បើអ្នកមានអារម្មណ៍ចង់សម្រកគីឡូ តែអត់ដឹងថាគួរញ៉ាំអារហារបែបណាឱ្យមានលទ្ធផលស្រកគីឡូទេ អ្នកនឹងពិបាកចិត្តមិនខានឡើយ។ ពេលអ្នកញ៉ាំខុសតែបន្តិចគីឡូឡើងហើយមកអង្គុយពិបាកចិត្តថា ខ្លួនញ៉ាំខុសទៀតហើយ ស្តាយណាស់...។ ថ្ងៃនេះ យើងមានផ្លែឈើចំនួន៣ ពេលអ្នកញ៉ាំជួយសម្រកគីឡូហើយថែសម្រ់ក្មេងជាងវ័យបន្ថែម។ តើផ្លែឈើខ្មែរទាំង៣នេះមានអ្វីខ្លះ?
១. ផ្លែល្ហុង៖ ចំពោះផ្លែល្ហុងទុំជាផ្លែឈើដែលសម្បូរទៅដោយវីតាមីន A C និងEហើយមានសារធាតុ carotenoids ដែលមានអត្ថប្រយោជន៍ក្នុងការប្រឆាំងអុកស៊ីតកម្ម ជួយកាត់បន្ថយភាពចាស់ជ្រីវជ្រួញតាមវ័យ។ ហើយផ្លែល្ហុងក៏សម្បូរមានជាតិកាកសរសៃខ្ពស់ដែលមនុស្សជាច្រើនពេញនិយមក្នុងការញុំា ដើម្បីជួយសម្រួលប្រព័ន្ធរំលាយអាហារហើយជាផ្នែកមួយជួយក្នុងការស្រកគីឡូ។ បើយោងតាមប្រភព Healthline បញ្ជាក់ថា នៅក្នុងផ្លែឈើល្ហុងមានសារធាតុចិញ្ចឹមដែលបានរៀបរាប់ខាងលើសុទ្ធតែអាចជួយពន្យារភាពចាស់ ការពារស្បែកពីពពួករ៉ាឌីកាល់សេរី កម្ដៅថ្ងៃ និងស្នាមជ្រីវជ្រួញ និងអាចបង្ការជំងឺបេះដូងផងដែរ។
២. ផ្លែប័រ៖ តាមការស្រាវជ្រាវលើកដំបូងក្នុងការដឹកនាំដោយលោកវេជ្ជបណ្ឌិត Paul Spagnuolo បានរកឃើញថា ផ្លែប័រជួយរារាំងដំណើរការកោសិកា កុំឱ្យកើតជំងឺទឹកនោមផ្អែម និងជួយគ្រប់គ្រងទម្ងន់បានល្អ។ ក្នុងការសាកល្បងទៅលើមនុស្សមួយក្រុមបានបង្ហាញថា ផ្លែប័រនេះ មានសារធាតុស្រូបយកជាតិស្ករពីក្នុងឈាម និងកម្ចាត់ជាតិខ្លាញ់អាក្រក់។ លោកបានបន្តថា បើរាងកាយយើងអសកម្ម មិនអាចកម្ចាត់ជាតិគ្លុយកូសចេញពីក្នុងឈាមបានទេ។ ការហូបផ្លែប័រ ដែលមានខ្លាញ់ល្អហៅថា (AvoB) វាជួយលំពែង ដើម្បីកាត់បន្ថយអាំងស៊ុយលីន។ ពេលយើងទទួលហូបផ្លែប័រ ធ្វើឱ្យរាងកាយដុតជាតិគ្លុយកូសចេញពីឈាមបានល្អ។
៣. ភេជ្ជៈតែបៃតង៖ លោកអ្នកអាចទិញភេសជ្ជៈតែបៃតងតាមហាងកាហ្វេ និងហាងជាច្រើន ព្រោះវាមានអត្ថប្រយោជន៍ច្រើនណាស់ដល់សុខភាពក្នុងការសម្រកគីឡូ និងថែសម្រស់។ តែបៃតងអាចជួយដល់ការសម្រកទម្ងន់។ អ្នកអាចញ៉ាំតែបៃតងក្តៅ ២ទៅ៣ពែង អាចមានប្រសិទ្ធភាពក្នុងការសម្រកគីឡូ។ តាមអ្នកវិទ្យាសាស្រ្តលោក Garcia និងលោក Miralles បានសិក្សានៅកោះអូគីណាវ៉ាបានរកឃើញថា ការផឹកតែបៃតងនេះជាប្រចាំថ្ងៃរបស់ជនជាតិជប៉ុន ជួយឱ្យអាយុវែង និងជួយសុខភាពសម្រស់មានភាពវ័យក្មេងជាងមុនផងដែរ”។ ក្រៅពីសម្រកគីឡូហើយ វាមានប្រយោជន៍ក្នុងការបញ្ចុះកូឡេស្តេរ៉ុល និងគ្រប់គ្រងជំងឺទឹកនោមផ្អែមប្រភេទទ២ថែមទៀត៕ អត្ថបទដោយ៖ ទ្រ សុភាព
សៀវភៅ "លំហូរចិត្ត" លោកអ្នកអាចទិញតាម https://t.me/hangchhengH24
