១. សូកូឡាអាចជំនួយដល់មុខងាសុខភាពខួរក្បាល​៖ ពេលអ្នកអាយុកាន់តែច្រើន​ សមត្ថភាព​​ការគិតរបស់អ្នកកាន់តែចុះខ្សោយតាមហ្នឹងដែរ។ បើយោងតាមការស្រាវជ្រាវពី Federation of American Society for Experiment Biology បានបញ្ជាក់ប្រាប់ដែរថា ​សូកូឡា​មានសារធាតុសំខាន់មួយ flavonoids​ ជាសារធាតុប្រឆាំងនឹងអុកស៊ីតកម្ម ប្រឆាំងការ​រលាក​សរសៃ ហើយជាពិសសេជួយពង្រឹងមុខងារបស់ខួរក្បាលគិតបានល្អ កុំឱ្យឆាប់ភ្លេចផងដែរ។ សូម្បីតែលោកវេជ្ជបណ្ឌិត Joy Dubost ​ជា​អ្នកនាំ​ពាក្យផ្នែកអាហារូបត្ថម្ភ និងជាម្ចាស់ក្រុមហ៊ុន Dubost Food & Nutrition Solutions ក៏បានបញ្ជាក់ដែរថា ​សូកូឡា​ពិត​ជាជួយ​​រំញោច​ដល់សរសៃ​ប្រសាទ​នៅក្នុងតំបន់​ខួរ​ក្បាល​ដើម្បីឱ្យមាន​ភាពសប្បាយ​រីករាយ កាត់អារម្មណ៍តានតឹង និងកាត់ស្រ្តេសផងដែរ។

២. បង្កើនសុខភាពបេះដូង៖ ការញ៉ាំសូកូឡាជួយកាត់បន្ថយសម្ពាធឈាម ឱ្យចរាចរឈាមហូរទៅកាន់បេះដូងបានស្រួល។ តាមការសិក្សាថ្មីមួយពីក្រុមអ្នកស្រាវជ្រាវនៅសាកលវិទ្យាល័យ Harvard រួមគ្នាជាមួយស្រាវជ្រាវដាណឺម៉ាក បានបង្ហាញថា អ្នកសូកូឡាពិតជាជួយការពារជំងឺបេះដូងមែន។ នៅអាមេរិកមានចំនួន ៣ទៅ៦លាននាក់មានហានិភ័យជំងឺបេះដូង ដាច់សរសៃឈាមខួរក្បាល និងមានការស្លាប់ផងដែរ។ តាមការសិក្សាដែលពាក់ព័ន្ធនឹងបុរសនិងស្ត្រីជាង ៥៥.០០០នាក់ដែលពិនិត្យសុខភាពអស់រយៈពេល ១៣ឆ្នាំហើយបង្ហាញលទ្ធផលប្រៀបធៀបទៅនឹងអ្នកញ៉ាំសូកូឡាតិចជាងម្តងក្នុងមួយខែ និងអ្នកញ៉ាំសូកូឡាចាប់ពីរទៅប្រាំមួយដងក្នុងមួយសប្តាហ៍ ហើយបានរកឃើញថា មួយសប្តាហ៍ញ៉ាំសូកូឡាពីរទៅប្រាំមួយដង មានអត្រាបញ្ហាបេះដូងថយចុះទាបជាង ២០%ឯណោះ។ ព្រោះសូកូឡាមានផ្ទុកសារធាតុ polyphenols ប្រឆាំងអុកស៊ីតកម្មជួយបង្កើនលំហូរឈាមបេះដូងទៅកាន់ខួរក្បាលឱ្យមានដំណើរការបានស្រួលផងដែរ។

៣. ញ៉ាំសូកូឡាកាត់ខ្លាញ់អាក្រក់៖ អ្នកញ៉ាំសូកូឡាខ្មៅជួយកាត់ខ្លាញ់អាក្រក់ជាកត្តាហានិភ័យដល់បេះដូង និងជំងឺធាត់។ ព្រោះសូកូឡាខ្មៅបន្ថែមជាមួយនឹងសារធាតុ flavanol lycopene ត្រូវបានគេរកឃើញថាមានសមត្ថភាពអាចកាត់បន្ថយកម្រិតកូឡេស្តេរ៉ុលសរុប LDL (ខ្លាញ់អាក្រក់)។ សូកូឡាកាត់បន្ថយទម្រង់អុកស៊ីតកម្មនៃ LDL វាមានផ្ទុកនូវសារធាតុប្រឆាំងអុកស៊ីតកម្មដ៏មានឥទ្ធិពលជាច្រើនដែលធ្វើឱ្យវាចូលទៅក្នុងចរន្តឈាម និងការពារ lipoproteins ប្រឆាំងនឹងការខូចខាតអុកស៊ីតកម្ម។ ហើយសារជាតិ flavanols នៅក្នុងសូកូឡាខ្មៅក៏អាចកាត់បន្ថយភាពធន់នឹងអាំងស៊ុយលីនជាកត្តាហានិភ័យមួយសម្រាប់ជំងឺបេះដូង និងជំងឺទឹកនោមផ្អែមផងដែរ។

៤. ញ៉ាំសូកូឡាបំបែកកោសិកាមហារីក៖ សូកូឡាខ្មៅសម្បូរទៅដោយសារធាតុប្រឆាំងអុកស៊ីតកម្ម សារជាតិ flavonoids និងម៉ាញ៉េស្យូមដែលអាចជួយការពារការខូចខាតកោសិកាដែលបណ្តាលមកពីរ៉ាឌីកាល់សេរី ដែលនាំឱ្យកើតជំងឺមហារីក។ តាមការស្រាវជ្រាវរបស់សាកលវិទ្យាល័យ Pondicherry ប្រទេសឥណ្ឌាក៏បង្ហាញផងដែរថា សូកូឡាខ្មៅមានលក្ខណៈសម្បត្តិជួយការពារកោសិកាពីការខូចខាតដែលបណ្តាលមកពីរ៉ាឌីកាល់សេរី ប្រឆាំងនឹងប្រភេទមហារីកមួយចំនួនដូចជា មហារីកពោះវៀនធំ ក្រពេញប្រូស្តាត សុដន់ សួត តម្រង់នោមជាដើម។ លើសពីនេះទៀតប្រសិនបើយើងបរិភោគកូឡា ១០ក្រាម ក្នុង១ថ្ងៃ អាចជួយកាត់បន្ថយហានិភ័យនៃជំងឺសរសៃឈាមបេះដូង និងហានិភ័យនៃជំងឺដាច់សរសៃឈាមខួរក្បាលជាពិសេសទៅទៀតគឺជួយឱ្យអ្នកចៀសឆ្ងាយពីជំងឺមហារីកជាច្រើនផ្សេងទៀតផង៕ អត្ថបទដោយ៖ ទ្រ សុភាព

បើសិនលោកអ្នកត្រូវការ ម្ស៉ៅសូកូឡា និង Chocolate Sauce ជាពិសេសសម្រាប់ហាងកាហ្វេអាចទាក់ទងទៅកានក្រុមហ៊ុន​ ខូហ្វីបាន www.kofi.com.kh ឬ ៖ 077 777 970 / 069 666 999