និយាយហើយនិយាយទៀត ថាជាតិស្ករ នៅក្នុងអ្វីក៏ដោយគឺគ្រោះថ្នាក់លឿនណាស់ ឱ្យតែអ្នកទទួលទានលើសកំណត់ដែលគេបានណែនាំ មិនថានៅក្នុងភេសជ្ជៈឬក៏ផ្លែឈើ។ល។ ព្រោះតែជាតិស្ករក៏មានប្រយោជន៍សម្រាប់រាងកាយ ហើយជាតិស្ករក៏អាចបំផ្លាញសុខភាពរបស់អ្នកឱ្យខ្ទេចខ្ទីដូចគ្នា។

ដោយហេតុថា របបអាហារដែលមានជាតិស្ករច្រើន អាចធ្វើឱ្យអ្នកប្រឈមជាមួយជំងឺទឹកនោមផ្អែម លឿនខ្លាំងបំផុត មានដូចជាភេសជ្ជៈផ្អែមៗ ផ្លែឈើមានជាតិផ្អែមខ្លាំងញុំាជាប់រាល់ថ្ងៃ ស្រាក៏មានជាតិស្ករដូចគ្នា អ្នកផឹកស្រាច្រើនរាល់ថ្ងៃ ប្រឈមទឹកនោមផ្អែមលឿនជាពិសេសប្រឈមនិងជំងឺខ្លាញ់រុំថ្លើម រលាកថ្លើមយូរៗក្លាយជាក្រិនថ្លើម មហារីកថ្លើមឡើងមក ដែលចំណុចទាំងអស់នេះ អ្នកចូលចិត្តផឹកស្រា គួរតែដឹង។ មួយវិញទៀត នេះបើយោងតាមរយៈការចែករំលែករបស់វេជ្ជបណ្ឌិត ម៉ក់ សុភក្តិ បានចែករំលែកខ្លះៗមកថា​ មូលហេតុដែលអ្នកជំងឺអាចកើតមានបញ្ហាជំងឺក្រិនថ្លើមដោយមិនដឹង គឺការទទួលទានគ្រឿងស្រវឹងច្រើនជាប្រចាំ។ មូលហេតុចម្បងផ្សេងទៀត គឺការឆ្លងមេរោគថ្លើមប្រភេទB និងប្រភេទC ហើយបើមិនមានមេរោគទាំង២នេះក្នុងខ្លួនរួចហើយបូករួមទាំងផឹកគ្រឿងស្រវឹងច្រើនទៀតគឺនឹងក្រិនថ្លើមកាន់តែលឿនបំផុត។

ដូច្នេះ របបអាហារប្រចាំថ្ងៃ ត្រូវតែប្រយ័ត្ន និងគិតគួរពីសុខភាពជាចម្បង នាពេលសព្វថ្ងៃនេះជំងឺអ្វីក៏ងាយកើតមានដែរ បើមិនចេះថែសុខភាព ប្រយ័ត្នរកលុយព្យាបាលជំងឺមិនទាន់។ ម្យ៉ាងវិញទៀតតាមរយៈប្រភព HEALLINE តាមរយៈការសិក្សារបស់ វេជ្ជៈបណ្ឌិត Raj Dasgupta, MDសាស្ត្រាចារ្យរងផ្នែកព្យាបាលនៅសាកលវិទ្យាល័យ Southern California ក៏បានបញ្ជាក់ឱ្យដឹងថា របបអាហារដែលមានជាតិស្ករច្រើន មានដូចជាភេសជ្ជៈផ្លែឈើ ស្ករសប្បិនិម្មិត ញឹកញាប់ អាចនឹងធ្វើឱ្យអ្នកប្រឈមជាមួយនិងបញ្ហាធាត់ ជំងឺទឹកនោមផ្អែម ជំងឺសរសៃឈាមបេះដូង ជំងឺមហារីកថ្លើម និងជំងឺថ្លើមរុំារ៉ៃ។

អាស្រ័យហេតុនេះ គួរយល់ដឹងពីរបបអាហារថែរក្សាថ្លើមរបស់អ្នកឱ្យមានសុខភាពល្អ ដូចគ្នា ដែលអ្នកមិនគួរមិនញុំាសោះឡើយ ព្រោះអាហារទាំងអស់នេះជួយសុខភាពថ្លើម បានច្រើនណាស់។ អាហារទាំងនោះមានដូចជា៖ ដើមខាត់ណាខៀវ ផ្លែប័រ ទំពាំងបាយជូរ តែបៃតង​ ​កាហ្វេខ្មៅជាដើម។ ក្រុមអាហារទាំងអស់នេះមានសមត្ថភាព ជួយកំម្ចាត់ជាតិពុលចេញពីថ្លើម ជួយឱ្យថ្លើមមានសុខភាពល្អ៕

អត្ថបទដោយ៖ ធីតា