ដូចដែលយើងដឹងហើយថាប្រតិបត្តិការចាក់វ៉ាក់សុំាងកូវីដ១៩នៅប្រទេសកម្ពុជាយើងដែលទទួលបានពីការឧត្ថម្ភរបស់ចិនដែលមានឈ្មោះថាស៊ីណូហ្វាម​ គឺចាប់ផ្ដើមនាព្រឹកថ្ងៃទី១០ខែកុម្ភៈនេះហើយ ដោយក្នុងនោះមន្រ្តីក្នុងជួរដ្ឋាភិបាល៤រូបហើយដែលបានចាក់វ៉ាក់សុំាងកូវីដ១៩នេះរួចរាល់។

ក្នុងនោះរួមមាន៖

កូនប្រុសច្បងសម្ដេចហ៊ុនសែន ឧត្តមសេនីយ៍ឯក ហ៊ុន ម៉ាណែត ដែលបានចាក់មុនគេងបង្អស់ នៅមន្ទីរពេទ្យកាល់ម៉ែត្រ។

រដ្ឋលេខាធិការក្រសួងសុខាភិបាល​ លោកជំទាវឱ វណ្ណឌីន ក៏បានចាក់រួចរាល់ហើយដែរនៅមន្ទីរពេទ្យកាល់ម៉ែត្រ។ជាមួយគ្នានោះដែរយោងតាមការផ្សាយផ្ទាល់របស់Fresh New លោកជំទាវបានលើកឡើងថាក្រោយការចាក់គឺមានអារម្មណ៍ធម្មតាមិនមានការប្រែប្រួលអ្វីទេ តែទាល់តែរយ់ពេលកន្លះម៉ោងទើបអាចចេញពីមន្ទីរពេទ្យបាន។

អភិបាលរាជធានីភ្នំពេញឯកឧត្តម ខួងស្រេង នៅមន្ទីរពេទ្យកាល់ម៉ែត្រ

ឯកឧត្តម គួច ចម្រើន ​អភិបាលខេត្ត​ព្រះសីហនុបានធ្វើដំណើរមកចាក់វ៉ាក់សុំាងជាមួយភរិយានៅមន្ទីរពេទ្យខ្មែរសូវៀត។

គួរជម្រាបដែរថា ការចាក់វ៉ាក់សុំាងនេះគឺចាក់ដោយស្ម័គ្រចិត្ត ហើយក្នុងដំណាក់កាលទី១ដែលចិនបានផ្ដល់នេះគឺមានចំនួន៦០ម៉ឺនដូស ដែលបានមកដល់ទឹកដីកម្ពុជាតាំងពីថ្ងៃទី៧ខែមករា។

គួររំលឹកផងដែរថា សម្រាប់ទីតាំងនៃការចាក់វ៉ាក់សុំាងកូវីដ១៩នេះគឺមានការចាក់ទៅតាមទីតាំងមន្ទីរពេទ្យ ដែលរដ្ឋាភិបាលបានកំណត់ទៅដោយក្នុងនោះមានដូចជា៖

១.មន្ទីរពេទ្យកាល់ម៉ែត សម្រាប់ឥស្សរជនជាទេសរដ្ឋមន្រ្តី រដ្ឋមន្រ្តី រដ្ឋលេខាធិការ ឬមានឋានៈស្មើរ

២. មន្ទីរពេទ្យព្រះអង្គឌួង សម្រាប់ឥស្សរជនជាអនុរដ្ឋលេខាធិការឬមានឋានៈស្មើរ

៣.មន្ទីរពេទ្យមិត្តភាពខ្មែរ-សូវៀត សម្រាប់ឥស្សរជនជាអភិបាលនៃគណៈអភិបាលរាជធានី ខេត្ត

៤.មន្ទីរពេទ្យកុមារជាតិ សម្រាប់អ្នកសារពត៌មាន

សម្រាប់ពត៌មានបន្ថែមសូមទំនាក់ទំនងទៅក្រសួងសុខាភិបាលតាមរយៈលេខទូរស័ព្ទ១១៥៕

អត្ថបទទាក់ទងបន្ថែម៖ សម្ដេចហ៊ុនសែនចេញសារមួយភ្លាមក្រោយកូនប្រុសច្បងរបស់លោក ចាក់វ៉ាក់សុំាងកូវីដ១៩រួច

អត្ថបទដោយ៖ភោគ ម៉ារី