ឈាមរបស់មនុស្សទូទាំងពិភពលោកត្រូវបានគេបែងចែក៨ក្រុមផ្សេងៗគ្នាមានដូចជា A+, A-, B+, B-, O+, O-, AB+ or AB- ដោយប្រភេទឈាមទាំងនេះទទួលបានមកពី តំណហ្សែន តមកពីឪពុកម្តាយ។ ជាទូទៅនៅក្នុងខ្លួនរបស់មនុស្សពេញវ័យ មានឈាមប្រហែលជាចន្លោះពី ៤ទៅ៦លីត្រ ហើយក្នុងចំណោមឈាមទាំង៨ប្រភេទខាងលើមានឈាមប្រភេទខ្លះរឹងមាំ ប្រភេទខ្លះទន់ខ្សោយងាយប្រឈមជាមួយជំងឺផ្សេងៗ។

ជាការពិតណាស់ យោងតាមការឱ្យដឹងពីគេហទំព័រ nm.org បានបញ្ជាក់ឱ្យដឹងថា ក្នុងចំណោមប្រភេទឈាមទាំងអស់ មនុស្សដែលឈាមប្រភេទ A គ្រោះថ្នាក់ជាងគេ។ ពីព្រោះឈាមប្រភេទ​ A ជាប្រភេទឈាមដែលទន់ខ្សោយ​ ងាយទទួលរងនូវការងាយលុកពីមេរោគ បាក់តេរីផ្សេងៗដែលបង្កទៅជាជំងឺ។ ជាពិសេសទៅទៀតនោះអ្នកមានឈាមប្រភេទ A នេះត្រូវបានគេរកឃើញថា ប្រឈមមុខជាខ្ពស់មួយជំងឺបេះដូង មហារីក្រពះ ជំងឺថប់អារម្មណ៍ ងាយបាក់ទឹកចិត្ត និងមានភាពតានតឹន។

អ្នកដែលមានឈាមប្រភេទ A គឺទាមទាការយកចិត្តទុកដាក់ខ្លាំងទៅលើការថែទាំសុខភាព ទាំងរបៀបក្នុងការរស់នៅ របបអាហារ និងការត្រួតពិនិត្យសុខភាពឱ្យបានជាប់ជាប្រចាំ ពុំនោះទេអាចប្រឈមទៅនឹងការកើតជំងឺផ្សេងៗដោយមិនដឹងខ្លួន។

ម្យ៉ាងវិញទៀត បើការណែនាំពី healthline បានបញ្ជាក់ច្បាស់ៗថា អ្នកមានឈាមប្រភេទ​ A ត្រូវប្រយ័ត្នទៅលើរបបអាហារ ហើយគួរជ្រើសញ៉ាំអាហារជំនួយឈាមដូចជា ប្រុតេអ៊ីន សណ្តែកសៀង គ្រាប់ធញ្ញជាតិ ប្រេងអូលីវ ផ្លែឈើចម្រុះ បន្លែបៃតង ត្រី។ អាហារចៀសវាង គឺគួរចៀសវាងញ៉ាំសាច់គោ សាច់ជ្រូក ប្រភេទសាច់ក្រហម...សាច់ទាំងនេះគួរកាត់បន្ថយឱ្យនៅតិចបំផុត ហើយចៀសវាងញ៉ាំដំឡូងជ្វា ស្ពៃក្តោប ពងទា ប៉េងប៉ោះ ម្ទេស និងផ្សិត... ពពួកអាហារប្រភេទម្សៅ កាបូអ៊ីដ្រាតចម្រាញ់ អាហារលើសជាតិខ្លាញ់ លើសជាតិផ្អែម និងប្រៃខ្លាំង កុំញ៉ាំឱ្យសោះ។

មួយវិញទៀត ត្រូវព្យាយាមហាត់ប្រាណឱ្យបានទៀងទាត់ ក្នុង១ថ្ងៃយ៉ាងហោចណាស់ត្រូវហាត់ឱ្យបាន៣០នាទី ដើម្បីឱ្យរាងកាយរឹងមាំ ឈ្នះជំងឺ ចរន្តឈាមរត់ស្រួល ហើយក៏ជួយពង្រឹងឱ្យឈាមមានសុខភាពល្អ មិនកកស្ទះ និងយកឈ្នះជំងឺផ្សេងៗផងដែរ៕

អត្ថបទដោយ៖ មឿន គន្ធា