មានមនុស្សជាច្រើនបានដឹងថា ជនជាតិជ្វីហ្វ ជាអ្នកពូកែខាងធ្វើជំនួញ តែពេលនេះ អ្នកមកដឹងពីច្បាប់ក្នុងគម្ពីតូរ៉ា វាជាផ្នែកមួយនិយាយពីការថែទាំសុខភាពរបស់ជនជាតិជ្វីហ្វ ដែលធ្វើឱ្យពួកគេមានសុខភាពល្អ តើគម្ពីនេះបាននិយាយអ្វីខ្លះ?

ពេលមនុស្សមានសុខភាពល្អ អ្នកធ្វើកិច្ចការអ្វីមួយ ក៏បានផលល្អដែរ។ ដូចច្បាប់ក្នុងគម្ពីតូរ៉ាបាននិយាយថា “ការរក្សារាងកាយឱ្យរឹងមាំ អ្នកត្រូវដើរតាមផ្លូវរបស់ព្រះ គ្មានមនុស្សណាម្នាក់មានជំងឺ មានអារម្មណ៍ចង់ចេះ ចង់ដឹង ឬធ្វើកិច្ចការបានល្អនោះទេ វាមិនអាចទេ។ អ្នកត្រូវបង្កើតទម្លាប់ល្អៗ (អាហារល្អ និងការហាត់ប្រាណ) ធ្វើឱ្យសុខភាពអ្នករឹងមាំ ហើយអ្នកត្រូវជៀសវាងអាហារណាមានការបំផ្លាញសុខភាពរបស់អ្នក។” ការមានវិបត្តិសុខភាព មកពីអ្នកមិនចេះថែរក្សាសុខភាពឱ្យបានល្អ ខ្ជិលហាត់ប្រាណ ហូបអាហារសម្បូរជាតិខ្លាញ់ និងផឹកស្រា...។

អ្នកត្រូវចេះយកចិត្តដាក់ និងប្រឹងឱ្យអស់ឱ្យពីសមត្ថភាព ដើម្បីរក្សាសុខភាពរាងកាយ និងផ្លូវចិត្តឱ្យល្អ។ ចំពោះជនជាតិអាមេរិក ដែលមិនបានរក្សាសុខភាព ធ្វើឱ្យមានភាពធាត់ ៤០% ហើយចំណាយ ១៤៧ ពាន់លានដុល្លារក្នុងការថែទាំការធាត់នេះរយៈពេលមួយឆ្នាំ។ ជនជាតិអ៊ីស្រាអែល សុខភាពជារឿងសំខាន់ខ្លាំងណាស់ ហើយជនជាតិនេះ បានជាប់លេខ១០ ជាប្រទេសមានសុខភាពល្អជាងគេ។

គោលការណ៍ហូបអាហារ និងការហាត់ប្រាណ

ជនជាតិជ្វីហ្វតែងមានទម្លាប់ញ៉ាំអាហារ និងការហាត់ប្រាណ តាមគម្ពីតូរ៉ាបានកំណត់ថា “ ពេលអ្នកញ៉ាំអាហារ និងការហាត់ប្រាណ អ្នកត្រូវតែមានមានភាពរីករាយ” ពេលអ្នកញ៉ាំអាហារ អ្នកត្រូវមានអារម្មណ៍ពេញចិត្តនឹងរាងកាយ និងសប្បាយចិត្ត វាជួយដល់ការរំលាយអាហារបានល្អ ។ ពេលអ្នកធ្វើលំហាត់ប្រាណ អ្នកត្រូវប្រាកដថា រាងកាយរបស់អ្នក បានធ្វើចលនារៀងរាល់ថ្ងៃ។

នៅក្នុងគម្ពីតូរ៉ាបាននិយាយថា “បើអ្នកចង់ដឹងថា ការធ្វើលំហាត់ល្អ អ្នកត្រូវស្តាប់រាងកាយរបស់អ្នក វាល្អ គឺអ្នកបានដកដង្ហើមកាន់តែជ្រៅ និងបែកញើស មានអារម្មណ៍សប្បាយ។ តែវាមិនល្អទេ ពេលអ្នកគ្មានអារម្មណ៍នឹងការហាត់ប្រាណ។” បើអ្នកគ្មានអារម្មណ៍រីករាយទាំងការញ៉ាំ និងទាំងការហាត់ប្រាណ វាមិនល្អចំពោះសុខភាពរបស់អ្នកទេ។ ពីព្រោះទឹកមុខរបស់អ្នក ជាអ្នកបញ្ជាក់ពីអាម្មណ៍ខាងក្នុង។ លោក Maimonides និយាយថា “ល្បែងបាល់ គឺជាលំហាត់ប្រាណមួយដែលល្អបំផុតសម្រាប់សុខភាពផ្លូវចិត្ត និងផ្លូវកាយ។”

ការរស់នៅមានសុខភាពល្អ អ្នកត្រូវអនុវត្ដតាមវិធី ៦ យ៉ាងរបស់ Maimonides ដើម្បីជួយគ្រប់គ្រងស្ត្រេស ដើម្បីបង្កើនកម្លាំងចិត្ត និងកាយមានដូចជា៖

១. ផឹកស្រាក្នុងកម្រិតមធ្យម

២- បរិភោគអាហារមានសុខភាពល្អ និងមានរបៀបរៀបរយត្រឹមត្រូវក្នុងការរស់នៅ

៣. ធ្វើលំហាត់ប្រាណឱ្យបានទៀងទាត់

៤. ធ្វើអោយប្រសើរឡើងនូវស្ថានភាពបេះដូងអាក្រក់

៥. គ្រប់គ្រងកំហឹង

៦. សប្បាយចិត្ត

បើនិយាយពីការថែរក្សាសុខភាពរបស់ជនជាតិជ្វីហ្វ មានការផ្តោតទៅលើសុខភាពរាងកាយ និងសុខភាពផ្លូវចិត្ត។ ពេលទាំងពីនេះគ្មានភាពស្មើរគ្នា បញ្ហានឹងកើតឡើងមិនខាន។ ពេលអ្នកមានអារម្មណ៍ផ្លូវចិត្តមិនល្អ វាធ្វើប៉ះពាល់ដល់រាងកាយ។ ពេលរាងកាយមានជំងឺធាត់ និងមានជំងឺផ្សេង សុខភាពផ្លូវចិត្តក៏មានល្អដូចគ្នាដែរ។ នេះជាកត្តាសំខាន់ ក្នុងការរស់នៅរបស់យើង ត្រូវចេះថែរក្សាសុខភាពល្អទាំងពីរ។

អត្ថបទស្រាវជ្រាវដោយ៖ ទ្រ សុភាព