ការហូបបង្កងអត់ដឹងពីប្រភពច្បាស់លាស់អាចប៉ះពាល់សុខភាពដោយអត់ខ្លួនទេព្រោះគេអាចលាយជាតិគីមីជាហេតុនាំឱ្យប៉ះពាល់ដល់ខួរក្បាលនិងជំងឺមួយចំនួនទៀត។ ថ្ងៃនេះ ក្រុមការងារចាបបៃតងបានមកកន្លែងពិភពបង្កងនៅស្រុកកណ្តាលស្ទឹងខេត្តកណ្តាលជាកន្លែងចិញ្ចឹមបង្កងដ៏ធំមួយ ចិញ្ចឹមបង្កងតាមបែបធម្មជាតិគិតពីសុខភាពជាចម្បង។ លោក ហៃ ជាម្ចាស់កន្លែងពិភពបង្កងបានប្រាប់ថា បង្កងមានសុខភាពល្អ អ្នកញ៉ាំបង្កងក៏សុខភាពល្អដែរ។ មានកត្តាមួយនាំឱ្យបង្កងសុខភាពល្អ ត្រូវការប្តូរទឹកកង្វក់ចេញក្នុងមួយសប្តាហ៍ម្តងនិងមួយខែជាច្រើនម្តង ដើម្បីបង្កើនបរិមាណខ្យល់អុកស៊ីសែនក្នុងស្រះហើយបញ្ចេញចោលឧស្ម័នពុលផ្សេងៗ ចេញ។ និយាយទៅបង្កងសាច់ដុំនេះត្រូវការបរិស្ថានស្អាត ទឹកស្អាត កុំឱ្យវាស្រ្តេស ទើបសាច់បង្កងមានរសជាតិឆ្ងាញ់ហើយល្អដល់សុខភាពណាស់។
តាមលោក ហៃ បានប្រាប់ថា បង្កងសាច់ជ្រាយៗ វាអាចប៉ះសុខភាព។ សាច់បង្កងមានគុណភាពរាងរឹងៗ ហើយការញ៉ាំបង្កងមានគុណប្រយោជន៍ដល់សុខភាពខួរក្បាលព្រោះវាមានសារធាតុ B12(វវាតួនាទីជួយខួរក្បាល ប្រព័ន្ធប្រសាទ និងដំណើការផលិតកោសិការគ្រាប់ឈាមក្រហម)។ និងមានសាធាតុ choline ព្រោះសារធាតុទាំងពីរនេះរក្សាសុខភាពមុខងារខួរក្បាលគិតបានលៀន។ ហើយបង្កងមានជាតិប្រតេអ៊ីនជួយសុខភាពរាងកាយដល់សាច់ដុំ កាត់បន្ថយការសម្រកគីឡូ ប៉ុន្តែសម្រាប់អ្នកលើសគីឡូ ក៏ហាមហូបខួរបង្កងដែរព្រោះវាមានជាតិខ្លាញ់ច្រើន តែគាត់អាចហូបសាច់បង្កងគ្មានបញ្ហាទេ។ សូម្បីតែសរសៃឈាមរបស់យើងក៏ដើរស្រួល។
គាត់បានបន្តថា បង្កងសាច់ដុំដែលយើងចិញ្ចឹមនៅពិភពបង្កងនេះ យើងគិតពីសុខភភាពទីមួយ ព្រោះនៅក្នុងបង្កងមិនមែនមានត្រឹមប្រូតេអ៊ីទេ វាទាំងមានជាតិអាស៊ីដខ្លាញ់អូមេហ្គា៣ ជាអាស៊ីដមានខ្លាញ់ដែលគុណភាពដល់សុខភាពខួរក្បាល និងបេះដូង។ តាមការស្រាវជ្រាវវិញក៏គេបានបញ្ជាក់ថា បង្កងជួយកាត់បន្ថយគ្រោះថ្នាក់ដាច់សរសឈាមខួរក្បាលរបស់មនុស្សចាស់មានប្រសិទ្ធភាពផងដែរ។ ហើយការប្រមូលផលបង្កងនេះយើងចាយពេលចាប់ពី៦ខែទៅ៨ខែឯណោះ ដើម្បីប្រមូលផលលក់លើទីផ្សារ។ នៅពិភពបង្កងនេះភាគច្រើនមានអ្នកទិញមកផ្ទាល់ដើម្បីបានស្រស់ៗ មានទំនុកចិត្តខ្លាំងណាស់។ អ្នកមានហូបគេមិនខ្លាចប៉ះពាល់ដល់សុខភាពទេ។
បើយោងតាមគេហទំព័រ webmd បានចុះផ្សាយថា បង្កងមានអាស៊ីតខ្លាញ់អូមេហ្គា ៣ ដែលមានសាធាតុចំនួនពីរបន្ថែមទៀតគឺអាស៊ីត eicosapentaenoic (EPA) និងអាស៊ីត docosahexaenoic (DHA) ដែលជួយការពារជំងឺបេះដូង រក្សាចង្វាក់បេះដូងលោតបានល្អក្នុងដំណើរផលិតឈាម កាត់បន្ថយសម្ពាធឈាម ហើយធ្វើឱ្យប្រសើរឡើងនូវមុខងារនៃសរសៃឈាមរបស់ខួរក្បាល៕ អត្ថបទដោយ៖ ទ្រ សុភាព