នៅប្រទេសខ្មែរយើងមានអ្នកកើតបញ្ហាទឹកនោមផ្អែមរាងកើនឡើងបន្តិច ព្រោះតែពួកគាត់និយមភេសជ្ជៈផ្អែមៗ និងអាហាររាងផ្អែម និងប្រៃនេះឯង។ មិនត្រឹមតែប៉ុណ្ណោះទេ ពួកគាត់ខ្វះលំហាត់ប្រាណ ខ្វះការគេង និងផឹកស្រាជាដើម។ ដើម្បីទប់ជំងឺទឹកនោមផ្អែម អ្នកគួរតែហូបអាហារ ២នេះ ដើម្បីស្រូបជាតិស្ករចេញរាងកាយ។
ខ្ញុំនិយាយពីតែបៃតជាភេសជ្ជៈល្អបំផុតជួយការពារជំងឺទឹកនោមផ្អែម។ ការផឹកតែបៃតង ជួយសុខភាពរបស់អ្នកកុំដាក់ជាតិស្ករច្រើនលើសកម្រិតពេកយ៉ាងច្រើន៥០% ហើយបន្តកាត់នៅសល់ស្ករ២០%និង១០% ឬដាក់ស្ករពោតក៏បានដែរ។ គុណភាពក្នុងការផឹកតៃបៃតងគឺតៃបៃតងក្តៅ កុំដាក់ទឹកកក។ បើយោងតាមការចុះផ្សាយរបស់គេហទំព័រ Healthline.com បានលើកឡើងថា នៅក្នុងសារធាតុតែបៃតងមានដូចជា EGCG ( epigallocatechin-3-gallate ) អាចជួយព្យាបាលរោគមួយចំនួនដូចជាប្រឆាំងនឹងការរលាកក្នុង ប្រឆាំងការរួមត្បៀតនៃសរសៃឈាម និងស្របជាតិស្ករចេញពីរាងកាយបញ្ចេញតាមតម្រោងនោម។ ការញ៉ាំតែបៃតងចន្លោះពីបួនកែវ ឬច្រើនជាងនេះអាចជួយកាត់បន្ថយផលវិបាកដែលបង្កដោយជំងឺទឹកនោមផ្អែមប្រភេទទីពីរបានយ៉ាងមានប្រសិទ្ធភាព។
សម្រាប់អាហារទីពីរវិញនោះគឺគ្រាប់សណ្តែកសៀង។ យោងតាមប្រភព eatthis.com បានចុះផ្សាយថា គ្រាប់សណ្តែកសៀងមានជាតិអាស៊ីតខ្លាញ់អូមេហ្គា ៣ និងអូមេហ្គា ៦ ក៏ដូចជាសាធាតុ phyto-antioxidants ដែលមាននៅក្នុងសណ្តែកសៀងដែលអាចការពារសរសៃឈាមរបស់អ្នកពីបញ្ហាដំបៅ និងជំងឺឬសដូងបាតបានយ៉ាងមានប្រសិទ្ធភាព។ ហើយសមាសធាតុខាងលើនេះធ្វើឲ្យសរសៃមានដំណើរការបានល្អ និងជួយកាត់បន្ថយការលើសសម្ពាធឈាម កម្ចាត់កូលេស្ដេរ៉ុលអាក្រក់ និងទប់កម្រិតជាតិស្ករកុំឱ្យលើសក្នុងឈាមផងដែរ។ ហើយសណ្តែកសៀងនេះជាអាហារដ៏ល្អក្នុងការបំពេញសេចក្តីត្រូវការផ្នែកប្រូតេអ៊ីនរបស់សរីរាង្គកាយមានតុល្យភាពផងដែរ៕ អត្ថបទដោយ៖ ទ្រ សុភាព