១. យោងតាមគេហទំព័រ healthline.com បានបញ្ជាក់ថា ក្រូចជួយបន្ថយហានិភ័យនៃការកើតជំងឺមហារីក។ លទ្ធផលនៃការសិក្សា​ (លើសត្វកណ្ដុរ) បានរកឃើញថា សារធាតុ beta-cryptoxanthin និង hesperindin ដែលមាននៅក្នុងក្រូចឆ្មារ មានសមត្ថភាពប្រយុទ្ធប្រឆាំងនឹងជំងឺមហារីកអណ្ដាត ជំងឺមហារីកសួត និងជំងឺមហារីកពោះវៀនផងដែរ ។ ស្របពេលជាមួយគ្នានេះ អ្នកសិក្សាស្រាវជ្រាវជឿជាក់ថា បន្លែ និងផ្លែឈើ រួមទាំងក្រូចឆ្មារ ពិតជាអាចជួយកាត់បន្ថយហានិភ័យក្នុងការកើតជំងឺមហារីកបាន។

២. ការហូបផ្លែប៊ឺរីជាប្រចាំជួយការពារអ្នកពីជំងឺច្រើន ជាពិសេសជំងឺមហារីក។ ព្រោះវាមានជាតិវីតាមីន C មានសមត្ថភាពកាត់បន្ថយហានិភ័យជំងឺមហារីកឱ្យថយចុះ។ ផ្លែប៊ឺរីសម្បូរទៅដោយសារធាតុប្រឆាំងអុកស៊ីតកម្ម និងសមាសធាតុប្រឆាំងនឹងការរលាកដូចជា flavonoids និង anthocyanins ដើម្បីធ្វើការប្រឆាំងនឹងការខូចខាតកោសិកាដើម្បីធ្វើការរារាំងការផលិតសមាសធាតុរលាកជាហេតុការពារជំងឺមហារីកមានប្រសិទ្ធភាពបំផុត។

៣. ការញ៉ាំផ្លែប៉ោមជាប្រចាំថ្ងៃ ឱ្យធ្វើអ្នករស់នៅបានយូរ និងជួយកម្ចាត់ជាតិស្ករក្នុងសរសៃឈាមបានល្អ។ ការញ៉ាំផ្លែប៉ោម ហើយអ្នកបន្ថែមលំហាត់ប្រាណជាប្រចាំថ្ងៃនោះ ជួយកាត់បន្ថយសម្ពាធឈាម កាត់បន្ថយហានិភ័យនៃជំងឺដាច់សរសៃឈាមខួរក្បាល និងការពារការខូចខាតកោសិកាពីរ៉ាឌីកាល់សេរី។ ហើយវានេះជួយបន្ថែមទៀតដល់សុខភាពបេះដូង និងអាចការពារប្រឆាំងនឹងជំងឺមហារីកដទៃផ្សេងទៀតផងដែរ។

៤. ផ្កាខាត់ណា មានផ្ទុកសារធាតុសំខាន់ៗដូចជា វីតាមីនច្រើនប្រភេទ ជាតិរ៉ែ សារធាតុប្រឆាំងអ៊ុកស៊ីតកម្ម និងជាប្រភេទអាហារសរសៃដ៏ល្អសម្រាប់បេះដូង ខួរក្បាល ប្រព័ន្ធការពាររាងកាយ និងសុខភាពពោះវៀន។ បើយោងតាម Eatthis.com ចុះផ្សាយថា ញ៉ាំផ្កាខាត់ណាជួយបន្ថយហានិភ័យក្នុងការកើតជំងឺមហារីក។ សូម្បីអ្នកជំនាញជាច្រើនទៀតច្រើនក៏បានអះអាងបន្ថែមដែរថា ការញ៉ាំផ្កាខាត់ណាអាចជួយបន្ថយហានិភ័យក្នុងការកើតជំងឺមហារីកក្រពេញប្រូស្តាត ជំងឺមហារីកសួត និងជំងឺមហារីកសុដន់ផងដែរ៕ អត្ថបទដោយ៖ ទ្រ សុភាព