យោងតាមការចេញផ្សាយពីសារព័ត៌មាន Reuters បានឱ្យដឹងកាលពីថ្ងៃទី២៣ ខែឧសភា ឆ្នាំ២០២៣ ថា អង្គការសុខភាពពិភពលោក (WHO) បានជម្រុញឱ្យប្រទេសនានា អនុវត្តកំណែទម្រង់ដែរចាំបាច់ ដើម្បីត្រៀមខ្លួនជាមុន សម្រាប់ជំងឺរាតត្បាតដែលអាចកើតមានបន្តបន្ទាប់។
ថ្លែងនៅឯសន្និបាតជាច្រើនសប្តាហ៍បន្ទាប់ពី ការបញ្ចប់ស្ថានភាពអាសន្នជាសកល សម្រាប់ការរាតត្បាតនៃជំងឺកូវីដ-១៩ លោក Tedros Adhanom Ghebreyesus បាននិយាយថាវាដល់ពេលដែលត្រូវជម្រុញការចរចាលើការការពារជំងឺរាតត្បាតបន្ទាប់។ អគ្គនាយកWHO បានព្រមានថា "ជំងឺរាតត្បាតបន្ទាប់អាចនឹងមកដល់ យើងមិនអាចមើលស្រាលវាបានទេ"។
ប្រភពដដែលបានឱ្យដឹងផងដែរថា ប្រទេសជាសមាជិកចំនួន ១៩៤ របស់អង្គការសុខភាពពិភពលោកឥឡូវនេះកំពុងរៀបចំសេចក្តីព្រាង សន្ធិសញ្ញាជំងឺរាតត្បាត ដែលនឹងអនុម័តនៅក្នុងសន្និបាតនៅឆ្នាំក្រោយ៕
អត្ថបទដោយ៖ Senghong
