មានពាក្យមួយពោលថា អារម្មណ៍ពេលព្រឹករបស់អ្នកកំណត់វាសនានៃក្តីសុខរបស់អ្នក។ បើតាមខ្សែចិនវិញជាអ្នករកស៊ី គេហាមណាស់គឺហាមខឹង និងអារម្មណ៍អត់ល្អទាំងឡាយ ព្រោះវាកាត់ហេងក្នុងការរកស៊ីពេញមួយថ្ងៃអាចលក់ដូរមិនសូវដាច់ជាដើម។ ដូច្នេះហើយ! ចូរអ្នកប្រើជីវិតនេះឱ្យរីករាយ តាមវិធីគិតទាំង ៣នេះ៖
១. ចូរគិតថា ខ្លួនអ្នកអស្ចារ្យ៖ តាមព្រះពុទ្ធបានសម្តែងថា “រាល់ព្រឹកអ្នកតែងកើតមកជាថ្មីម្តងទៀតជានិច្ច។ អ្វីដែលអ្នកធ្វើថ្ងៃនេះជាអ្វីដែលសំខាន់បំផុត។ ហើយសត្រូវធំបំផុតរបស់អ្នកគឺការគិតរបស់អ្នក។ ចូរអ្នកបង្ហាត់ការគិតឱ្យបានល្អ ជីវិតរបស់អ្នកអាចមើលឃើញរឿងល្អៗ លោកនេះ”។ មានសំណួរមួយបានដាស់អារម្មណ៍អ្នកបន្តិចថា តើអ្នកដឹងថា ក្នុងមួយយប់មានមនុស្សមិនតិចទេមិនអាចឃើញពន្លឺព្រះអាទិត្យម្តងទៀត តែអ្នកបានភ្ញាកក់ឃើញពន្លឺព្រះអាទិត្យ ជួបជុំគ្រួសារមានក្តីសុខ។ អ្នកឃើញទេ! ជីវិតរបស់អ្នកគឺអស្ចារ្យណាស់។
២. អ្នកជាម្ចាស់លើអារម្មណ៍៖ មានមនុស្សច្រើនណាស់ តែងមានអារម្មណ៍ថា ខ្លួនមិនសប្បាយចិត្តសោះពេលព្រឹកនេះ។ នេះជាការបញ្ជាក់ថា គេជាទាសកររបស់អ្នកអារម្មណ៍ហើយ។ អ្នកត្រូវចាំថា កុំរងចាំមានអារម្មណ៍ល្អ អ្នកត្រូវតែបង្កើតអារម្មណ៍ល្អឱ្យកើតឡើងតាមរយៈ ការគិតវិជ្ជមានដើម្បីស្រូបរឿងល្អៗ ការអានសៀវភៅពេលព្រឹកដើម្បីប្តូរគំនិតមិនល្អមកជាគំនិតល្អអារម្មណ៍រីករាយ និងធ្វើសមាធិដើម្បីអារម្មណ៍មានលំនឹង ឬលុបបំបាត់បញ្ហាពេលព្រឹក ហើយអ្នកនឹងធ្វើជាម្ចាស់លើវាបានជាមិនខានឡើយ។ សរុបមកគឺថា ចូរអ្នកធ្វើការប្តូរអារម្មណ៍ដោយខ្លួនឯង កុំដេករងចាំអារម្មណ៍ល្អកើតឡើង ទើបជីវិតរបស់អ្នកមានក្តីសុខ។
៣. អ្នកត្រូវគិតថា ថ្ងៃថ្មី៖ តាមសារព័ត៌មាន Entrepreneur បានចុះផ្សាយថា “ពេលអ្នកភ្ញាក់ពីគេង អ្នកត្រូវស្រមៃគិតថា ថ្ងៃនេះជាថ្ងៃថ្មី ឱ្យរឿងអាក្រក់ៗ វាធ្វើដំណើរទៅតាមអតីតកាលទៅចុះ។ ហើយជារៀងរាល់ព្រឹក ជាការចាប់ផ្តើមជីវិតថ្មី ជាឱកាសល្អ ដើម្បីឆ្ពោះទៅមុខ ហើយជីវិតរបស់អ្នកដែលផ្តល់ដោយឪពុកម្តាយជាជីវិតដែលមានតម្លៃណាស់... ពាក្យទាំងនេះធ្វើឱ្យមានអារម្មណ៍របស់អ្នកមានក្តីសុខ។ អ្នកចាំថា គិតល្អ អារម្មណ៍ល្អ។
ឥឡូវនេះ! សាកអ្នកស្រមៃពាក្យលើកទឹកចិត្តល្អៗ ត្រឹមតែ ៣ ទៅ៥នាទី ហើយចាំក្រោកពីគ្រែរបស់អ្នក។ អ្នកនឹងដឹងថា ការគិតថា ថ្ងៃជាថ្ងៃថ្មីឱ្យជីវិតចាប់ផ្តើមបន្ត វាធ្វើឱ្យចិត្តរបស់អ្នករីករាយកុំធុញនឹងកិច្ចការជាប្រចាំថ្ងៃ។ តាមលោកវេជ្ជបណ្ឌិត Kien Vuu ជាអ្នកឯកទេសខាងអាយុវែងបាននិយាយថាគ្រាន់តែខ្ញុំសមាធិហើយចេះដឹងគុណអ្វីៗ ចូលមកក្នុងជីវិតរបស់ខ្ញុំមិនរឿងល្អឬបញ្ហានោះទេ ខ្ញុំតែងតែមានក្តីអំណររីករាយជាមួយនឹងវាជានិច្ចហើយបេះដូងរបស់ខ្ញុំចេះមានថាមពលចេញពីខាងក្នុងរហូត”។ អរគុណទំព័រថ្មីនៃជីវិតដ៏រីករាយពេលព្រឹកថ្ងៃនេះ សូមអ្នកមានក្តីសុខ មានសំណាងល្អ រកស៊ីមានបានមានលុយច្រើនៗ ៕ អត្ថបទដោយ៖ ទ្រ សុភាព
សៀវភៅ លំហូរចិត្ត ១ក្បាលជាទីប្រឹក្សាផ្លូវចិត្តល្អបំផុត អ្នកចង់ទិញតាមនេះ👉 https://t.me/BusinessCambodiaBook