តួយ៉ាងនោះ បើផ្អែកទៅតាមការលើកឡើងរបស់វេជ្ជបណ្ឌិត Danaiphand Akarasakul ឯកទេសផ្នែកវះកាត់ប្រព័ន្ធទឹកនោម ប្រចាំការនៅមន្ទីរពេទ្យ Vimut នៅប្រទេសថៃបានពន្យល់ឱ្យដឹងថា បញ្ហាក្រពេញប្រូស្តាតរីកធំ​ អាចនឹងកើតមានឡើងដោយសារតែការវិវត្តទៅភាពចាស់របស់មនុស្សប្រុស ដោយជាទូទៅបញ្ហានេះត្រូវបានគេសង្កេតឃើញថា កើតមានទៅលើបុរសដែលមានវ័យចាប់ពី៤០ឆ្នាំឡើងទៅ ករណីខ្លះទៀតកើតមានដោយសារតំណពូជ មួយចំនួនទៀតអាចកើតមានលើអ្នកជំងឺទឹនោមផ្អែម ជំងឺបេះដូង និងអ្នកលើសទម្ងន់ខ្លាំង ក៏អាចប្រឈមដូចគ្នា។

ចំពោះរោគសញ្ញានៃជំងឺប្រពេញប្រូស្តាតរីកធំ អ្នកជំនាញបែងចែកវាចេញជា២ធំរួមមាន៖

១. រោគសញ្ញាទូទៅនៃ BPH៖

- តម្រូវការ​នោម​ញឹកញាប់ ជាពិសេសនោមញឹកនៅពេលយប់។

- លំហូរទឹកនោមខ្សោយ នោមតិច ឬហៅថា នោមទាស់

- ទាល់តែប្រឹងនោមទើបមានទឹកនោមហូរចេញមកក្រៅ

- អសមត្ថភាពក្នុងការនោមស្រួចស្រាវ

- ចង់នោមតែពិបាកនោម នោមមកតិច​ ឬតក់ៗ មិនអស់ទឹកនោម។

២. រោគសញ្ញាព្រមានពីបញ្ហសុខភាព៖

- ឆ្លងមេរោគផ្លូវទឹកនោម

- ឈឺនោមតែនោមមិនចេញ

‑ ពេលខ្លះនោមចេញមកមានលាយឈាមក្នុងទឹកនោម។

បញ្ហាក្រពេញប្រូស្តាតរីកធំនេះ ក្នុងលក្ខខណ្ឌអ្នកជំងឺបន្តទុកមិនព្រមទទួលយកការព្យាបាលឱ្យបានត្រឹមត្រូវពួកគាត់អាចនឹងងាយប្រឈមមុខជាមួយបញ្ហាកាន់តែគ្រោះថ្នាក់ដល់សុខភាព និងរំខានដល់ជីវិតរស់នៅប្រចាំថ្ងៃដូចជា៖ ពិបាកនោមកាន់តែខ្លាំងទៅៗ, ឆ្លងមេរោគលើផ្លូវទឹកនោម (UTIs), គ្រួសក្នុងប្លោកនោម, ខូចប្លោកនោម និងអាចខូចតម្រងនោម ដោយសារទឹកនោមដែលស្តុកក្នុងប្លោកនោម អាចនឹង​អនុញ្ញាត​ឱ្យ​ការ​ឆ្លង​មេរោគ​ប្លោកនោម​ឈាន​ដល់​តម្រងនោម​។

កត្តានេះដែរវេជ្ជបណ្ឌិត Danaiphand Akarasakul ណែនាំឱ្យបុរសៗគ្រប់រូបគួរតែយកចិត្តទុកដាក់ទៅលើស្ថានភាពសុខភាពរបស់ខ្លួន ជាពិសេសអ្នកដែលធ្លាប់មានប្រវត្តិគ្រួសារកើតបញ្ហាក្រពេញប្រូស្តាតរីកធំ អ្នកជំងឺនោមផ្អែម អ្នកជំងឺបេះដូង និងអ្នកដែលមានបញ្ហាធាត់ខ្លាំងគួរតែទៅពិនិត្យតាមដានសុខភាពឱ្យបានត្រឹមត្រូវ ក្រុមវេជ្ជបណ្ឌិតឯកទេសនឹងណែនាំនូវគន្លឹះល្អៗ ដើម្បីថែរក្សាសុខភាពឱ្យចៀសឆ្ងាយពីជំងឺក្រពេញប្រូស្តាតរីកធំ។ បន្ថែមជាមួយគ្នានេះ សម្រាប់អ្នកដែលមានរោគសញ្ញាគួរឱ្យសង្ស័យណាមួយជាពិសេសមានបញ្ហាពិបាកនោម គួរតែប្រញាប់ទៅមន្ទីរពេទ្យប្រឹក្សាជាមួយក្រុមគ្រូពេទ្យ ឬធ្វើរោគវិច្ឆ័យស្វែងរកមូលហេតុព្យាបាលឱ្យបានទាន់ពេលវេលា បង្ការកុំឱ្យបញ្ហារាលដាលកាន់តែធំនាំឱ្យពិបាកព្យាបាលទៅថ្ងៃក្រោយ៕

មានគោលបំណងចង់ទៅពិនិត្យសុខភាព និងព្យាបាលជំងឺនៅប្រទេសថៃ ប៉ុន្តែចង់ប្រឹក្សាជាមួយនឹងអ្នកជំនាញឱ្យបានច្បាស់លាស់ជាមុនសិន អាចទំនាក់ទំនងណាត់ប្រឹក្សាជាមួយនឹងវេជ្ជបណ្ឌិតឯកទេសជនជាតិថៃពីចម្ងាយបានតាមរយៈទីស្នាក់ការមន្ទីរពេទ្យ វិមុត ដែលមានទីតាំងនៅ TK ទួលគោល រាជធានីភ្នំពេញ។ សម្រាប់ព័ត៌មានបន្ថែមអាចសួរនាំបានរយៈផេក Vimut Hospital-Cambodia ឬទំនាក់ទំនងតាមលេខទូរស័ព្ទ +66 9 8439 3866/ 016 427 789៕