បើនិយាយអំពីគុណភាពនៃសុខភាពរបស់មនុស្សដែលរស់នៅមានផាកសុខភាពល្អហើយមានអារម្មណ៍រីករាយ ធ្វើឱ្យមនុស្សមានអាយុរស់នៅយូរអង្វែងយើងច្បាស់នឹកឃើញដល់ប្រជាជនជប៉ុនជាក់ជាមិនខាន មិនសូវជាមានបញ្ហាផ្លូវចិត្តនោះទេ។ ការរស់នៅបែបសាស្រ្ត ធ្វើឱ្យរស់នៅដកភាពអវិជ្ជមាន ប្តូរមកអារម្មណ៍រីករាយក្នុងជីវិត។ ដូចជាអ្នកចំណាយពេលនៅម្នាក់ឯងក៏ធ្វើឱ្យអ្នករស់នៅមានក្តីសុខបំផុត។ ពេលចុងសប្តាហ៍នៅម្នាក់ឯងធ្វើឱ្យស្រូបថាមពលវិជ្ជមានចូលផ្លូវចិត្តឡើងវិញដែរ។
មនុស្សដែលមានសុខភាពល្អ មានការទាក់ទងជាមួយផ្លូវចិត្ត ឬហៅថា ចេះរស់បែបចិត្តសាស្រ្តគឺចេះរីករាយនឹងអ្វីដែលខ្លួនមាន។ តាម សកលវិទ្យាល័យនៅសហរដ្ឋអាមេរិកជាច្រើនបានធ្វើការស្រាវជ្រាវលើចិត្តសាស្រ្តបានបញ្ជាក់ថា “ មនុស្សដែលគ្មានអារម្មណ៍រីករាយក្នុងការរស់នៅទេ ធ្វើឱ្យមានផលប៉ះពាល់សុខភាពខ្លាំងណាស់។ ពីព្រោះថា បញ្ហាផ្លូវចិត្តនេះមានការភ្ជាប់ជាមួយរាងកាយជាមួយគ្នាទៅវិញទៅមក។” តាមសៀវភៅមួយរបស់លោក Dale Carnegie ជាអ្នកនិពន្ធដ៏ល្បី បានសរសសេរថា “ អ្នកជំនួញដែលគ្មានភាពរីករាយក្នុងការរស់នៅទេ ពួកនឹងឆាប់ស្លាប់”។ ការរក្សាអារម្មណ៍ឱ្យមានភាពរីករាយ អ្នកត្រូវការគិតវិជ្ជមាន ហាត់ប្រាណ និងធ្វើសមាធិលើផ្លូវដង្ហើម ដើម្បីដកស្រ្តេស ដកភាពតានតឹងចេញពីក្នុងចិត្ត។
តាមលោកតា Manuel Garcia Hernandez កើតនៅឆ្នាំ ១៨៩៦ ជាការបញ្ជាក់សំបុត្រកំណើតពីរដ្ឋ Veracruz ពីប្រទេស MeXiCo “ខ្ញុំមានអាយុ ១២០ ឆ្នាំ តែគាត់មានអារម្មណ៍ថា គាត់មានអាយុ ៨០ឆ្នាំ”។ ព្រោះតែគាត់រស់នៅរីករាយបែបចិត្តសាស្រ្ត តាមលោកតាបាននិយាយថា ខ្លួនជាមនុស្សមានអាយុ ១២០ ឆ្នាំ ភាពវិជ្ជមានរបស់លោកតា បានបង្រៀនយើងថា សុខភាពមនុស្សល្អ ឬអាក្រក់ មានការទាក់ទងជាមួយផ្លូវអារម្មណ៍។ បើអារម្មណ៍អ្នកមិនល្អដូចជា ការខឹង ការស្អប់ និងភ័យក្នុងរឿងអ្វីមួយ តើរាងកាយនិងចិត្តរបស់អ្នកមានលក្ខណៈបែបណា? អ្នកសង្គេតដោយខ្លួនឯង អ្នកនឹងឃើញមិនខានឡើយថា វាប៉ះពាល់ខ្លាំងកម្រិតណា? ចូរអ្នករស់នៅបែបចិត្តសាស្រ្តធ្វើឱ្យមានក្តីសុខបំផុត៕ អត្ថបទដោយ៖ ទ្រ សុភាព