តើអ្នកជឿទេថា មនុស្សសព្វថ្ងៃនេះ មិនទាន់ចាស់ផង ម្នាក់ៗ កើតជំងឺទាំងវ័យក្មេង ព្រោះតែខ្វះការយល់ដឹងពីទម្លាប់រស់នៅជាប្រចាំថ្ងៃ។ ទម្លាប់សំខាន់ណាស់ មានអ្នកខ្លះ ខ្វះលំហាត់ប្រាណនាំឱ្យធាត់។ មានអ្នកខ្លះចូលចិត្តហូបអាហារផ្អែមៗ កើតទឹកនោមដោយអត់ដឹងខ្លួន។ បើអ្នកចង់ការពារជំងឺទឹកនោមផ្អែមនោះ អ្នកត្រូវមានទម្លាំងទាំង ៣នេះ។
ការញ៉ាំអាហារត្រឹមត្រូវ មានតុល្យភាពចំពោះសុខភាព វាពិតជាមានសារៈសំខាន់ណាស់ដើម្បីការពារជំងឺទឹកនោមផ្អែម។ ប៉ុន្តែអ្នកត្រូវតែចៀសវាងញ៉ាំអាហារបែបផ្អែម និងផឹកភេសជ្ជៈមានរសជាតិស្ករច្រើន វានាំអ្នកកើតជំងឺទឹកនោមផ្អែម។ នៅខ្មែរយើងដោយសារក្មេងៗ ចាប់ពីអាយុ ១៤ដល់១៧ឆ្នាំក៏អាចកើតជំងឺទឹកនោមផ្អែមបានដែរ ព្រោះតែពួកគេចូលចិត្តផឹកភេសជ្ជៈប៉ូវកម្លាំងច្រើនលើសកំណត់(ជាផ្នែកមួយ)។ ចូរអ្នកញ៉ាំអាហារស្រស់ៗ មានបន្លែ ផ្លែឈើ ត្រីសាច់ និងផឹកទឹកធម្មតាឱ្យបានគ្រប់គ្រាន់ អ្នកមិនងាយកើតជំងឺទឹកនោមផ្អែមនោះទេ។
គ្រាន់តែអ្នកធ្វើលំហាត់ប្រាណប្រកបដោយភាពឆ្លាតវៃដោយចាប់ផ្ដើមពីការហាត់ប្រាណអាចដើរ រត់តិចៗ និងលើកទម្ងន់ ដើម្បីបង្កើនការធ្វើមេតាប៉ូលិស។ យើងអាចដើរលឿនរយៈពេល៥នាទីក៏ជួយបញ្ចុះជាតិស្ករបានល្អបំផុត។តាមលោកវេជ្ជបណ្ឌិត Kathryn A. Boling ជាអ្នកផ្តល់សេវាកម្មនៅមន្ទីពេទ្យ Mercy Personal Physicians មានប្រសាសន៍ថា បើមានអ្នកជំងឺលើសជាតិស្ករក្នុងឈាមនោះ ខ្ញុំសុំឱ្យអ្នកជំងឺដើរ ឬធ្វើលំហាត់ប្រាណបន្តិច បន្ទាប់ពីហូបអាហាររួច។ ពីព្រោះ ដើម្បីឱ្យសាច់ដុំរបស់អ្នកជំងឺមានដំណើរការបញ្ចុះជាតិស្ករក្នុងឈាម។ ការធ្វើលំហាត់ប្រាណជាប្រចាំថ្ងៃនេះ ជួយទាញជាតិស្ករចេញពីចរន្តឈាម និងចូលទៅក្នុងសាច់ដុំ។ នោះធ្វើឱ្យជាតិស្ករក្នុងឈាមរបស់អ្នកថយចុះ។ ហើយអ្នកជំងឺច្បាស់ជាអាចគ្រប់គ្រងលើជំងឺនេះបានល្អឡើងវិញ។” ការធ្វើលំហាត់ប្រាណជួយបន្ថយជាតិស្ករក្នុងឈាមតាមធម្មជាតិល្អបំផុត។
កាត់បន្ថយស្ដ្រេសបន្ថយជាតិស្ករក្នុងឈាម។ អ្នកជំងឹទឹកនោមផ្អែមភាគច្រើនមានអារម្មណ៍ការខ្វាយខ្វល់ តានតឹង និងគិតច្រើនពេក ចំពោះកត្ដាអារម្មណ៍ទាំងនេះធ្វើឱ្យអ្នកជំងឺងាយកើតស្ដ្រេសងាយប៉ះពាល់ដល់សុខភាព។ ព្រោះស្ដ្រេសនេះវាមានរយៈពេលយូរអាចធ្វើឲ្យអ្នកជំងឺគេងមិនលក់ប្រឈមនឹងការកើនឡើងសម្ពាធឈាម។ ដូចនេះហើយអ្នកជំងឺត្រូវតែយកចិត្ដទុកដាក់គ្រប់គ្រងលើស្ដ្រេសឲ្យបានល្អដោយហាត់ប្រាណ អានសៀវភៅ ហើយអ្នកអាចបង្កើតបរិយាកាសឱ្យមានភាពរីករាយជាមួយមនុស្សជុំវិញខ្លួន កូនចៅ ឬសត្វចិញ្ចឹម ឬមួយរៀបគម្រោងការធ្វើដំណើរកម្សាន្ដ ដើម្បីរំសាយអារម្មណ៍ពីការគិតច្រើន ដើម្បីសុខភាពរបស់អ្នករឹងមាំ ការពារជំងឺទឹកនោមផ្អែម៕ អត្ថបទដោយ៖ ទ្រ សុភាព