មន្ទីរពេទ្យផាយ៉ាថៃត្រូវបានគេស្គាល់ថាជាមន្ទីរពេទ្យអន្តរជាតិមួយនៅប្រទេសថៃដែលបានវិវត្តន៍ខ្លួនរហូតដល់ទៅ៤សាខាដើម្បីបំពេញតម្រូវការអ្នកជំងឺ។ មន្ទីរពេទ្យផាយ៉ាថៃមានទស្សនៈប្រចាំស្ថាប័នមួយគឺ “ការបង្កើតពិភពមួយដែលមនុស្សអាចគ្រប់គ្រងសុខុមាលភាពផ្ទាល់ខ្លួនបាន”។ ចង់ដឹងថាតើមន្ទីរពេទ្យនេះអាចអនុវត្តទស្សនៈមួយនេះបានរបៀបណា ខាងក្រោមនេះគឺជាចម្លើយ។
មន្ទីរពេទ្យមួយនេះមានវេបសាយវេជ្ជសាស្រ្តរបស់ខ្លួនដែលមានបញ្ចូលនូវទិន្នន័យជាច្រើនដែលអាចអនុញ្ញាតិឱ្យអ្នកជំងឺក៏ដូចជាសាធារណៈជនចូលមើលបានដូចជា៖
-សេវាកម្មព្យាបាល នៅលើវេបសាយមានបង្ហាញពីសេវាកម្មទាំងអស់ដែលនៅក្នុងមន្ទីរពេទ្យ រាប់ចាប់ពី ពេទ្យធ្មេញ ពេទ្យស្រី្ត ពេទ្យបេះដូង ពេទ្យវះកាត់ និងមានជាច្រើនផ្នែកទៀត ហើយថែមទាំងមានបញ្ជាក់ពីសេវាកម្មនិងលេខទំនាក់ទំនងដែលដាក់ឱ្យអ្នកជំងឺងាយស្រួលក្នុងការទាក់ទងទៀតផង។
-តម្លៃសេវាកម្ម នៅក្នុងវេបសាយមន្ទីរពេទ្យមួយនេះមានរួមនូវតម្លៃសំខាន់ៗ៣គឺ តម្លៃជាកញ្ចប់និងប្រម៉ូសិន តម្លៃបន្ទប់ស្នាក់ និងតម្លៃធានារ៉ាប់រង។ សម្រាប់តម្លៃជាកញ្ចប់ប្រម៉ូសិននិងបន្ទប់ស្នាក់ វេបសាយមន្ទីរពេទ្យនេះមានរូបបង្ហាញនិងទិន្នន័យលំអិតជាច្រើនដែលមានតារាងតម្លៃឱ្យយើងជ្រើសរើសបានស្រាប់ ចំណែកឯតម្លៃធានារ៉ាប់រងវិញមានបង្ហាញពីតិចនិចនិងឯកសារពាក់ព័ន្ធដែលមន្ទីរពេទ្យត្រូវការដើម្បីឱ្យអ្នកជំងឺបានដឹងមុនទៀតផង។
-សេវាកម្មអ្នកជំងឺ នៅក្នុងផ្នែកនេះមានបង្ហាញពីសេវាកម្មសម្រាប់អ្នកជំងឺអន្តរជាតិមន្ទីរពេទ្យមួយនេះមានអ្នកបកប្រែជាច្រើនភាសាសម្រាប់ប្រតិបត្តិការការព្យាបាលដែលអ្នកជំងឺអាចចូលមើលបានថាមានភាសាខ្លួនឬទេ ហើយលើសពីនេះក៏មានបង្ហាញនូវទីតាំងស្នាក់នៅដែលនៅជិតមន្ទីរពេទ្យសម្រាប់សាច់ញាតិអ្នកជំងឺស្នាក់អាស្រ័យផងដែរ ហើយលើវេបសាយនេះក៏មានពីការចែករំលែកបទពិសោធន៍ពីអ្នកជំងឺមុនៗដែលបានព្យាបាលជាសះស្បើយទុកឱ្យអ្នកជំងឺចូលមើលមុនសម្រេចចិត្តព្យាបាលបានទៀតផង។
-អត្ថបទសុខភាពនិងរបកគំហើញថ្មី នៅក្នុងនោះក៏មានព័ត៌មានផ្សេងៗដែលជាជំនួយដល់ការមើលថែទាំសុខភាពដូចជាអត្ថបទសុខភាព អត្ថបទជំងឺនិងរបៀបរក្សា ហើយក៏មានបង្ហាញពីបច្ចេកវិទ្យាថ្មីៗដែលមានបម្រើការនៅក្នុងមន្ទីរពេទ្យដែលបង្ហាញពីភាពជឿនលឿននៃវិស័យមួយនេះទៅកាន់អ្នកជំងឺនិងសាធារណៈជន។
-ក្រុមគ្រូពេទ្យ នៅក្នុងវេបសាយនេះអនុញ្ញាតឱ្យយើងអាចមើលពីប្រវត្តិរបស់គ្រូពេទ្យនៅតាមជំនាញឯកទេសនីមួយៗថាតើគួរឱ្យទុក្ខចិត្តបានឬអត់ ដូចនេះអ្នកជំងមិនចាំបាច់បារម្ភពីការដែលមិនដឹងថាតើគ្រូពេទ្យមកពីណានោះទេ។
នៅមានផ្នែកតូចៗជាច្រើនទៀតដែលមានដាក់លើវេបសាយសម្រាប់សម្រួលការងាយស្រួលជូនអ្នកជំងឺ តាមរយៈវេបសាយមន្ទីរពេទ្យខាងលើយើងអាចមើលឃើញថាអ្នកជំងឺពិតជាអាចគ្រប់គ្រងនូវប្រព័ន្ធសុខុមាលភាពរបស់ខ្លួនបានពិតប្រាកដមែន ទោះមិនបាន១០០ភាគរយតែយើងក៏មានសិទ្ធិក្នុងការជ្រើសរើសបានច្រើនជម្រើស៕
អត្ថបទស្រាវជ្រាវដោយ៖អឿ ស្រីហួយ
