មិនមែនមានតែស្រាទេដែលប៉ះពាល់ដល់សុខភាពរបស់ថ្លើម និងខួរក្បាល របស់អ្នក អាហារផ្សេងក៏ងាយនឹងធ្វើឱ្យងាយសរីរាង្គនេះខូចដូចគ្នា។ ដូច្នេះទោះបីអ្នកជាមនុស្សមានទម្លាប់មិនដែលផឹកស្រាក៏ដោយកុំទាន់ណាលអរ  ឱ្យតែអ្នកមានទម្លាប់ញុំាអាហារ៣មុខនេះងាយគឺប្រឈមដូចគ្នា។

១.គ្រឿងកំប៉ុង៖ ភេសជ្ជៈប្រភេទគ្រឿងកំប៉ុងប៉ូវកម្លាំង ភ្លាមៗគឺមិនល្អសម្រាប់សុខភាពរបស់អ្នកទេ។ ព្រោះថាភេសជ្ជៈទាំងនោះគឺមានជាតិស្ករច្រើនណាស់ ហើយសារជាតិស្ករមាននៅក្នុងភេសជ្ជៈទាំងនេះ នឹងចូលទៅបំផ្លាញកោសិកាថ្លើមផងដែរ ដោយបង្កឱ្យកើតមានខ្លាញ់រុំថ្លើម រលាកកោសិកាថ្លើមម្តងបន្តិចៗ។ ជាទូទៅភេសជ្ជៈប៉ូវកម្លាំង អាចមានជាតិស្ករខ្ពស់ប្រហែល ២៧ទៅ២៨ ក្រាមក្នុងមួយកំប៉ុង ដូច្នេះបើបងប្អូនចង់ផឹកសូមជ្រើសរើសភេសជ្ជៈណាមានជាតិស្ករទាប។

២.ជក់បារី៖ ការជក់បារប៉ះពាល់សុខភាពរបស់អ្នកខ្លាំងណាស់។ មិនត្រឹមតែប៉ះពាល់ដល់សួតនោះទេ តែបារីគឺអាចប៉ះពាល់ដល់រាងកាយរបស់អ្នកជាច្រើនទៀតនេះបើយោង តាមក្រុមអ្នកស្រាវជ្រាវដែលដឹកនាំដោយវេជ្ជបណ្ឌិត Debapriya Ghosh និងវេជ្ជបណ្ឌិត Anirban Basu មកពីមជ្ឈមណ្ឌលស្រាវជ្រាវខួរក្បាលជាតិឥណ្ឌា (NBRC) បានរកឃើញថា សារធាតុផ្សំនៅក្នុងថ្នាំជក់បារី ធ្វើឱ្យកោសិកាឈាមសនៅក្នុងប្រព័ន្ធសរសៃប្រសាទកណ្តាលវាយប្រហារកោសិកាដែលមានសុខភាពល្អ ដែលនាំឱ្យខូចសរសៃប្រសាទធ្ងន់ធ្ងរ។” ពេលសារធាតុគីមីបញ្ចូលតាមសរសៃឈាមដល់ប្រព័ន្ធប្រសាទខួរក្បាល នាំឱ្យអ្នកប្រឹងគិត ឬប៉ះត្រង់ចំណុចណាផុយស្រួលណាមួយ នាំឱ្យដាច់ដំណសរសៃឈាមចេញពីគ្នា ហើយអ្នកនឹងកើតជំងឺវង្វេងស្មារតី និងសតិអារម្មណ៍មិននឹងនថែមទៀត។

៣.ការរស់នៅប្រចាំថ្ងៃ៖ គឺពិតជាសំខាន់ខ្លាំងណាស់ សម្រាប់សុខភាពរបស់អ្នក ព្រោះថាប្រសិនណាអ្នកមិនបានប្រយ័ត្នឱ្យបានត្រឹមត្រូវអ្នកអាចឆ្លងមេរោគថ្លើម ហើយកើតជំងឺថ្លើមទាំងមិនដឹងខ្លួន មានដូចជា​៖ -កត្តាទី២គឺការមុតរលាត់ ការចាក់ថ្នាំរួមគ្នា ការបញ្ចូលឈាម ប្រើប្រាស់ច្រាសដុសធ្មេញរួមគ្នា ការធ្វើក្រចករួមគ្នា។

-កត្តារួមភេទក៏អាចធ្វើឱ្យអ្នកប្រឈមឆ្លងមេរោគថ្លើមប្រភេតបេដូចគ្នា។

ជាចុងក្រោយមិនមែនអ្នកខូចថ្លើម ប៉ះពាល់ខួរក្បាលដោយសារតែស្រា តែម្យ៉ាងនោះទេ តែអាចមកពីកត្តាសំខាន់ៗខាងលើនេះ ។ ដូច្នេះអ្នកត្រូវតែប្រយ័ត្ន និងការពារខ្លួនរបស់អ្នកឱ្យបានត្រឹមត្រូវ ដើម្បីចៀសវាងកើតជំងឺថ្លើមទាំងមិនដឹងខ្លួន៕