នេះហើយជាហេតុធ្វើឱ្យបងប្អូនជាច្រើនមានបញ្ហាក្រលៀន អ្នកខ្លះទុកហូតដល់ធ្ងន់ធ្ងរក៏មានព្រោះមិនដឹង។

ជាមួយគ្នានេះដែរ ក្រុមការងារចាបបៃតង សូមធ្វើការលើកយកប្រភេទអាហារដែលងាយប៉ះពាល់ដល់ក្រលៀនរបស់អ្នកបាន។ ដូច្នេះហើយបើអ្នកដឹងគួរចៀសវាងនឹងកាត់បន្ថយឱ្យបានវច្រើន។

-ទី១គឺក្រុមអាហារដែលមានជាតិប្រៃ និងខ្លាញ់ច្រើន អាហារទាំងនេះ ញុំាច្រើនលើសកំណត់អាចបង្កជាគ្រោះថ្នាក់ដល់សុខភាពរបស់ក្រលៀនអ្នកបាន ដូចនេះសូមអ្នកញុំាគិតគូរពីសុខភាពរបស់ក្រលៀន កុំចាំតែដល់ដំណាក់កាលធ្ងន់ធ្ងរទើបខ្លាចរអានោះ។

-ទី២ផឹកទឹកមិនគ្រប់ មែនទែនទៅ ការផឹកទឹកច្រើនគ្រប់គ្រាន់គឺ ជួយរក្សាជាតិទឹកនៅក្នុងខ្លួនបានល្អ និងជាប្រយោជន៍ដល់សុខភាព តម្រងនោម​ ។ ពីព្រោះថា ជាតិទឹកគឺបានជួយដល់មុខងារតម្រងនោម​ឬក្រលៀន ក្នុងការប្រតិបត្តិមុខងារ ច្រោះសម្អាតជាតិពុល កាកសំណល់អាក្រក់ៗចេញពីឈាម ជួយការពារជំងឺក្រួសនៅក្នុងតម្រងនោម ជួយការពារការខ្សោយតម្រងនោមឡើងមក ជាធម្មតាការផឹកទឹក1.5-2Lក្នុងមួយថ្ងៃគឺនាំឱ្យក្រលៀនរបស់អ្នកមានសុខភាពល្អ។

-ជាតិអាល់កុល ជាតិអាល់កុលមានឥទ្ធិពល ទៅបំផ្លាញដល់​ តម្រងនោម (ក្រលៀន) នេះបើតាមការសិក្សាប្រៀបធៀបមួយបានចេញផ្សាយនៅក្នុងទស្សនាវដ្តី Nephrology Dialysis Transplantation បានរកឃើញថា ក្នុងចំណោមក្រុមមនុស្សពេញវ័យចំនួន ៦២៥៩ នាក់ដែលនិយមផឹកគ្រឿងស្រវឹង ឬភេសជ្ជៈដែលមានជាតិអាល់កុល ងាយប្រឈមនឹងជំងឺតម្រងនោមជាងអ្នកធម្មតា។

- អាហារសម្បូរប៉ូតាស្យូម៖ ចំពោះបុគ្គលដែលនិយមញុំាអាហារសម្បូរទៅដោយសារជាតិប៉ូតាស្យូម ត្រូវបានផ្សារភ្ជាប់ទៅនឹងការជះឥទ្ធិពលមិនល្អសម្រាប់សុខភាពក្រលៀនផងដែរ។ ដោយអាហារដែលសម្បូរទៅដោយសារជាតិប៉ូតាស្យូមនេះរួមមាន ទឹកដោះគោ គ្រាប់ធញ្ញជាតិ ផ្លែឈើកំប៉ុង ទឹកផ្លែឈើកំប៉ុង...ជាដើម។ អាហារទាំងអស់នេះត្រូវបានគេណែនាំឱ្យញុំាក្នុងបរិមាណដែលត្រឹមត្រូវ សមស្របជាមួយនឹងរាងកាយ។