កោសិកាឈាមក្រហម ធ្វើចរាចរក្នុងសរសៃឈាម ដើម្បីបញ្ជូនអុកស៊ីសែនទៅកាន់ជាលិកា និងសរីរាង្គទាំងអស់ក្នុងរាងកាយ។ ដើម្បីដឹកកាបូនឌីអុកស៊ីតពីកោសិកា ទៅកាន់ សួត។ អុកស៊ីសែនមានសារៈសំខាន់បំផុតសម្រាប់ថាមពល និងការរស់រានមានជីវិតនៃគ្រប់កោសិកាក្នុងរាងកាយរបស់មនុស្ស។
លោកវេជ្ជបណ្ឌិត jeffrey s. lander បានបញ្ជាក់ថា ប្រសិនបើ កោសិកាឈាមក្រហមចុះទាប ឬខ្វះ វាបណ្តាលឱ្យថាមពលចុះខ្សោយ និង ប៉ះពាល់ដល់រាងកាយរបស់អ្នក។ មូលហេតុដែលបណ្តាយឱ្យមនុស្សមួយចំនួនមានជំងឺខ្វះគ្រាប់ឈាមក្រហមគឺបណ្តាលមកពី រាងកាយខ្វះជាតិដែក ជាតិវីតាមីន B12។
ជាការពិតណាស់ យោងតាមការឱ្យដឹងពីគេហទំព័រ Birlahospital ដើម្បីឱ្យបំបេញជាតិដែកក្នុងខ្លួនឱ្យបានគ្រប់គ្រាន់កុំឱ្យខ្វះ អ្នកគួរបង្កើនទម្លាប់ញ៉ាំបន្លែពណ៌ស៥មុនខាងក្រោមឱ្យបានរាល់ថ្ងៃ៖
១. ផ្កាខាត់ណាស៖ មានផ្ទុកសារធាតុ Sulforaphane, insoles និង isothiocyanates មាននាទីទប់ស្កាត់ការវិវត្តនៃកោសិកាមហារីក ការពារបេះដូង ពង្រឹងឆ្អឹងរបស់អ្នក។ ជាពិសេសគឺមានផ្ទុកជាតិ ញ៉ាំច្រើនជួយបំពេញគ្រាប់ឈាមក្រហមក្នុងរាងកាយកុំឱ្យខ្វះ។ របៀបញ៉ាំ៖ ត្រូវយកផ្កាខាត់ណាទៅស្រុះរយៈពេល១នាទី ហើយយកទៅចម្អិនជាមុនម្ហូបដែលអ្នកចូលចិត្ត។
២. ខ្ទឹមបារាំង៖ មានផ្ទុកវីតាមីន C ម៉ង់ហ្គាណែស កាល់ស្យូម ផូស្វ័រ ជាតិដែក ហ្វូឡាត ប៉ូតាស្យូម quercetin និងស្ពាន់ធ័រ ជួយប៉ូវសុខភាព បង្កើនគ្រាប់ក្រហម ប្រឆាំងការរលាក។ របៀបញ៉ាំ៖ យកទៅចម្អិនជាម្ហូបដូចជា ឆា ឬញ៉ាំឆៅក៏បាន។
៣. ដំឡូង៖ ដំឡូងពណ៌ស ផ្ទុកទៅដោយ ប៉ូតាស្យូម វីតាមីន B6 ជាតិដែក វីតាមីន C ជាតិសរសៃ ម៉ាញ៉េស្យូម ផូស្វ័រ ម៉ង់ហ្គាណែស ជួយសម្រួលដល់ការរំលាយអាហារ និងការទល់លាមក។ ពិសេសជួយសម្ពាធឈាម ការពារជំងឺមហារីក ការពារគ្រួសក្នុងតម្រងនោម ការពារជំងឺបេះដូង និងបង្កើនកម្រិតគ្រាប់ឈាមក្រហម។ របៀបញ៉ាំ៖ អ្នកអាចស្ងោរញ៉ាំមួយថ្ងៃ១ម៉ើមនៅពេលព្រឹក ធ្វើជាអាហារពេលព្រឹកក៏បាន ឬញ៉ាំក្រោយអាហារពេលព្រឹកក៏បាន។
៥. ឆៃថាវ៖ មានផ្តុកសារធាតុប៉ូតាស្យូម វីតាមីន C ផ្ទុកនូវជាតិសរសៃ ហ្វូឡាត កាល់ស្យូម និងម៉ាញេស្យូមជួយបង្កើនកម្រិតគ្រាប់ឈាមក្រហមក្នុងរាងកាយ។ របៀបញ៉ាំ៖ អ្នកអាចយកម៉ើមឆៃថាវទៅស្ងោរស៊ុប ឬស្ងោរជាមួយបន្លែផ្សេងទៀតធ្វើជាសម្លរទៅតាមចំណង់ចំណូលចិត្ត។
សរុបជារួមមកវិញ បន្លែពណ៌សទាំង៥មុខខាងលើគឺមានគុណប្រយោជន៍ខ្លាំងណាស់ សម្រាប់អ្នកដែលមានអាការកង្វះថាមពល ងងុយគេង ស្បែកស្លេក ឈឺក្បាល វិលមុខ ឆាប់ខឹង មានបញ្ហាក្នុងការផ្តោតអារម្មណ៍ ចង្វាក់បេះដូងលោតញាប់ (tachycardia) សម្ពាធឈាមទាប (hypotension)...ជាដើម។ រោគសញ្ញាទាំងអស់នេះបញ្ជាក់ថាអ្នកកំពុងខ្វះជាតិដែក និងខ្វះគ្រាប់ឈាមក្រហមក្នុងខ្លួន។ ដូច្នេះជម្រើសល្អគឺអ្នកគួរបង្កើនទម្លាប់ញ៉ាំបន្លែពណ៌សទាំង៥មុខខាងលើ៕
អត្ថបទដោយ៖ មឿន គន្ធា