មនុស្សមួយចំនួនបានបំផ្លាញខួរក្បាលដោយទម្លាប់អាក្រក់មួយចំនួនដូចជាផឹកស្រា ធ្វើកិច្ចការអត់ផ្តោតអារម្មណ៍ គ្មានលំហាត់ប្រាណ និងបញ្ហាផ្លូវចិត្តជាដើម។ មានទម្លាប់ច្រើនថែមដែលធ្វើឱ្យអ្នកចាស់ឡើងគិតអ្វីក៏អត់ចេញចម្លើយដែរ។ បើសិនបងប្អូនមានរោគសញ្ញាខួរក្បាលឆាប់ភ្លេច គិតយឺតនោះ និងឈឺក្បាលនោះ អ្នកមកសាកទម្លាប់ ៣នេះ ជួយខួរក្បាលគិតបានលឿនរហ័សលឿនជាងមុនផងដែរ។

១. មុនចូលគេងធ្វើរឿងមួយនេះសិន បានគេងស្ងប់៖ វេជ្ជបណ្ឌិត Tara Swart Bieber ជាអ្នកជំនាញខាងសរសៃប្រសាទប្រាប់ថា គាត់មិនដែលមើលទូរស័ព្ទដៃ មើល Instagram  និងមើលទូរទស្សន៍មុនពេលចូលគេងនោះទេ វាអត់ល្អដល់ខួរក្បាលនោះទេ។ ផ្ទុយទៅវិញ លោកស្រីព្យាយាមសមាធិមុនចូលគេង វាជួយការផ្តោតអារម្មណ៍ និងរក្សាគិតបានលឿន។ ជាពិសេសការសមាធិនេះ ធ្វើឱ្យចិត្តស្ងប់គេងលក់ស្រួល។ ព្រោះមនុស្សត្រូវការគេរយៈពេល ៨ម៉ោងក្នុងមួយយប់ ដើម្បីឱ្យខួរក្បាលសម្រាកបានល្អ។​ បើមុនចូលគេង ចិត្តអ្នកអត់ស្ងប់ទេ ទោះបីគេងច្រើនម៉ោង ក៏អ្នកមានអារម្មណ៍ថាគេងអត់ឆ្អែតដែរ។

២.កាហ្វេ៖ យោងតាមសាព័ត៌មាន CNET បានចុះផ្សាយថា ការមានទម្លាប់ផឹកកាហ្វេ ឬតែពេលភ្ញាក់ពីគេង ជួយប៉ូវខួរក្បាលអង្គចងចាំបានលឿន។ អ្នកស្រាវជ្រាវបានកត់សម្គាល់ពីសមត្ថភាពរបស់ជាតិកាហ្វេអ៊ីនក្នុងការបង្កើនសមត្ថភាពដំណើរការរបស់ខួរក្បាលដែលផ្ទុកជាតិកាហ្វេ មានសារធាតុប្រឆាំងអុកស៊ីតកម្មដ៏មានឥទ្ធិពលជាច្រើនជួយទ្រទ្រង់សុខភាពខួរក្បាល។

៣. ទម្លាប់អានជាប្រចាំ៖  លោក Bill Gates ដែលធ្វើឱ្យគាត់ចូលចិត្តហើយអនុវត្តពេញមួយជីវិតអត់ចេះធុញនោះគឺការអានសៀវភៅនេះឯង។ បើនិយាយពីអានវិញ គាត់អាននៅគ្រប់ទីកន្លែងដែលអាចអានបានដូចជា កន្លែងធ្វើការ អានតាមឡាន និងមុនចូលគេងមួយម៉ោងគាត់អាន ដើម្បីគេងលក់ស្រួល។ តាមអ្នកវិទ្យាសាស្រ្តក៏ទទួលស្គាល់ថា ការអានជាវិធីបណ្តុះខួរក្បាលឱ្យមានសម្បូរគំនិតច្នៃប្រឌិតល្អៗ៕

អត្ថបទដោយ៖ ទ្រ សុភាព