មនុស្សជាច្រើនតែងតែចង់ថែរក្សាស្បែកឱ្យស្អាត តែបែរជាមិនសូវអើពើជាមួយរបបអាហារប្រចាំថ្ងៃរបស់ពួកគេទៅវិញ។ របបអាហារដូចជាភេសជ្ជៈធម្មជាតិគឺពិតជាមានប្រយោជន៍ច្រើនណាស់សម្រាប់សុខភាពរបស់ស្បែក ដូចជា ជួយកម្ចាត់ជាតិពុលចេញពីស្បែក ធ្វើឱ្យស្បែកភ្លឺរលោង មានសំណើម ក្មេងជាងវ័យមិនងាយនឹងចាស់នោះទេ។

អាស្រ័យហេតុនេះហើយ ក្រុមការងារចាបតៃតង និងលើកយកភេសជ្ជៈ២មុខ ដែលមានប្រយោជន៍សម្រាប់ជួយស្បែករបស់លោកអ្នកឱ្យមានសុខភាពល្អ​ដែលអ្នកមិនគួររំលងមិនញុំាអស់ឡើយ អ្វីដែលពិសេសជាងនេះទៀតគឺ ប្រសិនណាបើបានផឹកពេលព្រឹកកាន់តែឆាប់បានផល បណ្ដេញជាតិពុលចេញពីរាងកាយបានច្រើន នេះបើយោងតាមរយៈគេហទំព័រ garnie។

ទី1ទឹកផ្លែទទឹម ៖ ជាការពិតណាស់ ការធ្វើទឹកផ្លែទទឹមផឹកពិតជាជួយយដល់សុខភាពស្បែកពព្រោះក្នុងផ្លែទទឹម មានសារធាតុអុកស៊ីតកម្ម lycopene ដែលផឹកទៅធ្វើឱ្យស្បែករបស់អ្នកឱ្យភ្លឺថ្លាជាងមុន ការពារការប្រែពណ៌នៃស្បែក កាត់បន្ថយសញ្ញានៃភាពចាស់របស់ស្បែក រួមទាំងល្អសម្រាប់សុខភាពរបស់សក់ដូចគ្នា។

របៀបធ្វើទឹកទទឹមផឹកពេលព្រឹក៖ អាចផ្លែទទឹម១ផ្លែ ក្រឡុកឱ្យម៉ត់ បន្ទាប់មកច្រោះយកកាកចេញ រួចជាការស្រេច។ អ្នកអាចផឹក២ដងក្នុង១សប្ដាហ៍ក៏បានតែកុំផឹករាល់ថ្ងៃ ឬកផឹកច្រើនក្នុង១ថ្ងៃ​ព្រោះផ្លែទទឹមក៏សម្បូរជាតិស្ករដូចគ្នាផឹកច្រើនមិនល្អសម្រាប់សុខភាពរបស់អ្នកទេ។

ទី២ទទឹកបន្លែផ្លែឈើបៃតង៖ ភេសជ្ជៈនេះមានប្រយោជន៍ជាច្រើនជួយដល់ស្បែក កាន់តែផឹកស្បែករបស់អ្នកមើលទៅកាន់តែភ្លឺរលោងមានសុខភាពល្អ ពេលឃើញស្បែកខ្លួនហើយច្បាស់ជាសប្បាយចិត្ត ជាពិសេសសម្រាប់បងប្អូនចូលចិត្តសម្រកគីឡូ ក៏ផឹកភេសជ្ជៈបន្លែផ្លែឈើបៃតងជួយសម្រកគីឡូ បណ្ដេញជាតិពុលចេញ សុខភាពល្អ៕

អត្ថបទដោយ៖ ធីតា