០១ថ្ងៃរាប់ថយក្រោយ នៃព្រឹត្តិការណ៍ ASEAN Para Games 12th នៅកម្ពុជា ថ្ងៃទី០២ មិថុនា ឆ្នាំ២០២៣ នេះ គឺនៅសល់តែ០១ថ្ងៃទៀតប៉ុណ្ណោះ នឹងឈានដល់ព្រឹត្តិការណ៍អាស៊ានប៉ារ៉ាហ្គេមលើកទី១២ (12th ASEAN Para Games) ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ។
នៅក្នុងនោះដែរ បើយោងតាមប្រភព ASEAN PARA GAMES 2023 បានឱ្យដឹងថា ប្រភេទកីឡាដែលនឹងត្រូវចាប់ផ្ដើមប្រកួតដំបូងគេពីថ្ងៃនេះតទៅគឺ កីឡាបាល់បោះជិះរទេះ។
នៅក្នុងការប្រកួតកីឡាបាល់បោះជិះរទេះផ្នែកបុរស ៣ទល់៣ រវាងម៉ាឡេស៊ី និងឥណ្ឌូនេស៊ី ដែលលទ្ធផលគឺ ម៉ាឡេស៊ី យកឈ្នះឥណ្ឌូនេស៊ីក្នុងពិន្ទុ ១១-៩។
ចំណែកឯការប្រកួតបាល់បោះជិះរទេះនារី រវាងក្រុមកម្ពុជា និងថៃ នៅព្រឹកថ្ងៃទី០២ ខែមិថុនានេះ នៅមជ្ឈមណ្ឌលកីឡាក្នុងសាល នៃពហុកីឡដ្ឋានជាតិមរតកតេជោ ដែលលទ្ធផលគឺ ថៃយលឈ្នះកម្ពុជាក្នុងពិន្ទុ ១០-៧។
រីឯការប្រកួតបាល់បោះលើរទេះ វិញ្ញាសាបុរស ៣ទល់៣ រវាង កម្ពុជា ជាមួយ ថៃ ក្នុងជំនួបបើកឆាក ធ្វើឡើងនៅពហុកីឡដ្ឋានជាតិមរតកតេជោ ដែលលទ្ធផលគឺ ថៃ បានយកឈ្នះ កម្ពុជា ក្នុងលទ្ធផល ១៥-៨។
គួរបញ្ជាក់ថា នៅថ្ងៃសោរ៍ ទី០៣ ខែមិថុនា ឆ្នាំ២០២៣ ដែលត្រូវនឹងថ្ងៃស្អែកនេះ ព្រឹត្តិការណ៍អាស៊ានប៉ារ៉ាហ្គេមលើកទី១២ (12th ASEAN Para Games)នឹងឈានចូលមកដល់ ដែលកម្ពុជាធ្វើជាម្ចាស់ផ្ទះក្នុងឆ្នាំ២០២៣នេះ៕
