មានពាក្យមួយខ្ញុំគិតថាជាគំនិតសំខាន់គឺថា “អ្នកដឹកនាំជាអ្នករៀនសូត្រហើយមានខួរក្បាលពូកែផលិតចំណូលបំផុត”។ ការរៀនមិនអាចធ្វើឱ្យអ្នកក្លាយជាមហាសេដ្ឋី សហគ្រិនឆ្នើម និងអ្នកដឹកនាំអស្ចារ្យក៏ដោយ ប៉ុន្តែអន់ណាស់ឱ្យអ្នកមានស្មារតីចេះដឹកនាំខ្លួនឯងដែរ។ មានគេនិយាយលេងសើចបែបចំអកថា រៀនបានស៊ី... មែនហើយ! រៀនមិនអាចឱ្យយើងឆ្អែតក្រពះដូចជាការហូបបាយទេ។ តែរៀននាំឱ្យគំនិតយើងមើលឃើញពីរបៀបរកបាយហូបបានឆ្ងាញ់ ចេះថែសុខភាពល្អ ហើយមានលុយចាយគ្រប់គ្រាន់។ នេះជាគំនិតដឹកនាំបែបកាំប្រមា។ ខាងក្រោមនេះជាគំនិតទាំងពីសៀវភៅកាំប្រមាអេឡូន ម៉ាស៖
១. មនុស្សបែបសត្វកញ្រ្ជោងនៅក្នុងសង្គមមានការចេះដឹងរឿងច្រើន ហើយព្យាយាមធ្វើកិច្ចការច្រើនមុខហើយចង់បញ្ចប់ក្នុងពេលតែមួយ វាធ្វើឱ្យគេមើលឃើញពិភពលោកក្នុងភាពស្មុគស្មាញ។ ពួកគេបំបែកថាមពលទៅធ្វើកិច្ចការជាច្រើនដោយមិនអាចផ្តោតចិត្តគំនិតតាមចក្ខុវិស័យរបស់ខ្លួនធ្វើឱ្យខួរក្បាលគេស្រ្តេស រស់គ្មានលទ្ធផល និងខ្សោយចំណូល។
២. មនុស្សរស់នៅសព្វថ្ងៃនេះ រស់ត្រឹមពាក់កណ្តាលខ្លួនព្រោះសង្គមជាអ្នកកំណត់ឱ្យរស់។ ពេលគេប្រើជីវិតតាមគោលគំនិតកាំប្រមាដោយផ្តោតលើក្តីស្រមៃពិតប្រាកដ ទើបគេអាចប្រើភាពជាមនុស្សអស់ពីសមត្ថភាព រស់ក្នុងតម្លៃជាខ្លួនឯង។
៣. សម្រាប់អាជីវកម្មរបស់អ្នកអាចដើរខុសច្រើននាំឱ្យខាតលុយច្រើនក៏ដោយ ប៉ុន្តែអ្នកត្រូវចាំថា ធ្វើត្រូវតែម្តងតាមគោលគំនិតកាំប្រមាអាជីវកម្មរបស់អ្នកនឹងរស់មួយជីវិត។
៤. ច្បាប់កាំប្រមា៖ ថ្ងៃនេះ អ្នកធ្វើរឿងសំខាន់បម្រើឱ្យក្តីស្រមៃ ទៅថ្ងៃអនាគតផលក្តីស្រមៃនឹងបម្រើអ្នកវិញ។
៥. គោលគំនិតបែបសត្វកាំប្រមា ចូរអ្នកចេះដឹងឱ្យច្រើន តែចេះជំនាញមួយឱ្យច្បាស់ ទើបចំណូលកើន។ ចំណែកគោលគំនិតសត្វកញ្រ្ជោងគឺថា ជំនាញចេះមិនច្បាស់ តែដឹងគ្រប់រឿង ចេះបែបនេះចំណូលមិនកើនទេ។ មួយម៉ាត់យ៉ាងខ្លីគឺថា ជំនាញនាំកើតឱ្យចំណូលបន្តពូជ។
៦. សម្រាប់បញ្ហាទាំងអស់ចូលក្នុងជីវិតនេះ ចង់ប្រាប់អ្នកថា អត្តចរិតរបស់អ្នករឹងមាំក៏ព្រោះតែបញ្ហា គំនិតរបស់អ្នកចេះគិតក៏ព្រោះតែបញ្ហា សមត្ថភាពរបស់អ្នកមុតដូចជាផ្លែដាវក៏ព្រោះតែបញ្ហាដែរ។ និយាយទៅ! បញ្ហាកំពុងតែធ្វើការពិសោធលើអ្នក បើមិនអាចរៀនសូត្រពីវាបានទេ អ្នកនឹងចាញ់។
៧. នៅក្នុងព្រះគម្ពីប៊ីបមានឃ្លាមួយកត់ត្រាថា “បើគ្មានចក្ខុវិស័យទេ អ្នកនឹងវិនាស”។ ឃ្លាដ៏សាមញ្ញនេះចង់ប្រាប់យើងថា អាជីវកម្មខ្វះចក្ខុវិស័យ ចំណូលមិនរឹងមាំទេ។
៨. ព្រោះរាល់បញ្ហាទាំងអស់នោះ បែរជាធ្វើឱ្យគេមានសមត្ថភាពលូតលាស់ទាញចំណូលបានកាន់តែកើនឡើង។មកពីគេផ្តោតការគិតដើម្បីច្នៃបញ្ហាឱ្យក្លាយជាឪកាស។ អ្នកត្រូវចាំថា លុយលាក់ខ្លួនក្នុងបញ្ហា។ ព្យាយាមដោះបញ្ហាឱ្យចេញ លុយក៏ចេញមកដែរ។
៩. បើអ្នកមានស្មារតីបញ្ហាជួយសំលៀងសមត្ថភាពរបស់អ្នកកាន់តែមុត ប៉ុន្តែបើអ្នកមានចិត្តខ្លាចមិនហ៊ានប្រឈមមុខជាមួយបញ្ហា ច្បាស់ណាស់សមត្ថភាពរបស់អ្នកនឹងឡើងច្រេះដូចជាដែកគេទុកចោលដែរ។
១០. មានសំណួរមួយថា អ្វីជាវិធានការរុញក្បាលសេដ្ឋកិច្ចឱ្យក្រុមហ៊ុនឬអាជីវកម្មរបស់អ្នកទាញចំណូលកាន់តែច្រើន? លោក ម៉ាស បានដើរតាមគោលគំនិតកាំប្រមាដោយផ្តោតលើផលិតផលមានគុណភាពជាមុនសិន ឱ្យអតិថិជនមានទំនុកចិត្ត និងប្រើសេវាកម្មមានអារម្មណ៍កក់ក្តៅ ពេញចិត្តពេញថ្លើម ទើបអតិថិជនសុខចិត្តចំណាយលុយឱ្យក្រុមហ៊ុនតេសឡា។ គំនិតទាំង ១០នេះដកស្រង់ពីសៀវភៅកាំប្រមាអេឡូន ម៉ាស។ បើអ្នកចាប់អារម្មណ៍ អ្នកអាចទិញសៀវភៅ កាំប្រមា តាមនេះ
https://t.me/BusinessCambodiaBook
