ហើយលោកបានបន្តថា មនុស្សចម្លែកនៅត្រង់ថា គិតថាខ្លួនឯងគ្មានប្រាក់ដើម្បីបង្កើតក្តីស្រមៃជារកស៊ីទេ។ គួរឱ្យស្តាយណាស់នៅត្រង់ថា ពួកគេចង់ធ្វើរឿងហ្នឹង បែបជាទៅធ្វើរឿងផ្សេងទៅវិញ។ ហើយមនុស្សតែងរអ៊ូថាគ្មានពេលគ្មានប្រាក់ដើម្បីចាប់ផ្តើមបង្កើតក្តីស្រមៃជាខ្លួនឯង ទន្ទឹមគ្នានេះ ពួកគេបែរជាយកពេលវេលានិងប្រាក់ជាច្រើនទៅចោលជាមួយនឹងការសប្បាយផឹកស៊ីទៅស្រាទៅវិញ។

និយាយឱ្យស្រួលស្តាប់គឺថា ពួកគេសុខចិត្តចាយលុយលើស្រាមួយកែវដែលមានតម្លៃថ្លៃលើសពីសៀវភៅមួយក្បាលទៅទៀត។ សួរថាតើអ្វីជួយផ្លាស់ប្តូរជីវិតពួកគេឱ្យក្តីស្រមៃក្លាយជាការពិត បើពួកគេវិនិយោគខុសកន្លែង ហើយផ្តល់ប្រាក់ដើមទុនលើរឿងខុសបែបនេះ។ វាធ្វើឱ្យការខំប្រឹងប្រែងរបស់គេធ្វើការយ៉ាងធ្ងន់ ដែលទីបំផុតបានត្រឹមតែខកបំណងតែប៉ុណ្ណោះ។

ដូចនេះហើយ! អ្នកគួរចាយពេលវេលារីករាយនឹងជីវិតខ្លួនឯង គួរចំណាយពេលគ្រប់វិនាទីឱ្យមានតម្លៃក្នុងការងារ។ ពេលអ្នកធ្វើរឿងត្រឹមត្រូវទោះបីវាចាយពេលរាងយូរមែន វាលំបាកបន្តិចមែន តែអ្នកកាន់តែមានថាមពល កាន់មានការតស៊ូខ្លាំងឡើងព្រោះអ្នកមានអារម្មណ៍ថាខ្លួនកាន់ខិតចូលគោលដៅហើយ។ បើអ្នកមិនពេញចិត្តក្នុងការដោះដូរការសប្បាយមួយគ្រាៗចេញទេ វានឹងជះឥទ្ធិពលចំពោះអនាគតរបស់អ្នកខ្លាំងបំផុតគឺបានត្រឹមតែក្តីស្រមៃដែលគ្មានតម្លៃអ្វីសោះ៕ អត្ថបទដោយ៖ ទ្រ សុភាព