ជារៀងរាល់ថ្ងៃស្បែកមុខរបស់យើង ជាកន្លែងដែលរងផលប៉ះពាល់ខ្លាំងជាមួយមជ្ឈដ្ឋានខាងក្រៅ ដូចជាធូលីដី ជាតិកខ្វក់ផ្សេងៗ និងផ្សែងពុលជាដើម។ នៅក្នុងទម្លាប់ថែរក្សាស្បែកមុខដែលត្រឹមត្រូវ គឺយើងមិនត្រឹមតែចេះជ្រើសផលិតផល Skin care មកប្រើ ក្នុងនោះគឺយើងចាំបាច់ត្រូវតែបញ្ចូលទម្លាប់បិទម៉ាសផងដែរ។ ពីព្រោះគ្រប់ប្រភេទម៉ាសបិទមុខទាំងអស់មាននាទីជួយបឺតជាតិពុល​ បំពេញជាតិទឹក ព្រមទាំងជម្រុះកោសិកាចាស់ងាប់ៗចេញពីស្បែក ដែលស្បែកមុខរបស់យើងម្នាក់ៗត្រូវការបំផុត។

យោងតាមការធ្វើបទសម្ភាសន៍ជាមួយ លោក គីម សុង Founder Lé Natural លោកបានបញ្ជាក់ឱ្យដឹងថា ក្នុងនាមលើជាអ្នកស្រឡាញ់ស្បែក និងយល់ដឹងពីបញ្ហាស្បែកម្នាក់ លោកបានស្រាវជ្រាវពីអត្ថប្រយោជន៍របស់ម៉ាសបិទមុខ ឃើញថាគ្រប់ប្រភេទស្បែកមុខទាំងអស់មិនថាមុខស្ងួត មុខខ្លាញ់ ឡើយគឺសុទ្ធតែត្រូវការប្រើប្រាស់ឬបិទម៉ាសបន្ថែមពីលើការប្រើប្រាស់ផលិតផល Skin care ប្រចាំថ្ងៃពីព្រោះថាម៉ាសមានតួនាទីប្រៀបដូចជាថ្នាំព្យាបាល និងថែទាំស្បែកមុខអ៊ីចឹង។ ម៉ាសធម្មជាតិ ជាម៉ាសដែលផលិតដោយស្នាដៃកូនខ្មែរ និងយកវត្ថុធាតុដើមក្នុងស្រុកដូចជា រមៀត តែបៃតង កាហ្វេ ផ្សិត និងល្ងរ មកផលិតផលចេញជាម៉ាស។

ក្នុងនោះដែរម៉ាសប្រភេទនីមួយៗគឺមានអត្ថប្រយោជន៍ខុសៗពីគ្នាដូចជា៖

ម៉ាសកាហ្វេ៖ មានតួរនាទីជម្រុះកោសិកាចាស់ៗ និងបណ្តេញជាតិពុលចេញពីស្បែក

ម៉ាសរមៀត៖ ជួយព្យាបាលស្បែកមុខ បំបាត់ស្នាម និងការពារភាពចាស់

ម៉ាសផ្សិត៖ មាននាទីជួយបំប៉នស្បែក ជួយឱ្យស្បែកភ្លឺរលោង និងបំពេញជាតិទឹក

ម៉ាសតែបៃតង៖ ជួយផ្តល់ភាពធូរស្រាលដល់ស្បែក បំបាត់បញ្ហារោលរមាស់ និងពង្រឹងកោសិកាស្បែក

ម៉ាសល្ងរ៖ ជាម៉ាសប្លែកពីគេដែលវាមានតួនាទីផ្តល់សំណើមបែបប្រេង និងប្រឆាំងអុកស៊ីតកម្មឱ្យស្បែកមានសភាពរលោង។

ម៉ាសធម្មជាតិទាំង៥មុខនេះមានតួនាទីផ្សេងៗគ្នា ដែលអ្នកអាចជ្រើសប្រើទោតាមបញ្ហាស្បែកមុខដូចជាថ្ងៃណាអ្នកមានអារម្មណ៍ចង់បញ្ចេញជាតិពុលអ្នកអាចប្រើម៉ាសកាហ្វ ចង់ឱ្យមុខមានសំណើមប្រើផ្សិត ឬចង់ឱ្យមុខរលោងប្រើម៉ាសល្ងរ ទៅតាមតម្រូវការរបស់អ្នក។

មួយវិញទៀត ចំពោះរបៀបនៅក្នុងការបិទម៉ាសធម្មជាតិនេះ លោក គីម សុង បានបញ្ជាក់ថាអ្នកអាចបិទរាល់ថ្ងៃក៏បានឬបិទ៣ដងក្នុងមួយសប្តាហ៍ក៏បាន។ ដោយនៅពេលបិទអ្នកគ្រាន់តែយកម៉ាសប្រភេទណាដែលអ្នកចង់បិតចំនួន២ស្លាបព្រា លាបជាមួយទឹលស្អាតបន្តិច រួចលាបនៅលើមុខទុករយៈពេល១៥នាទីលាបទឹកចេញជាការស្រេច។

អត្ថបទដោយ៖ មឿន គន្ធា