៣យ៉ាងជាហេតុធ្វើឱ្យអ្នកឆ្លងមេរោគថ្លើមប្រភេទបេ ទាំងមិនដឹងខ្លួន បើទុកយូរប្រឈមមហារីកថ្លើមទៀត
ជំងឺរលាកថ្លើមប្រភេទបេ គឺជាជំងឺមួយដែលកើតមានច្រើននៅតំបន់អាស៊ីយើងនេះ ហើយអាចបង្កជាគ្រោះថ្នាក់ដល់អាយុជីវិតបានបើព្យាបាលមិនបានទាន់ពេល។ ក៏ប៉ុន្ដែជំងឺថ្លើមប្រភេទបេប្រសិនណាអ្នកចេះការពារទុកមុន វាមិនបង្កជាគ្រោះថ្នាក់ដល់សុខភាពរបស់អ្នកនោះទេ។
នេះបើយោងតាមរយៈការចែករំលែករបស់ វេជ្ជបណ្ឌិត ម៉ក់ សុភ័ក្រ ជាគ្រូពេទ្យឯកទេស ជំងឺថ្លើម ក្រពះពោះវៀននិងឫសដូងបាត នៅមន្ទីរពេទ្យកាល់ម៉ែត្រ បានចែករំលែកថា ជំងឺចំពោះមេរោគថ្លើមប្រភេទបេនេះ គឺប្រឈមឆ្លង មានន័យថាប្រសិនណាអ្នកនៅមួយអ្នកដែលមានមេរោគនេះគឺប្រឈមឆ្លង ហើយក៏មានកត្តាជាច្រើនទៀតផងដែរ ដែលអាចធ្វើឱ្យប្រឈមឆ្លងជំងឺនេះផងដែរ។
ខាងក្រោមនេះគឺជាកត្តា៣យ៉ាងដែលងាយឆ្លងមេរោគថ្លើម
-កត្តាទី១នៃការឆ្លងមេរោគថ្លើមប្រភេទបេ នេះគឺឆ្លងពីម្ដាយទៅកូន គឺនៅពេលកូនសម្រាលមក ហើយម្ដាយមានផ្ទុកមេរោគថ្លើមប្រភេទបេគឺងាយឆ្លងទៅកូនលឿនបំផុត។ ដូច្នេះពេទ្យណែនាំ្យស្រ្តីមុនយកកូនត្រូវពិនិត្យរកមើលមេរោគថ្លើមឱ្យបានមុន ចៀសវាងចម្លងជំងឺដល់កូននៅពេលសម្រាល។
-កត្តាទី២គឺការមុតរលាត់ ការចាក់ថ្នាំរួមគ្នា ការបញ្ចូលឈាម ប្រើប្រាស់ច្រាសដុសធ្មេញរួមគ្នា ការធ្វើក្រចករួមគ្នា។
-កត្តារួមភេទក៏អាចធ្វើឱ្យអ្នកប្រឈមឆ្លងមេរោគថ្លើមប្រភេតបេដូចគ្នា។
ជាចុងក្រោយវេជ្ជបណ្ឌិតបានបកស្រាយថាជំងឺនេះអាចបង្ការបានគឺត្រូវចាក់វ៉ាក់សាំងការពារ ជាពិសេសស្រ្តីមុនយកកូន ឬក៏មុនត្រីមាសទី៣ត្រូវពិនិត្យរកមើលមេរោគថ្លើមដើម្បីបង្ការកុំឱ្យឆ្លងមេរោគថ្លើមពីកូន។ មួយវិញទៀតអ្នកធម្មតា ក៏វេជ្ជបណ្ឌិតណែនាំឱ្យពិនិត្យសុខភាពថ្លើមយ៉ាងហោចណាស់៦ខែទៅ១ឆ្នាំម្ដង ដើម្បីបង្ការទុកមុនចៀសវាងទុកយូរប្រឈមក្រិនថ្លើម មហារីកថ្លើមឡើងមកព្រោះមេរោគថ្លើមនេះគឺមិនមានរោគសញ្ញានោះទេ។
ដើម្បីការពារជំងឺមហារីកថ្លើមគេមានវិធីសាស្រ្តដូចជា៖ យើងអាចអនុវត្តវិធីមួយចំនួន ដើម្បីការពារជំងឺមហារីកថ្លើមមានដូចជា
- ចាក់វ៉ាក់សាំងការពារជំងឺរលាកថ្លើម
- បញ្ឈប់ការពិសារស្រា និងបារី
- តាមដានសុខភាព ចំពោះការប្រើថ្នាំពន្យាកំណើត
- កាត់បន្ថយការប្រើប្រាស់ និងឃ្លាតឲ្យឆ្ងាយពីសម្ភារៈ និងទីតាំងមានរលកវិទ្យុសកម្ម ដែលប៉ះពាល់ដល់សុខភាព
-ចៀសវាងក្រុមអាហារដែលបានរៀបរាប់ខាងលើឱ្យបានច្រើន ស្រា បារី អាហារកែច្នៃ អាហារខ្លាញ់ អាហារផ្អែមៗលើសកម្រិតត្រូវការ។ គួរតែបែរមករកក្រុម បន្លែផ្លែឈើ អាហារខ្លាញ់ល្អៗ ព្រោះអាហារទាំងនេះអាចប៉ូវសុខភាពផ្លើមរបស់អ្នកឱ្យមានសុខភាពល្អ ចៀសវាងជំងឺផ្សេងៗជាពិសេសជំងឺមហារីកថ្លើម៕