នៅលើទីផ្សារគឺមានលក់បន្លែជាច្រើនប្រភេទខុសៗពីគ្នា ប៉ុន្តែបន្លែទាំងអស់នោះគេបានចាត់ទៅតាមក្រុមនីមួយៗដូចជា ក្រុមបន្លែពណ៌ស បន្លែពណ៌ក្រហម បន្លែពណ៌ស្វាយ បន្លែពណ៌លឿង...ជាដើមទៅតាមពណ៌ផ្សេងៗ។ ក្នុងនោះដែរ គេបានសិក្សារកឃើញថា ក្រុមបន្លែបណ៌លឿងមានផ្ទុកនូវសារធាតុប្រឆាំងអុកស៊ីតកម្មខ្លាំងជាបន្លែផ្សេងៗ ជាពិសេសគឺកាត់ផ្តាច់ឫសដូងបាត និងទប់សម្ពាធឈាមកុំឱ្យលើស។

ជាការពិតណាស់ យោងតាមការចុះផ្សាយនៅលើគេហទំព័រ healthline វេជ្ជបណ្ឌិត Sedra Jundi ឯកទេសផ្នែកចំណីអាហារបានបញ្ជាក់ថា នៅក្នុងបន្លពណ៌លឿងមានផ្ទុកនូវសារធាតុ សរសៃ ជាតិដែក ប្រឆាំងអុកស៊ីតកម្ម ការពារជំងឺលើសសម្ពាធឈាម បំពេញគ្រាប់ឈាមក្រហមក្នុងខ្លួន ពិសេសគឺល្អបំផុតសម្រាប់អ្នកមានបញ្ហាឫសដូងបាត។ បន្លែពណ៌លឿងទាំង៥ដែលផ្ទុកសារធាតុប្រឆាំងជំងឺពិសេសមានដូចជា៖

- ម្ទេសប្លោកពណ៌លឿង៖ ម្ទេសប្លោក៣ពូជខុសគ្នាគឺពណ៌ក្រហម ពណ៌ទឹកក្រូច និងពណ៌លឿង។ គេបានសិក្សារកឃើញថា ម្ទេសប្លោកពណ៌លឿងគឺមានផ្ទុកសារធាតុ វីតាមីន A និង C ទប់ស្កាត់កុំឱ្យលើសសម្ពាធឈាម។

- ពោតពណ៌លឿង៖ វាសម្បូរទៅដោយវីតាមីន A, B និង E ក៏ដូចជាសារធាតុរ៉ែជាច្រើន។ ជួយឱ្យរាងកាយទប់ទល់នឹងបញ្ហារំលាយអាហារ ដោះស្រាយបញ្ហាទល់លាមក ជំងឺឬសដូងបាត និងមហារីកពោះវៀនធំ។ គ្រាប់ពោត​ពណ៌​លឿង​តូចៗ​ដែល​តម្រង់​ ​ផ្ទុក​សារធាតុ phytochemical ដែរ។ សារធាតុទាំងនេះអាចបញ្ឈប់សារធាតុបង្កមហារីកពីការឆ្លងកោសិកា ហើយសារធាតុ phytochemicals ក៏អាចជួយកោសិកាបញ្ឈប់ និងលុបបំបាត់រាល់ការផ្លាស់ប្តូរដែលស្រដៀងនឹងមហារីកផងដែរ។

- ល្ពៅ៖ នៅក្នុងសាច់ល្ពៅ២០០ក្រាមមានផ្ទុកវីតាមីន A វីតាមីន C ប្រហែល ១១ មីលីក្រាម ដែលជួយបង្កើនប្រព័ន្ធភាពស៊ាំរបស់អ្នក ការពារជំងឺផ្តាសាយ គ្រប់គ្រងសម្ពាធឈាម ការពារជំងឺលើសឈាម និងជួយកាត់ផ្តាច់ឫសដូងបាតផងដែរ។

- សណ្តែកពណ៌លឿង៖ គឺជាគ្រាប់ធម្មជាតិដែលមានផ្ទុកនូវសារធាតុប្រឆាំងមហារីកជាច្រើន រួមទាំងអ៊ីសូហ្វ្លាវ៉ូន សារធាតុ phytosterols ដែលរារាំងការស្រូបយកកូលេស្តេរ៉ុលដែលបណ្តាលឱ្យកម្រិតកូឡេស្តេរ៉ុលក្នុងឈាមថយចុះ។ មិនតែប៉ុណ្ណោះជួយរក្សាកម្រិតសម្ពាធឈាមក្នុងរាងកាយឱ្យល្អ កុំឱ្យលើស។



- ខាត់ណាលឿង៖ ខាត់ណាលឿងមានរសជាតិស្រាល ផ្អែម និងល្អិតល្អន់ ភាពខុសគ្នារវាងខាត់ណាលឿងជាមួយខាត់ណាសនិងខាត់ណាខៀវ គឺខាត់ណាលឿង ផ្ទុកសារធាតុ Beta-carotene ច្រើនជាងផ្កាខាត់ណាខៀវ មានវីតាមីន និងសារធាតុរ៉ែចាំបាច់ស្ទើរតែទាំងអស់ និងមានជាតិសរសៃខ្ពស់។ មាននាទីជំនួយទៅដល់ប្រព័ន្ធការពាររាងកាយ ប្រឆាំងជំងឺលើសឈាម ទឹកនោមផ្អែម និងការពារកុំឱ្យកើតជំងឺឫសដូងបាតផងដែរ។

សរុបជារួមមកវិញ បន្លែពណ៌លឿងទាំង៤មុខខាងលើគឺមានគុណប្រយោជន៍ខ្លាំងណាស់ សម្រាប់អ្នកឫសដូងបាត ចង់ការពារឫសដូងបាតកុំឱ្យកើត រក្សាសម្ពាធឈាមកុំឱ្យលើស។ ការញ៉ាំអាហារឱ្យបានត្រឹមត្រូវ និងការការពារខ្លួនទុកមុនជាជម្រើសដ៏ល្អបំផុត សម្រាប់បង្ការរាងកាយជាមុន ប្រៀនដូចជាយើងបានធ្វើរបបការពារជំងឺកុំឱ្យចូលមកបានអ៉ីចឹង៕

អត្ថបទដោយ៖ គន្ធា